toheal logo

Cherry_59311 🇪🇬's منشور

Cherry_59311 🇪🇬

منذ شهر واحد

.

شعور متعب

يا جماعه انا عملت غلط و عارفه انو غلط وان ربنا مش هيسامحني بس والله بصلي و يستغفر على أمل اني ربي يغرفلي مره كنت في محافظة غير محافظتي و كان صابح عيد و ما كان في اي وصله ابدا رنيت على زميل ليا علشان يساعدني اروح قالي اجلسي معي شوي وللاسف جلسنا و اتصورنا وانا بصور فديو هوا باسني ف الفديو انا سكت و قلتلو هروح امتى قالي دلوقتي حاليا الفديو مع ناس كتير و الولد كل يوم يخش يكلمني و يقولي انو بيشرب حشيش و بيلعب ب البنات و هوا بيقولي كده علشان ارتاحلي المهم اخو صحبتي رن عليا و قالي على فكره فلان فضحك وانا شخصياً مبقتش طايقك كنت فاكرك بتاعت ربنا بس طلعتي شمال زي كلو جلست ابكي مش عارفه اعمل اي بجد ياريت حد يساعدني ويشهد ربنا اني كنت شبه مغيبه واني فعلا اخاف ربي بس حسبي الله

6

24

Avocado_46262 🇪🇬

أفضل نصيحة

.

منذ شهر واحد

مفيش اي مجال انك ترفعي عليه مثلا قضيه تشهير أو تقريبا في صفحه في الفيسبوك الحاجات اللي زي دي اللي هو زي الابتزاز و هيزعلوه جامد

13

0

Olive_53202 🇪🇬

.

منذ شهر واحد

سبيها علي ربنا وصلي ومفيش حد ربنا مش بيقبل توبته خليكي فكره كده كويس وان كلنا بنغلط ولو ستر ربنا علينا كنا كلنا مفضوحين دلوقتي

10

0

Durian_52455 🇪🇬

.

منذ شهر واحد

للأسف العيب فى المجتمع اللى احنا اتربينا فيه التفرقة الجوهرية الواضحة بين الولد والبنت سواء لما ده يغلط او لما ده يغلط الولد مُستباح ليه يسهر برا ويشرب سجاير ويكلم بنات لكن البنت لو اتأخرت عن البيت العشا.. بتكون سيرتها على كل لسان حقك علينا.. احنا السبب 🙏🏽

10

2

Pineapple_62201 🇪🇬

Top 50

.

منذ شهر واحد

انا مش فاهم انت ليه ما عملتيش بلاغ في لغايه دلوقتي انت طول ما انت ساكته يبقى انت بتثبتي للناس التانيين ان انت مش كويسه. الواد ده طول ما هو حر طلق كده هيفضل يبعت الفيديوهات لحد لما توصل لاهلك ساعتها انا ما اعرفش هم هيتصرفوا ازاي

10

0

Mushroom_55730 🇪🇬

.

منذ شهر واحد

أولاً حسبي الله ونعم الوكيل فيه لا متخافيش قال الله تعالى: ﴿وَمَا كَانَ رَبُّكَ نَسِيًّا﴾ هو هيشوف عقابه وهيتردله أما بالنسبة لكي ف انت منين جبتي أن ربنا مش هيسامحك؟ قال الله تعالى: ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾ إن تبتي تاب الله عليكي

10

0

Mushroom_55730 🇪🇬

.

منذ شهر واحد

مش انت بتقولي أن الفيديو مع ناس كتير وانك اتفضحتي؟ أولا ودي اهم حاجه صلي وادعي في سجودك أن ربنا ينجيكي ويسترك ادعي بكل اللي نفسك فيه وبإذن الله دعائك مستجاب ثانياً حاولي تتخذي اي إجراء بخصوص اللي صورك ونشر الفيديو ده حاولي تعملي فيه بلاغ وعشان التفاصيل كتيره اسألي شات Gpt عن الإجراءات اللازمة (حملي اي تطبيق تاني لاني شات Gpt مقاطعه) ولازم تعملي كدا وتثبتي أن الفيديو انتشر بدون موافقتك

10

0

التجربة أفضل عبر التطبيق

حمّل تطبيق توهيل على هاتفك لتجربة أسرع