انا داخل افضفض هنا انا عمري ٣٧ سنه و بدات اشتغل بفضل الله في بلد عربية بمرتب عادي بالنسبه لهناك بس بالنسبه لمصر كويس الحمد لله اما اتغربت يعتبر حرفيا اهلي كلهم تعبوا فجاه ابويا ووامي و اخويا تحديدا واحتاجوا عمليات و اشاعات و فحوصات بقيت تقريبا ببعت كل شهر عشانهم و عشان تكاليف الاكل اللهم لك الحمد مشكلتي اني مش عارف اشوف نفسي ولا قادر ابسط نفسي أبدا طول ما هم كده و سني بيكبر و كل ما بقول ممكن اتجوز بلاقي الالتزامات بتكتر عليا جدا و برجع عن الخطوه دي دايما نفسي اطمن على اهلي الاول قبل كل حاجه أنا بقيت تعبان من الغربه وتعبان في بلدي لاني كل ما بنزل اجازه بلاقيهم محتاجين اكل و مبيلاقوش احيانا و بلاقي حياتهم صعبه جدا يعني بيطلعوا كمان مخبيين عليا فوق اللي ببعته انهم محتاجين زياده انا تعبان جدا نفسيا و منكرش ان لولا فضل ربنا و نعمته عليا كان زماني انا و اهلي في مجاعه و ذل و مرض..مجرد فضفضه وبس

3

2