قصتى مع التالتة ثانوي.. تعب وسنوات ضايعة

Question

قصتى غريبه شويه 
اتخذلت من اهم حاجه فى حياتى وهى " الدراسه" 
بقالى سنتين فى تالته ثانوى وهبدأ التالته ! كل سنه ادخل دور تانى واشيل واعيد وهبدأ التالته ب ٣ مواد بس 
منتهى الحزن والاسى لما فى لحظه تلاقى كل مجهودك وتعبك وسهرك راح فى الارض 
منتهى الحزن والقهره لما احلامك اللى مستنى تنطلق عشان تحققها مش عارف تحققها ولا قادر تبقى كويس حتى ! 
اتمنى السنادى تعدى بأقصى سرعه وأنجح 🍂

Coconut_14453 🇪🇬 · Accepted Answer

اكيد ربنا كتبلك ده لاجل حكمة لايعلمها الا هو وطالما كده فهو كده كده خير كل حاجة بتمشي بتدابير ربنا واراده ربنا هو الاول والاخر احنا علينا السعي بس ان سعينا وموصلناش يبقي اكيد لسبب ممكن نعرفه وممكن لا المهم انك قوية بجد و اعتبريه ابتلاء بتاخدي عليه حسنات ربنا يوفقك يارب سنادي ويكتبلك كل الخير وتدخلي اللي نفسك فيه ان شاء الله ويهونها عليكي يارب ربنا يجبر بخاطرك اللهم امين💗

Coconut_14453 🇪🇬 · Answer

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ"

Cookies_25526 🇪🇬 · Answer

جرب تحول من ثانوية عارفة اني ممكن الحوار بنسبالك تكون شايف اني لا لازم اكون مخلص  ثانوي عام  وادخل جامعة  وكده بس لا ملهاش علاقة ممكن ربنا عايزك في مكان تاني جرب تحول ومضيعش عمرك في حاجة مزعلاك وفي الاخر انت مصري اصلا هتشتغل في حاجة رابعة غير شهدتك الي درستها وضيعت فيها سنين تانيه من عمرك