هو أنا ممكن أعيطلكوا شويه؟! أنا باخد كيماوي وطبعًا شعري وقع بما فيهم شعر حواجبي..المفروض إن صحابي بقالنا كتير مشوفناش بعض ولا اتكلمنا فيديو كول ف آخر مره كانوا شافوني فيها كان لسه شعري موقعش كنت لسه ف بداية جلساتي.. ف اتكلمنا ڤيديو كول النهارده وأنا حزينه إني كلمتهم ڤيديو كول علشان أول ما فتحت الكاميرا اتخضوا وقالوا ايه ده شكلك اتغير ومعرفش ايه،وبعدين لما حسوني زعلت راحوا قالوا بس قمر ف كل الأحوال من باب جبر الخواطر بس كان باين عليهم الصدمه وحتى كلامهم ف الأول إن شكلي اتغير وشعر حواجبي وقع طب منا عارفه إن شكلي اتغير وشعري وقع بس أنا مكنتش عايزه حد يقولي كده كنت فاكره إنهم هيتعاملوا عادي من غير ما يحسسوني إن فيه حاجه اتغيرت مكانش لازم يتخضوا ويقولوا ايه ده شكلك اتغير هو أنا قلبي واجعني أووي الصراحه وكنت ناويه أطلع النهارده أغير جو شويه بس لغيت بسبب إني زعلت وعماله أعيط وقلبي واجعني خالص واكتئبت وكرهت نفسي أكتر منا كارهاها ومبقيتش عايزه حد يشوفني تاني

10

0