السلام عليكم يا جماعة 💬 مش عارف أبدأ الكلام منين، بس حابب أفضفض شوية، يمكن ألاقي عندكم اللي يساعدني… بصراحة من بعد ما خلصت الامتحانات والتربية العسكرية، وأنا داخل في حالة كسل غريبة ومش مفهومة. مش كسل عادي… ده كأن في جبل على صدري مانعني أتحرك أو أعمل أي حاجة حتى لو بسيطة. كل ما أخطط لحاجة، أتكاسل. كل ما حد يطلب مني حاجة، أحس بثقل مش طبيعي… حتى الحاجات اللي كنت بحبها مبقتش بعملها بنفس الشغف، وبقيت بزهق بسرعة. واللي زاد فوق ده كُله، صداع شبه دائم مش راضي يسيبني حاسس إني تايه وسط الكسل والزهق، ومش قادر أبدأ من أي نقطة… اللي بيقهرني أكتر إني عايز أتغير وأتحرك وأرجع لطبيعتي، بس مش قادر لوحدي. أنا مش بشتكي، أنا بس محتاج حد يقولّي اعمل ايه أو يحكيلي هو خرج من حالة زي دي إزاي… يمكن كلمة منك تكون سبب إني أرجع أقف على رجلي تاني. لو عديت بتجربة شبه دي، أو عندك نصيحة أو فكرة أو دعوة صادقة… هستناها منك 💙

3

8