دي آخر فرصه لان الموضوع ده الاقيه له حل ممكن يكون كلامي متلخبط شويه بس معلش انا حقيقي بعاني علاقتي ب ابويا توكسيك جدا جدا بتوصل لدرجه انه بيتريق عليا و بيشتمني و انا ساكته و ياريته يصلحني او حتى يبين انه حس اني زعلت المشكله انه بيفضل وانا معاه ف العربيه يوصلني ف حته او كده يفضل يشتم و عيب ف امي و اخواتي و بيشتمني قدامهم لدرجه اني بقيت اكرههم من غير سبب بيفضل ينّظر عليا و علي افعالي رغم انه مقدم ليش حاجه عشان يشوف مني حاجه كويسه حبه كله مشروط و هو بيحاول يقنع نفسه انه لا بيفضل يذلني انا و اخواتي ب الفلوس القيصريه علينا لدرجه انهم كلهم باقو بيشتغلوا و مش بياخدوا منه حاجه معادا انا و اختي الصغيره عشان لسه مندرس و هو مش سايب لنا فرصه نطلع من البيت انا مش عارفه ليه رغم كل ده لما يجي البيت بحضنه و ابتسم ف وشه رغم اني ببقى ف ساعتها عايزه اكسر حاجه فوق دماغه طول الاجازه قاعدين ف البيت معادا اول اسبوعين كنت بحاول انزل كورسات و بسبب ولاده مرات اخويا و وفاه والدها كان لازم اقف جنبها وده عطلني اسبوعين و بعديها طلعنا بصيف لكن حتى هناك فضلنا قاعدين ف البيت منزلناش و بيستغرب انا ليه بيجيلي اكتئاب و بفضل اعيط و بكلم نفسي و ليه انا كسوله اوي كده و مش قادره اقوم اعمل حاجه لنفسي القعده ف البيت عيا بجد قولت يمكن مش واخد باله قمت بعت فيديو بيتكلم عن الأضرار النفسيه للجلوس ف البيت فترات طويله قام هو رد و بيقول عشان في إمكانيات ف البيت مش بتستغلوها أصله عايزنا ننظف و نطبخ شايفنا بهايم ف البيت قمت راده و قلت له انا بقيت اخاف اتعامل مع بني آدمين قالي احسن برضه و انا اصلا كنت جيبا له هديه ناويه اديهاله لكن كل مره براجع نفسي و بقول انا مش بعمل حاجه عشان بحبه مستحيل ده مستحيل يتحب من أي شخص لكني بعمل كده عشان رضى ربنا و انا عايزه حل ميغضبش ربنا و يكون حل عشان لو فضلت كده كتير مش بعيد انت/ حر و ده مش بعيد لاني فكرت كتيير اوي قبل كده

0

14