عمري ضاع ووقتي قليل.. مش عارف أفضي نفسي وأدور على حد

Question

للأسف أنا ١٣ سنه من  عمري ضاعوا وانا باحول ابني نفسي و اظبط شغلي ولما الحمدلله ظبطت شغلي وخلصت شقتي فجاه عندي ٣٩ سنه وداخل علي ٤٠ سنه وانا لوحدي وشايف ان اختيارتي قلت وكمان وقتي قليل مش عارف افضي نفسي ادور علي حد، وفكرة اني اقعد مره واحده  مع شخص اول مره اشوفه ومطلوب مني بعدها اقرر اننا نكمل أو لأ ، بيكون قرار صعب

Watermelon_53617 🇪🇬 · Accepted Answer

ميبقاش عندك رهاب العلاقات جرب واقعد اتنين وتلاتة هتخسر ايه؟لو السن المشكلة هتلاقي تلاتينيات كتير وهتلاقي الناضجة والواثقة والواضحة والمريحة امشي شرعي من طرق التعرف والنظرة الشرعية ده افضل حل لا هيجرحك ولا يجرحها وده نصيب

Grape_61235 🇦🇪 · Answer

انا نفس المشكله دي تقريبا لكن ٣٠ سنه 
اهتميت ب تطوير نفسي ف الشغل لاني مهندسه فحبيت اثبت نفسي ف المجال لان المظم رجاله واهتميت بتطوير شخصيتي بالقرايه لكن اهملت جانب الارتباطات العاطفيه ده تمام 
مش عارفه ممكن اعالج الموضوع ازاي

Hazelnut_52786 🇪🇬 · Answer

حاسس بيك جدًا، سنين التعب والمسؤولية خدتك ومسيبتلكش فرصة تفكر في نفسك.
بس ده مش معناه إن الفرصة راحت، بالعكس، أنت دلوقتي أنضج وعارف إنت عايز إيه، والمشكلة مش إن الفرص قليلة، المشكلة إنك تعبان ومش فاضي تدي نفسك فرصة تشوفها.
ابدأ بهدوء، لو كل أسبوع كلمت حد مرة أو خرجت قعدة واحدة، هتوصل للي بيدور عليك زي ما إنت بتدور عليه