تعبت من فشلي في ثانوي ومحدش فاهميني

Question

اول حاجة انا سقت ثلاث ثانوي تلات مرات و امي كل ما يبقي عندها حد تلتا ثانوي و يجيب درجة وحشة تفضل تقطم فيا و بتفكرني بفشلي و ده تعبني و كمان  مش بيفهموني و لا بيقدروني و اخواتي مش بيحترموني و دي حاجة خنقاني نفسي القي حد يفهمني و ابقي بنسباله كل حاجة و لما اجي اعيط معاه يقولي بس انا فاهم و جمبك و حاسس بيكي بس بحس دي حاجة مستحيلة القي حد فهمني و يحبني بجد

Mango_67006 🇪🇬 · Accepted Answer

ممكن تحولى ثانوى فنى افضل،  
وتكونى ليكى شخصيه وقرار من اختيارك انتى 
وفكرى فى الكلام قبل ماتقوليه 
اهم حاجه يكون ليكى شخصيه

Hazelnut_67007 🇪🇬 · Answer

الرسوب مش نهاية الكون ، و النجاح فى الحياة مش مرتبط بالنجاح الدراسى ، ممكن تكون معاملة اللى حواليك لك مؤقته و مرتبطه بحالة الدراسة ، مفيش حد بيكره ولاده .... ان شاءالله الدنيا تبقى حلوه قريب 💚

Nutella_66996 🇪🇬 · Answer

انا خلصت و اتخرجت

Mango_67006 🇪🇬 · Answer

ماشاء الله 
اهم حاجه يكون ليكى قرارشخصى واصرار بلا تردد

Coffee_67204 🇪🇬 · Answer

الدراسه دي مش مقياس للشخص ممكن حد يكون فاشل ف الدراسه بس بمجهوده ف شغله قدر يثبت نفسه اكتر من اللي معاه شهادة

Watermelon_67532 🇪🇬 · Answer

الحل انك محتاجة متحطيش كلام اي حد من عيلتك في دماغك بس ده حل المجتمع هيقولك عليه غلط عشان الدين مربينا علي حاجة غير بس اعتقد لو الأهل وحشين فا أنا عندي الحق اني احط كلام كويس في دماغي و الوحش لا و انا عن نفسي بعمل كدا و لما حد بيقطم فيا بقطم فيه و انا ولد فا قطمي انتي كمان بهزار و كدا كدا انتي مخلصة عبث ثانوي و كلية

Almond_67545 🇪🇬 · Answer

قولي لربنا واشتكيلو من الناس دي ايا كان الي حصل فهو قدرنا مفيش في رجوع حاولي تلحي ع الله انه يحللك كل دا وهيتحل