جماعة عايزة اقول ليكم ان اللي ربنا عايزه هيحصل ومتعملوش زيي بكتر التفكير والتعب إنما أمره إذا أراد شيءا ان يقول له كن فيكون أنا قصتي إن أنا كنت بتعرض للتنمر في المدرسة وانا صغيرة وبسبب كدة كنت بكره المدرسة بدل ما اهلي يدعموني كأنو بيقولو عليه فاشلة وقالو لكل الناس كدة لدرجة ان خالتي وهحاول مدخلة في نية حد وانا لسي في سنة سادس قالت لاهلي ادخل دبلوم وعملت ايه كمية استريس كبيرة لان اهلي اقتنعوا بكلامها لدرجة إني مشيت علي المهدءات وانا لسي في الإعدادي كنت حاسة كل الطرق مقفولة في وشي واني بحرق بنزين كتير قعدت ادعي ربنا وانا بعيط بحرقة يارب خليني ادخل كلية لو كل اهلي من هنا لبكرة قعدوا يتخيلوا إني ممكن ادخلها ميتخيلوش أبدا إني ممكن ادخلها دخلت ثانوي وسمعت عن كلية ذكاء اصطناعي انبنت في كفر الشيخ وحبيب الكل الرايس جاء يتصور فيها وبردو خالتي وأهلي كأنو بيقولو لي ادخل ادبي واني حمارة ونفس الموال قعدت يتكرر وانا بدعي نفس الدعوة وان ربنا ييسر لي امري عمري ما دعيت إني ادخل كلية بعينها ودخلت علمي وأخلص الثانوي وبسبب كلام أسرتي السلبي عليه برغم المجموع الكبير اللي جيباه أهل بابا وبردو خالتي الكبيرة بردو نفسها يقولو إني ادخل معهد فني صحي أنا ساعدها انقهرت ومبقتش عارفة افهم دة كره ولا هما شايفين حاجة أنا مش شيفاها بس بردو قعدت ادعي ربنا واخدت رأي الناس عشان يقولو لي ادخل حاسبات وبالصدفة وانا بعمل التنسيق قلت أنا كدة كدة في حاسبات وهكتب كل الرغبات فقعدت اضغط بشكل عشوائي عشان تيجي الرغبة الأولي ذكاء من غير ما اخد بالي وادخلها وتتفاجئ إني دخلت كلية لو كل اهلي قعدوا يتخيلوا من هنا للسنة الجاية وانا في الإعدادي إني هدخلها عمرهم ما يتخيلوا ربنا بنا الكلية من العدم لكن فيكون في كفر الشيخ لحكمة ربنا مش اكتر حبيت أشارك معايا قصتي قلت ممكن تربط علي قلب احد وفي نفس الوقت اطلب منكم تدعوا لي ان ربنا ولا يشمت فيا احد عشان كل اهلي مش راضيين يقتنعوا أني بشمهندسة وخالتي بتشمت فيا مبدأيا إني مليش مستقبل وولا جواز او شغل وانا للأسف مبشتغلش علي نفسي وبردو باكل في نفيي برغم إني شفت كرم ربنا فدعواتكم ربنا ميشمتش فيا حد أبدا وإنه يرزقني ويكرمني وانا واثقة في ربنا ولو اي حد عنده تعليق او حاجة تفيديني ياريت يفيدني

9

4