قلبي وجعني ليه يعمل كده بحبه ومفهورة

Question

جماعة أنا قلبي وجعني وهموت واعيط بس خايفة اخلي ياخدو بالهم لان كان في حد في حياتي وقالي عرفي مامتك عرفتها قولتلها اخلص تالتة وهيجي كنت يخليه يتكلم براحته معايا امبارح بقا يتأخر في الرد   قفل حبة حلوين قال إن كامته اخدت التليفون علشان المفروض يذاكر الكورس ده أنا بحبه وقولتله ماشي واتكلمنا عادي انهاردة استنيه يبعت ومرديتش ابعت ولما بعت الفجر لما فتحت الصبح لقيت أنه فتح من ساعتين ومدخلش الشات ميحتهم وبعت رسائل جديدة بليل علشان يخش وريته اسكرين أنه فاتح من ١٠ دقائق ومشافش حاجة بردو قبل ما ادخل انام دلوقتي لقيته مسح حساباته وانا قلبي وجعني اووي ومفهورة لاني بحبه ليه يعمل كدة أنا معايا أرقامه وحفظت رقم ليه اسأله بكره عملت كدة ليه بجد عايزة افهم كان بيحبني والله ممكن ضغط من مامته هو قالي أنها بتزعقله  كتير بسبب الموضوع بتاع الكورس عايزة اصحي امي بجد واحكيلها واعيط مش قادرة بجد

Tofu_19483 🇪🇬 · Accepted Answer

لا متكلميهوش وعلاقتك بيه حرام ف كويس جت من عنده ولا تكلميه ولا حاجه واشغلي وقتك وقربي من ربنا قلبك هيتطمن ويرتاح

Coconut_65841 🇪🇬 · Answer

مش قادرة اتنفس بجد ومش عارفه اعمل ايه

Lemon_66502 🇪🇬 · Answer

ازاي بتحكي ل ماما وازاي سيباكي كده من كلامك انكم لسه اطفال

Banana_67232 🇪🇬 · Answer

استهدي بالله كد وهو لو عايز وجاهز كان جه ف الحلال على طول من غير مماطلة

Grape_57212 🇪🇬 · Answer

استهدي بالله وعيطي عادي وخدي وقتك ف الزعل ومتحاوليش ترجعيله هو سابك بمزاجه اعرفي انه هيرجع بمزاجه بردو 
اشتغلي علي نفسك ومتفكريش فيه تاني وباين انه توكسيك وبلاير وبيكلم حد تاني 
ومعلش دا درس وكان لازم نمر بالتجربه دي عشان نتعلم وربنا يراضي قلبك ويعوضك

Banana_67232 🇪🇬 · Answer

ولو عمل كد يبق انتي كنتي أسهل حاجة يتخلى عنها

Orange_63783 🇪🇬 · Answer

حبيبتي فهماكي، بس حوار ان مامته سحبت منه الفون بتاعه وبتزعقله عشان الكورس ف قفل حساباته كلها ده حوار عقلك اخترعه او صدقه عشان يخفف عليكي ان الحياه فيها اشكال كتير ضالة ومزيفين (بالذات فالسوشال ميديا) وعشان يخفف عليكي قلة اصل الواد ده معاكي وانه حتة عيل، ارجوكي ركزي ف دراستك ونفسك وحياتك انتي لسه صغيرة اوي على الزعل ده وعلى العلاقات المزيفة.

Orange_63783 🇪🇬 · Answer

ولو مامتك متفهمة وقريبة منك احكيلها وخليها سندك يمكن تهون عليكي اللي حصل، واتعلمي انك بعد كده متثقيش ف كلام اي حد لان اللي هيعجبوا بيكي موجودين لكن معظمهم مش هيكملوا للاخر ف طالما مجاش يتقدم من نفسه يبقى ولا كأنه قال حاجه! ولا كأن فيه مشاعر اصلا، و ولا كأنك تعرفيه(انا بكلمك عن اي ولد فالمستقبل) وركزي على نفسك اوي يحبيبتي عشان فالمستقبل ب اذن الله يجيلك راجل محترم وابن ناس، مش عيل

Coconut_65841 🇪🇬 · Answer

لا  هو عادي كان ممكن يجي بس قولتله مش هينفع الا لما اختي الكبيرة يتقدمها حد

Coconut_65841 🇪🇬 · Answer

مش قادرة بجد ومش هعرف احكي لماما علشان متزعلش

Lemon_66502 🇪🇬 · Answer

انتي كم سنه لوجع القلب ده معلش

Orange_63783 🇪🇬 · Answer

يبقى انسي الواد ده، وانتي مغلطتيش لانه بعد من نفسه وبطريقه قذرة كمان مش محترمه ، ف اوعي عقلك يعطلك عن حياتك ويحاول يوهمك ان يمكن الغلط من عندك، وحتى لو قولتيله مينفعش يتقدم غير اما اختك الكبيرة تتجوز ف ده مش مبرر عشان يبعد كان ممكن يتناقش معاكي في اي حل تاني، او حتى تتخطبوا لحد ما ربنا يعدلها، واوعي لو رجع ف يوم من الايام ترجعيله! اللي يبيعك مره ويبعد عنك بالطريقه دي هيعملها تاني وتالت وعاشر

Lemon_66502 🇪🇬 · Answer

واضح اوي انهم اطفال ميعرفوش ان الدنيا لسه هتديهم مطباات وخوازيق ااجمد من ان ارتبط او ادخل ف علاقه

Olive_68469 🇪🇬 · Answer

الغلط غلط ومفيش غلط بيوصل للصح وعشان كده ناخد بالنا من قلوبنا ومن الاحاسيس لمين وامتي اسهل حاجه دلوقتي الغدر والخيانه والخداع لان احنا بكل بساطه بنبعد عن ربنا وفي ناس مش عاوزه غير. انها تضحك ع البنت ويتسلوا بيها...ابعدي عنه وخدي بالك من نفسك

Chocolate_65230 🇪🇬 · Answer

انا دارس علم نفس وعايز اساعدك ممكن نتكلم طيب

Chocolate_65230 🇪🇬 · Answer

سلامه قلبك

Coconut_65841 🇪🇬 · Answer

مفيش مشاكل ❤️