كل حاجه وحشه فيا وبحاول أتغير بس مش عارفه

Question

كل حاجه حرفيا 
جسمي وشكلي وشخصيتي ويارتني عارفه اغيرهم 
تخنت اوي وبقي شكلي وحش
شخصيتي بقت وحشه اوي وبحاول اغيرها بس برضه مشعارفه
حاولت اعمل كل حاجه دايت وجربت بس مش عارفه انتظم عليه 
وبرضه علاقتي بربنا بقت وحشه اوي بحاول اصلي بس ببقي مكسله اوي ساعات بصلي الفجر لما بكون صاحيه بس بقول هصلي باقي الصلوات وبرجع اكسل بحاول اقرب من ربنا يعني مثلا وقت فراغ اقرا قران اجي انام احط السماعه واشغل قران بس الصلاه مش عارفه انتظم عليها خالص

Cheese_60636 🇪🇬 · Accepted Answer

مفيش حد شكله وحش، انتي ممكن ستايلك مش لايق عليكي، شوفي شكل وشك وايه الاستايل الي هيليق عليكي وهتلاقي نفسك بقيتي تحفه انا كمان كنت مش حابه شكلي لغايه ما استوعبت ان الاستايل بتاعي هو الي مكنش لايق علي وشي وغيرته وبقيت اشوف اني احلي، متكرهيش شكلك ولا جسمك وبالنسبه للصلاه ربنا معاكي حاولي واحده واحده ومتيأسيش ابدا و ربنا هيسهلها ان شاء الله انتي لو صلياي بانتظام في اسبوع واحد هتتعودي، خديها تحدي

Apple_59722 🇪🇬 · Answer

واحده وآحده علي نفسك كوني رحيمه بيها تقبلي نفسك كما آنتي واضح إن في تراكمات نفسيه كتير بسبب الاهل ممكن المجتمع السوشيال ال بتكلمي فيه اعراض تروما إنسان خايف موجوع وآحده وآحده ومتجلديش ذاتك كوني رحيمه بنفسك اقعدي مع نفسك وحددي ناويه تعملي أي اكتبي أفكارك حجاتك أما بالنسبه لموضوع الاكل ممكن يبقي جوع عاطفي عشان كده مش عارفه تبطلي وآحده وآحده وكوني رحيمه بذاتك

Chilli_48447 🇪🇬 · Answer

السبب الرئيسى فى كل ده انك لوحدك ومفيش حد جنبك يتابع معاكى يومك ويسمعك تخرجى كل الدوشه إلى فى دماغك عشان تعرفى تخدى قرار ده هيفرق معاكى حرفيا

Corn_60326 🇪🇬 · Answer

وانا بردو وبحاول اتغير ، انتي مش لوحدك وكلنا بنعاني وبنمر بفترات صعبه وربنا معاكي يارب 💗

Carrot_60284 🇪🇬 · Answer

اللي مش تعرفي تغيريه اتصالحي معاه ده اول نقطة 
تاني نقطة لازم نحصن نفسنا ممكن تكوني محسودة او اي حاجة احنا مانعرفش 
ف حديث ع النبي 
 قال رسول الله ﷺ:
"من تصبحَ كل يومٍ سبعَ تمراتٍ عجوةً، لم يضرَّه في ذلك اليومِ سُمٌّ ولا سِحرٌ."

– رواه البخاري (رقم: 5768) ومسلم (2047).

الأذكار الصباح و المساء من ابليكشن حصن مسلم مثلا 
صلي صلاواتك ممكن تحاولي تحفظي ع وضوءك طول الوقت و تفرشي المصلية عشان استعدادا 
حاولي تقرأي

Carrot_60284 🇪🇬 · Answer

سوره البقره يوميا 
بس لو كسلتي ف حاجات و سقطتيها عادي ماتوقفيش او تبدأي من جديد لت كملي عاااادي والله التعثرات دي عادية

Chilli_60800 🇪🇬 · Answer

بصي يا قمر اغلب الشباب عندهم مبدا كدة في شكل البنت ان مافيش واحدة وحشة
كل واحدة لازم يبقي فيها حاجة حلوة انشالله حتي واحدة صحبتها هههههههه فكى ومتبصيش لتفسك بشكل وحش
انا قابلت واحد مرة بيدور علي نوعية بنات او ستات متقلش وزن عن ١٥٠ كيلو وتكون بلاك اه بلاك بجد مش سمرا السمار العادي بتاعنا حتي لو فوق الخمسين انما متقلش عن 150كيلو ولو بيضا يبرفض يتكلم معاها
الصلاه حافظي عليها من غير يأس احسن من مفيش

Mango_55973 🇪🇬 · Answer

انزلي الجيم وامشي علي الدايت واتفرجي علي نفسك بعد 6 شهور كده هتلاقي نفسك اتغيرتي 180 درجة من كل النواحي