أنا شاب دايمًا بفكر كتير، عايز أغير من نفسي، أبطل عاداتي الوحشة زي التدخين والتسويف، وعايز أكون ناجح، ذكي، حكيم، وجسمي مظبوط، بس دايمًا بتأخر، بقول “بكره”، وبلفّ حوالين نفس الدايرة. جوايا حِتّة دايمًا مش راضية عن نفسي، بحس إني ضايع شوية، ومحتاج حد يفهمني ويحبني ويغير عليا بجد. ساعات بحس إني لوحدي، وساعات بلوم نفسي على كل حاجه. أنا بطبعي متسرّع، عايز أوصل لكل حاجه مرّه واحده، بس الواقع بيصدم، وكل مره أبدأ وأقع، أرجع أقول “أنا مش قدّي الكلام ده”. بس الحقيقة؟ أنا مش ضعيف، أنا بس محتاج أثبت لنفسي إني أقدر، وأبدأ خطوة بخطوة، وأكسر الحلقة اللي أنا فيها. أنا مش محتاج أكون حد تاني، أنا محتاج أكون النسخة الجامدة اللي جوايا… وده اللي هعمله

6

2