عندي مشكله اني بتعلق بالناس اوي - إزاي أتخلص من التعلق؟

Question

عندي مشكله وهي اني بتعلق بالناس اوي 
عندي كميه تعلق غريب 
مش عارفه دي فطره ولا انا معتوه 
بس بجد بحس احيانا أن الشخص ده هيسيني ف بخاف 
ايوه ماشي كلنا عابر سبيل في حياه بعض 
بس انا عمري ما حبيت لحظات الوداع او حد يسبني عمتا 
( انا حاسه اني دخلت كله جوه بعض ) بس عندي مشكله اني بتعلق 
ف اللي يعرف حل للجنان ده يقولي 🙂

Mango_11422 🇪🇬 · Accepted Answer

انا كنت كدا بس بعد كمية الخسارات اللي خسرتها احلام بقا و اشخاص مبقاش يفرق معايا لأن فعلا مبتقفش ع حد واللي كنت عايش قبله تقدر تعيش من غيره 
مدام مدركين الفكره دي لازم لما تحسي بكدا تشوفي اي التصرف اللي كنتي بتعمليه واعملي عكسه تماماً لغايه م تتعودي 
متنجرفيش ورا احساسك وقت المشكله

Banana_21067 🇹🇳 · Answer

نفسي بظبط اتعلق بالاشخاص و لما اخسر شخص قريب اتاثر كبير و اشتاق لايام وجوده و ما اقدرش لنساه خاصة لما يكون الاقرب

Cherry_21061 🇪🇬 · Answer

انا بدخل في اكتئاب 🙂

Banana_21067 🇹🇳 · Answer

+1

Cherry_21061 🇪🇬 · Answer

بقالي فتره عمتا بعمل عكس اللي حاسه بيه وبحس اني مش كويسه ومودي وحش

French Fries_20904 🇪🇬 · Answer

اي تعلق بغير ربنا زائل

Cherry_21061 🇪🇬 · Answer

انا معاكي جدا في الكلام ده 
لكن أنا عندي مشكله اني بتعلق بالناس 
بطريقه ممكن اقعد اعيط أو اخش في اكتئاب لو شخص بعد عني أو مردش عليا لمده يومين 
فهماني

French Fries_20904 🇪🇬 · Answer

انا فهماكي وحاسة بيكي والله لاني كنت زيك لكن صدقيني حاولي سيطري ع نفسك ومشاعرك وكله بالتمرين بييجي ولما تقربي م ربنا هتحبي وتتعلقي بالعبادات اكتر مع الوقت مش هيفرقلك حد ..جربي وربنا يبعد عنك اي شر يارب

Cherry_21061 🇪🇬 · Answer

تسلميلي ي رب 
شكرا ليكِ

Mango_21063 🇪🇬 · Answer

عندي نفس المشكلة للاسف حتي لو في وضع انا بتأذي منه ممكن افضل واستحمل عشان مبعرفش اسيب ومبحبش لحظة الوداع .. بفضل انا اللي اتساب في الوضع دا عشان بعد كدا قلبي بيقسي و مبسمحش للشخص دا انه يدخل حياتي تاني .. فعلا انا في حياتي كلها معرفتش اسيب حد الا  بعد ما سابني ..ودي حاجة وحشة لان في الاخر الوضع دا بيجي علي صحتك وبتبقي انسان مستنزف بعد كدا مش هتحس بحاجة ..

Cherry_21061 🇪🇬 · Answer

حساني احيانا ساذجه لدرجه اني مش بعرف اقسي حتي لو حتي الشخص طلع من حياتي ورجع تاني 
انا بحس احيانا انا ليه هبله ومش عارفه اخد موقف

Mango_21063 🇪🇬 · Answer

قلبك طيب بس 😅 بس معلش فكري وشوفي لو الشخص دا اذاكي بما فيه الكفاية وكمان بعد عنك .. ورجعلك شوفي هل انتي هتبقي حابة تعيدي نفس المواقف تاني ؟ وافتكري كل اذي حصلك  .. وهل هتقدري تثقي فيه تاني؟! .. واحيانا احنا بعد ما بنوصل للمرحلة دي بيبقا ادينالهم فرص كتيير اوي عشان يتصلحوا .. فخلاص بقا .. العمر مش بعزئة علي حد ميستاهلش