بنت كذبت عليا وخانتني.. هل اتجوزها ولا سيبها؟

Question

جماعة انا كنت ف علاقة مع بنت وقعدنا فترة وقولتلها اني بحبها واخدت رأي اهلها وكانوا موافقين عليا وكل حاجة بس مامتها قالتلها مفيش ارتباط ومتتكلموش تاني وبتاع .. ف بعدنا تمام .. وانا اختفيت خالص من حياتها .. بس قبل مانبعد فالايام الاخيرة اكتشفت انها كدبت عليا وعملت حوار عشان محاولش اكلمها تاني عشان مامتها بتزعقلها وبتغضب منها تمام .. وانا صدقت الكدب ده وهي قالتلي انا كنت بشتغلك اصلا قبل ماتسبني وتبعد .. حسيت ف لحظة اني هو انا عيل صغير معاكي ولا ايه!! .. ف ده قفلني جدا منها وحبي ليها قل ومعنتش بفكر فيا زي الاول ... وكنت واعدها بالجواز ايام ما كنا مع بعض فالبدايات وامها كانت موافقة وقالتلي اجهز وتعالى اتقدم ومش عارف ايه ... بس الحوار ده مخليني متردد جدا وبعدتها عن تفكيرها ... لان الكدب ده زيه زي ااخيانة بظبط عندي ف انا خايف ده يجر لحاجات تانية قدام وخايف اتجوزها تفضل تكدب بردو ومفيش حد بيتغير .. امها بس الي كانت عارفة اني بحبها والكلام ده .. بس ف حسيت ان الحوار ده حصل اشارة من ربنا اني مكملش ولا اي مش عارف .. محتاج اسمع اراء حضراتكم

Strawberry_42836 🇪🇬 · Accepted Answer

انا بنت وبقلك بلاش تكمل معها سبها احسن ونشاء الله ربنا هيعوضك بل لحسن منها ولي تسونك

Mango_33390 🇯🇴 · Answer

شوفي انا رح احكيلك ابعد بدون تردد وانا لو محلك بعمل هيك كمان حتى لو بحبها ، بس قبل ما تعمل هيك صلي صلاة الاستخارة وبعدها ربنا رح يختارلك الافضل بأنه تتقدملها أو لا.

Strawberry_27274 🇪🇬 · Answer

طبعا متكملش 
هى عملت كل ده علشان متكملش معاك ازاى انت لسه بتفكر اصلا
هى لو كانت عايزاك مكنتش حورت عليك اساسا

Coffee_33188 🇪🇬 · Answer

اخوياا ..طبعاً عارف ان العلاقة دي حرام اصلاً..وعارف ان البدايات التي لا تُرضي الله..نهايتها لن تُرضي صاحبها ..دلوقت انت شوفت اهو ان الموضوع انتهي معاك ب انك تزعل ..يعني بعدين تحافظ ع نفسك من الكذب والجو دا انك لما تقابل بنت عجبتك اسأل عليها  و الدنيا تمم اتقدم ي باشااا ..ولو هي نصيبك هتلاقي ف بركة ف العلاقة الحلال دي ولا كذب و لا فجور

Almond_26266 🇪🇬 · Answer

انا قلبي قفل من نحيتها .. تفتكر دي اشارة

Almond_26266 🇪🇬 · Answer

انا قولت فالبوست انه عشان حرام ومنرتبطش وكده وزاءد اني مش زعلان يا اخويا مين قالك اني زعلان ... وهي لو نصيبي هرجع اثق فيها ازاي ملهاش علاقة ب حلال ولا حرام ده طبع ولا ايه ي صحبي

Almond_26266 🇪🇬 · Answer

واستفسار تاني انا لو بنت عجباني اسأل عليها ازاي هقول للناس ايه يعني .. وهو لو في حاجة وحشة لا قدر الله حد هيقول؟!!

Almond_26266 🇪🇬 · Answer

مش عارف بس هي قالتلي نبعد زي ما ماما بتقول وماما بتزعقلي وعشان حرام وبتاع

Mango_33390 🇯🇴 · Answer

كونه اتقفلت منها خلص ابعد عنها وغالبا ربنا هيك بده ربنا بحذرك قبل ما تتزوجها وتصير اموركو رسمية وليهك ابعد اريحلك وربنا رح يعوضك بالاحسن باذن الله

Coffee_33188 🇪🇬 · Answer

انا بقولك عامةً اللي هتكون من نصيبك مش بتكلم عليها ف حد ذاتها …وطالما عارف انه حرام مقفلتش الموضوع من الاول ليه مستني والدتها اللي تقفل يعني ولا اي؟! .. وطالما متردد منها لو اتجوزتها هيفضل عندك شك انها بتكدب عليك برضه ومش هيبقي فيه ثقة ف انت ونفسك بقي اللي انت شايفه صح اعمله

Coffee_33188 🇪🇬 · Answer

عادي ي اخوياا االناس بتسأل عادي ودا شئ طبيعي جداً اي اللي فيها .. وفعلاً مش كله هيقول العيوب بس ع الاقل بيبقي ف واحد صادق هيقولك اي الحلو واي الوحش برضه

Nutella_39839 🇪🇬 · Answer

هي البنت مش متزنه ولا عارفة هي عايزة اي .. و مش مقتنعه بيك اقتناع تام بس هي ممكن تكون كده زي ما بيقولو عين ف الجنة و عين ف النار و دي هتتعبك فيما بعد بسبب انها مش متوازنة و ازاي هتربي اطفال اقفل الباب ده و متلومش نفسك احمد ربنا انك مظلمتش

Strawberry_45930 🇪🇬 · Answer

صلي استخاره الاول قبل ما تاخد اي خطوه
بس هي تقريبا كدا متردده أو مش مقتنعه بيك ميه في الميه الي هو عايزاك بس مش عايزاك في نفس الوقت من رأي انك تبعد لأنها طلما كدبت مره يبقي هتكدب الف مره لان الكدب فعلا زي الخيانه كدا زي ما انتا بتقول

Apple_47358 🇪🇬 · Answer

بتاعت حورات وانت شكلك مدلوق عليها لدرجه انها بتمل منك احيانا خف نحنحه يا روميوو وشوف غيرها زاحده تكون ملتزمه وعارفه ربنا ع الاقل تخاف تعمل الغلط ولو عملته تتوب ويبقا عندها ضمير

Sugar_46960 🇪🇬 · Answer

حكيتك عامله زي حكيتي بالظبط انا اتعرفت علي واحد وحبنا بعض وهو صمم اني اقول لماما وفعلا قولتلها بس بعدها هي رفضت وفضلت تتخانق معايا علي طول وتاخد مني الموبايل وهو طلب مني كذه مره ابعد علشان المشاكل دي وانا اللي رفضت وفضلنا كده وكنت بغيب عنه بالايام والاسابيع ميعرفش عني حاجه ولا بنتكلم بسبب ماما بس مكدبتش عليه لاني بحبه بجد وعاوزه افضل معاه حتي لو في اي وحاليا مش بنتكلم غير كل فين وفين من فون صحبتي

Sugar_46960 🇪🇬 · Answer

بس مش هقولك سبها او كمل علشان مش اظلها لان كلام لاهل بيوجع اوووي صلي استخاره  وربنا هكرمك لو فيها خير هتبقي ليك بس اهم حاجه متظلمهاش ومتجيش علي نفسك علشان حد مهما كان مين

Sugar_46960 🇪🇬 · Answer

دي مش نحنحه ولا دلقه اللي بيحب حد بيعمل اكتر من كده هو ملهوش زنب انه حب وحده بتاعت حورات او بتكدب عليه وبردو مش هنظلمها ربنا اعلم هي عملت كده لي

Jackfruit_36220 🇪🇬 · Answer

متكملش ياصاحبي

Almond_26266 🇪🇬 · Answer

انت اهبل يلا!!

Almond_26266 🇪🇬 · Answer

ده كويس ماشاءالله بس الفكره انها كدبت عليا ف دي غلطة كبيرة لو مكنتش كدبت كنت هفضل مخلص ليها وهكلمها كل فترة

Almond_26266 🇪🇬 · Answer

شكرا ليكي جدا وهعمل كده بإذن الله