فقدت الإحساس ولا حاسس بأي حاجة حوليا

Pineapple_66356 🇪🇬

منذ يومين

شعور ضائع

انا فقدت الاحساس فى كل حاجه مابقيتش حاسس بأى حاجه حواليا حرفيآ انا من بعد ما كنت بهتم بالتفاصيل الصغيره جدآ بقيت شخص مش شايف التفاصيل كلها اصلا لو حصلي كارثه اقول اي يعنى بس بعدها بحس من جوايا ان حمل زاد على قلبى وكل يوم قلبى بيضعف اكتر من الاول دعاوتكم

خايفة من الأيام وتقلب الأحوال مع الكانسر

مساء أو صباح الخير يا إخواااااااااااااتيييييييييييي حسب ما تقرأوا كلامي ده.. عندي خوف مش طبيعي من الأيام..خوف من الثانيه اللي جايه من كل دقيقه بتعدي من كل يوم بيعدي..خايفه من الأيام ومن غدر الدنيا ومن الأحوال اللي بتتبدل فجأه..شهر 9 الجاي ده هكون كملت سنه وأنا مكتشفه إني عندي كانسر..زي النهارده من السنه اللي فاتت كنت بخير وفرحانه بصحتي مش شايله هم حاجه ولا هم علاج ولا هم بهدله ف مستشفيات وعيادات وأستنى دوري..كنت قاعده رايقه ف البلكونه..أنا قاعده ف نفس البلكونه دلوقتي بس وأنا تعبانه وشايله هم جلسة بكره إن شاء الله والحقنه بتاعت الأسبوع الجاي ف المستشفى..زي النهارده السنه اللي فاتت كنت قاعده ف البلكونه بقرأ كتب وبشرب قهوه بمزاج رايق لا شايله هم تعبي ولا بتوجع من حاجه..فجأه لقيتني ف دوارة مرض مش عارفه أخلص منها..كل حاجه اتغيرت فجأه بدون أي سابق إنذار...خايفه من تقلب الأحوال ومن اللي الدنيا شايلاهولي..معرفش ليه بقالي ٤ سنين كده كل سنه ف شهر ٨ أو ٩ لازم تحصلي مصيبه معرفش ايه مشكلتي مع الشهرين دول أو ليه كل المصائب مبتحصليش غير ف الشهرين دول..بقالي ٤ سنين مرتاحتش ٤ سنين وأنا بعاني نفسيًا وجسديًا بداية من الحادثه اللي عملتها ف شهر ٩ لغاية سلسلة الأمراض اللي كل شويه بتعب بسببها لحد ما وصل بيا الحال لكانسر..غير الألم النفسي اللي اتعرضتله من أقرب الناس ليا لحد ما وصل بيا الحال لاضطراب نفسي من كتر اللي شوفته لو بتقرأوا كلامي ادعولي الشهرين دول يعدوا على خير وباقي السنه والسنين كلها من حياتي يعدوا على خير مبقيتش حمل أي وجع أو ألم تاني تعبت كتير وأنا لسه المفروض كنت ف بداية حياتي لقيتني ف حياه أكبر مني ومشاكل أكبر مني لسه عندي ٢١ سنه وبيحصل معايا كل ده مش معترضه على قضاء ربنا الحمد لله على كل حال لكن خايفه..أمانه تدعولي إن جيت على بالكوا شهر ٩ الجاي إن شاء الله هعمل مسح ذري تاني علشان أشوف جسمي استجاب للعلاج ولا لا وهل فيه خلايا سرطانيه ولا كله اختفى بالله عليكوا لو افتكرتوني ف مره متنسوش تدعولي أنا حياتي بقت كلها خوف وقلق بشكل لا يطاق ...عرض المزيد

2 الدعم

4 نصيحة

مشكلتي الكبيرة مع فقدان الإحساس بعد وفاة والدتي

أنا عندي مشكله كبيرة أنا والدتي كانت تعبانه معرفتش اعبر ليها علي حبي و هي توفت بدون ما اعمل ده الفكرة من بعدها مبقاش عندي اي مشاعر و مش عارف اعبر عن دي حد من اخواتي تعبان عادي والدي تعبان بردوا مش عارف مع العلم اني بتأثر من حاجات هايفه ممكن مسلسل أغنية لكن فقد الاحساس دي مع البشر ...عرض المزيد

3 الدعم

5 نصيحة

عندي ترومات مع أهلي ومش عارف أسامح

عندي ترومات ومشاكل كبيرة مع اهلي لدرجة اني مش عارف احضنهم ومش عارف اسامح وانسي اللي فات ولا اللي هما عملوه فيا و كسروني ازاي لدرجه اني بقيت حاسس اني مريض ومش مظبوط مش عارف اسامح مش ناكر الحلو اللي عملوه بس برضو مش ناسي الوحيش اللي عملوه فيا واللي قالوه عليا وانا مش هقدر اقول انا اسف بس كل اللي طالبو انكو تدعولي ...عرض المزيد

5 الدعم

4 نصيحة