من صغري عندي عقدة نقص فظيعة منغصه عليا عيشتي ومش عارفه اعمل فيها ايه 💔💔💔 دايمًا حاسه اهلي مقصرين معايا في الفلوس ودايمًا ناقصني حاجات كتير اوي وكل الناس احسن واحلى مني .. كل البنات شكلها حلو ولبسها مرتب إلا انا وحشه .. كلهم عندهم شنط حلوه وشيك ومناسبه للجامعه إلا انا بستخدم شنطة امي الي بقالها عشرين سنه ودايبه خالص وبتطلع هباب كل ما اطلع منها حاجة .. سنين كتير اوي ع الحال دا انا يتهيألي من ساعة ماجيت ع الدنيا وانا كدا حاسه بنقص فظيعع .. معرفش هوا العيب فيا انا ولا السبب في اهلي الي ماسكين شويه مع ان دخلنا يعتبر كويس جدًا وعيشتنا حلوه .. بحس اهلي بيمنوا عليا الي هوا لما يشتروا حاجة يقولوا شوفتي جبنالك ايه .. شفتي ودناكي الدكتور وخد السعر ال فلاني ومش حرمينكم من حاجة .. هما لو مش حارمني من حاجة بجد امال انا ليه بحس اني فقيره وكحيانه .. كنت بفكر كتير اوي اشتغل جمب الدراسه وجتلي فرصه من السما بدخل حلووو جدًا بس في مشكلة معينه واهلي رفضوا وقلبي بيتقطعع .. انا بنيت احلام وتخيلات كتير اوي من الشغلانه دي وهيبقى عندي فلوس ومش هطلب حاجة من اهلي الي بيحسسوني اني بشحت منهم .. انا زعلانه اوي وبعيط ومش عارفه اعمل ايه انا بجد كنت مستعده اشتغل عادي واتعب بس عشان يبقى معايا فلوس وتيجي امي تقول احنا مش حرمينكم من حاجة وانتي مش محتاجة .. مش قادره اقولهاا في وشها اني محتاجة ومحتاجة اوي كمان .. انا كمان عندي مشكلة اني بترعب اوي من فكرة الرفض عشان اترفضت كذا مره من وانا صغيره، ففكرة اني لما ابقى محتاجة حاجة اطلبها من اهلي دا شيء تقيل جدًا على قلبي تقل الجبال وبترعب من فكرة اني اطلب واترفض.. تعبت ومش عارفه اعمل ايه

4

16