فقدت شغفي في الكلية رغم تقديري الحلو السنة اللي فاتت

Question

انا في تالته كلية والحمد لله جبت تقدير حلو السنه اللي فاتت مع العلم اني سنه اولي شلت مادتين و المفروض استمر اني اجيب تقديرات لكن السنه دي حرفيا مفيشواي شغف المذاكره ولا لي الكليه فا الي يعرف يفيدني يبقي كتر خيره

Ice Cream_30319 🇪🇬 · Accepted Answer

عادي دا طبيعي أن الوحد يفقد الشغف فتره بس اهم حاجه الفتره دي متطولش وخليك فاكر انت عايز توصل فين علشان تقدر تحقق حلمك وربنا معاك

Tomato_30792 🇪🇬 · Answer

الشغف ده بجي لما فعلا نحقق حلمنا شوفي انتي حلمك تعملي اي وصنعي شغف لنفسك

Broccoli_34395 🇪🇬 · Answer

حاولي تجددي في طريقه المذاكره بتاعتك 
تشجيعي نفسك ب كلمات لطيفه تعليقها علي مكتبك 
تعدلي شكل اوضتك أو الديزاين بتاع المكان اللي بتذاكري فيه

Kiwi_35562 🇪🇸 · Answer

اكيد انتي تلميذة مجتهدة و ذكية و انا بشجعك تقومي تذاكري عشان تحققي احلامك و تبني مستقبلك

Broccoli_34395 🇪🇬 · Answer

طب لو الفتره دي طولت كتيييييير اوي 
الواحد يعمل ايه 😃

Mango_36026 🇪🇬 · Answer

لازم يكون عندك القوه انك تكملي

Coffee_34569 🇪🇬 · Answer

حاول تنظم وقتك وتنتظم فالصلاه وكل صلاه تدعي واعمل جدول يعني مثلا وراك درسين انهردا تذكرهم اليوم البعدو وحط هدف قدامك تحققو واقعد مع نفسك شوف الحاجه البتحب تعملها وخليها حافز انك تخلص مذكرتك وكافئ نفسك بيها

Marshmallow_32942 🇪🇬 · Answer

ذكّري نفسك دايما بهدفك انك تجيبي تقديرات عشان تتخرجي بتقدير كويس واكيد عشان خاطر تفرحي اهلك وحاولي تبعتدي عل قد ما تقدري عن الصحاب الي بيقولولك يالا المحاضره دي م مهمه واكتبي دايما ورا الدكاتره دي حاجه تخليكي عندك شغف انك تفهمي وتعرفي تذاكري اكتر

Cheese_34600 🇪🇬 · Answer

بص أنا أكتر حاجه هنصحك بيها و عن تجرّبه أفيد حاجه التزم بالصلاه والعبادات في مواعيدها و انت ساجد ادعي اللهم ثبّتني و راضيني بما يرضيك و وفقني في مستقبلي و لا تشغلني إلا بنفسي و حالي التزم هتلاقي كل حاجه بقيت احسن باذن الله

Ice Cream_30319 🇪🇬 · Answer

لو الفتره طولت حاول تستعين بحد يساعدك على المزاكرة ويكون في تنافس مابنكوا هتلاقي نفسك بتبدا تزاكر بحماس وربنا معانا جميعاً

Marshmallow_33883 🇪🇬 · Answer

اقرأي كتب واسمعي بودكاست عن الشغف وحاولي تفكري في انك بقيتي احسن لما جبتي تقدير والناس فرحانه بيكي ولا عاجبك وانتي كنتي شايله مادتين واي حد بيقطم فيكي وتذكري ان تعب اهلك ولا تعبك لازم يروح حاولي تسمعي سورة يس بانتظام وشغلي فيديوز ناس بتذاكر وانتي بتذاكري واعملي مهام يوميه انك تذاكري وتخلصي الكم الي وراكي وبعد ما تخلصيه كافئي نفسك اخر الشهر