كان كل شويه يعمل حاجات تضايقني و أنا أقوله انها غلط و لما كان بيزودها كنت بقرر اني خلاص همشي و ان كل واحد يروح لحاله و بعدها أبوه او مامته بيتحايلوا عليا عشان نرجع لبعض و كنت بوافق ارجعله ، جينا قبل الفرح بوقت بسيط حصلت خلافات ف الاتفاقات بين الأهالي وانا زعلت ف الاول بس رجعت وقفت معاه ضد اهلى ع الرغم ان اهلي صح مش غلط بس كنت بقول هو هيعمل ايه يعني و بعدين أبوه هو اللي مسيطر جدا و هو مش عارف يعمل ايه و بعدها مشيت كلامهم و أقنعت اهلي انهم يوافقوا باللي هما عاوزينه .. بس مكنتش قادره ارجع معاه زي الاول عشان من جوايا كنت عارفه ان خطيبي كدا مش شاري ولا حتى وقف ادام اهله عشاني ولا اي حاجه ، ف كنت مش بتكلم معاه اد كدا لحد ما لقيته باعتلي بيقولي ان كل شئ نصيب و انه مش مرتاح ولا اهله كمان مرتاحين . أنا عارفه انه خير وراضيه وأحسن من غيري بس اوقات بحس بحنيه ليه ع الرغم انه أذاني كتير نفسيا و تعبني جدا طول فتره الخطوبه انصحوني أتخطى ازاي و ابطل ابقى زعلانه

20

3