غصب عني باخد بالي من تفاصيل صحابي وبتأثر

Question

غصب عني باخد بالي من اي تفاصيل و بالذات ان ليا حد من صحابي قريب مني جدا الفتره دي فا انا بعتم بزياده و ببقي عامل فيها دور الاب و الام غالبا فا ده ببخليني اتاثر من اي حاجه يعني مثلا لو قلتله ننزل في مكان و قالي لا مش قادر و لقيته نزل هو و مكلمنيش بكتأب و مبعرفش اواجه بحس اني لو واجهته هبقي عيل تقيل و رخم و هيخف كلام معايا و كده

Hazelnut_52786 🇪🇬 · Accepted Answer

طبيعتك إنك تهتم وتاخد بالك من التفاصيل حلوة، بس لازم تحط حدود تحمي بيها قلبك.
مفيش غلط إنك تواجه وتتكلم، العشم مش رخامة، ده حقك لو بتحس بوجع.
اللي فعلاً بيحبك مش هيزهق من صراحتك، وهيفهم إنك بتتكلم عشان بتحس، مش بتتقل

Sugar_59654 🇪🇬 · Answer

انت لازم توسع دايره معارفك متخليش حياتك واقفه عليه لان حتي لو هو بيحبك الظروف مش هتبقي سمحاله يكون موجود ف حياتك دايما

Hazelnut_52786 🇪🇬 · Answer

اللي يتهرب من مواجهتك مش مستحق مكانه في قلبك، واللي يزعل من اهتمامك يبقى مش قدّه.
كفاية تلعب دور الأب والأم لكل الناس وانت اللي محتاج حد يسندك.
احترم مشاعرك ومتسكتش عليها، اللي ميستحملش كلامك وهو في قمة احترامك، ماينفعش يكون قريب منك

Apple_59652 🇪🇬 · Answer

انا دايرتي واسعه و اجتماعي جدا بس الفكره كلها اني ببقي جوايا حاجات مينفعش كل الناس تعرفها عني فا ببقي واخد شخص واحد في حياتي هو الي بتكلم معاه عن الحاجات دي

Onion_59576 🇪🇬 · Answer

شوف يا صديقي هقولك نصيحة مهمة جدا عن تجربة شخصية ، اوعي تتعلق بأي حد ، أي حد بمعني الكلمة ، ولو انت متعلق بحد جدا حاول تعالج ده بأي شكل ، حب الناس و قدرهم و عيش حياتك بس اوعي اوعي يا صديق تتعلق ابدا ❤️🌷

Nutella_59647 🇪🇬 · Answer

بص ياطيب 
مشاعرك دى ع الرأس بس عايزه اقولك التعلق الزايد مرهق للنفسيه 
واستقبل الرفض الدنيا مش مسيره لخدمتك 
والتمسك الف عذر لصاحبك
والتعلق الزائد ده اكسره بدل ميكسرك مفيش حاجه بتدوم احنا مش ف جنه خليك متقبل اى حاجه ممكن تحصل واعمل سيناريو للموضوع خلى عندك تقبل للرفض أو الاجاب 
أخرج لوحدك وصور نفسك وانت مبسوط وبتشرب كوفى وابعتهالوا وقوله القاعده نقصاك بس انا مبسوط بردو وافرح وزقطط ولو مش بتصلى صل

Nutella_59647 🇪🇬 · Answer

صح جدا

Nutella_59647 🇪🇬 · Answer

طيب متخصصش ومتحكيش لحد وجعك وتحط صباعك تحت درسه .. ممكن يقلب عليك ويهدك لأنه عارف نقاط ضعفك وقوتك 
الشكوى لغير الله مذله اسمع من اختك
والتعلق الزائد مرهق للنفس وسع دايرتك بمعنى أخرج مع الكل واتعامل مع الكل بس بحدود

Corn_57743 🇪🇬 · Answer

ديه قله ثقه واعتماد علي الآخرين انضج وكده كده في ناس بتحبك وفي ناس اكتر هتحبك اهم حاجه ربنا ميغضبش عليك وهتلاقي الف غيره بس اسمع مني انتا مجرد عبد وبتخاطب عبد تاني الي يهديك ويهديه هو ربنا وبس وربنا يهدينا جميعا

Corn_57743 🇪🇬 · Answer

لا هنا خد بالك الحجات ديه هتندم لو قلتها لحد غير نفسك والزمن هيثبتلك مهما كان الشخص ده مين