انا متزوج بقالي 15 سنه وعند ولدين ربنا يباركلي فيهم ويحفظهم هما وامهم مشكلتي اني من سنه او اكتر تقريبا بقيت فاقد الشغف في البيت بقيت بكون في البيت مجرد اب وزوج يقوم بمسؤلياته فقط مبقاش عند الشغف للبيت او الخروج واللعب مع الاولاد والزوجه زي الاول بقيت بدخل البيت عاوز اقعد لوحدي او نقعد نتفرج على حاجه في التليفزيون او فيلم على اللاب بدون كلام مبقتش احب الكلام لو حد محتاجني منهم انا موجود احل معاه او اتكلم فب الموضوع اللي عايزني فيه وبس وارجع تاني لوضعي الصمت انا مش عارف انا مالي واعمل ايه عشان اخرج من اللي انا فيه وارجع لشغفي تاني

3

7