عيد ميلادي اتنسى ومحروق دمي.. أعمل إيه؟

Question

عيد ميلادي كان مبارح و اتنسى و صاحي النهارده يقولي سوري حبيبي نسيت و بيصبح عادي ولا كان حاجة حصلت و انا اتعاملت عادي و صبحت و بتعامل ببرود ولا كإن في حاجة بس جوايا بيغلي و مخنوقه اوي و مش عارفة اعمل اي ردة فعل بس محروق دمي .. اعمل ايه ؟!!

Marshmallow_56042 🇪🇬 · Accepted Answer

بصي الرجاله مش بيركزوا في التواريخ انا كنت بقعد انبه علشان يفتكر قبلها بفترة فا انتي عاتبيه و هو لو بيحبك بجد هيراضيكي ويصالحك

Orange_56807 🇪🇬 · Answer

حاجة بديهية اوى العيد ميلاد بين اى حد فى علاقة انشاء الله لو صحاب متعدهاش بجد

Coffee_52706 🇪🇬 · Answer

هقولك استني يعدي يومين كده ولو مكنش عاملك مفجاءه او حاجة مجهزها مثلا. نكدي عليه وسبيه وانتي ضميرك مرتاح علشان كده هو مش مهتم وانتي مش في دماغه اصلاً 🤷🏻

Coffee_52706 🇪🇬 · Answer

لا بنزكز عادي وبمزاجنا  بس لما يكون الطرف اللي معانا فارق غير كده شكليات

Marshmallow_56042 🇪🇬 · Answer

مش كلكم عموما بس اكيد في ناس بتركز زي ما فيه برضه بنات بتنسي بس عموما حاجه حلوه اوي انك بتركز وبتفرق معانا جدا

Popcorn_53700 🇪🇬 · Answer

اي حاجة هتيجي بعد كدا هيكون ملهاش لازمة انا الي فارق معايا انه بيعمل حساب لكل حاجة و حتى السنه الي فاتت كان عيد ميلاد مديرته فالشغل كان عامله نوت عالموبايل و جابلها هديه و كان بيجهز فيه قبلها بيومين فمحروق دمي و كل دا جوايا بس مش قادره اقوله

Popcorn_53700 🇪🇬 · Answer

عندك حق

Orange_61792 🇪🇬 · Answer

بتحبوا تكبروا المواضيع اوي ،حتى اللي بينصحوكي بيسخنوكي ع الراجل 🥲
الموضوع بسيط و مش مستاهل نكد ،و النسيان ده حاجه في جيناتنا كرجاله 
يعني لو عتاب بسيط كده مع بنكهة هزار ماشي
لكن بلاش نكد الله يكرمكم و هو افتكر و اعتذر.

Popcorn_35182 🇪🇬 · Answer

هو بجد اللي بيدي نصيحه بالطريقه دي متخيل لو هو ف الموقف و خد بيسخن خطيبته والا مراته عليه لمجرد أنه ممكن يكون نسب فعلا أو مضغوط أو عنده مشاكل او حتي نسي من غير حاجه و ممكن تكلمه و تعاتبه بدل تسخين الدنيا بالطريقه دي 
تعرف أن كلمه منك ممكن تبقي سبب كبير ف انفصالهم 
ياتري هتبقي راضي عن نفسك 
فلتقل خيرا او لتصمت

Banana_62014 🇪🇬 · Answer

انا مش فاهمة ايه البتجازات الي طلعت مرة واحدة دي 😂 بلاش تبقو اوفر ف التعامل عشان تقدرو تعيشو بنفسية كويسة ،
شوفي وقت مناسب وعاتبيه وقوليله ان النقطة دي مزعلاكي وعايزاه بعد كدا يخلي باله منها 
،وكمان اي انسان بينسى طبيعي مش الرجالة بس ع فكرة، انا بنت ومعايا برضو صاحبتي مبنحطش فدماغنا  تواريخ ولا اعياد ميلاد وصحابنا متقبلينا وعادي جدا انتو بس الي اوفر😂

Popcorn_53700 🇪🇬 · Answer

افتكر لما فكرته انما اي حاجة تخص شغله او تكون مهمه عنده ماتتنساش و تتعمل لها الف حساب و يكون عامل حسابها من قبلها بكام يوم زي عيد ميلاد مديرته فالشغل الي قولت عليه فالكومنتات 
يا اخي الي بيكون عايز يفكر نفسه بحاجة بيعمل قرد عشان ماينساهاش 
هو انا دمي محروق من شويه 
و بعدين انا لا نكدت ولا عملت اي ريأكشن و عامله كان الموضوع عادي بس فالحقيقه محروق دمي جدا من جوايا

Orange_58845 🇪🇬 · Answer

تردي اي 
احنا ك رجاله بننسي احنا فطرنا ولا لاء
كل الرجاله عندها مشاكل في التواريخ والمناسبات فينا الي ربنا بيهديه وبيكنبها نوت
وفينا الي بينسا يكتبها اصلا 
فخدي الموضوع ببساطه الدنيا مش مستاهله لحظه ننكد فيها علي نفسنا 
افرحي بعمرك قبل ما ينتهي