صاحبى بيسيبني بعد الخطوبة.. أعمل إيه؟

Question

عايزة احكى حاجه وكل اللى يشوف البوست يقول رأيو بالذات الولاد 
دلوقتى انا بشتغل فى مكان وصاحب المكان دة صاحبى جداا وكل حاجه بنعملها سوا زى المرتبطين بالظبط .. المهم فجأة مبقاش بيكلمنى غير ف الشغل بس واى وقت تانى اكلمو ميردش عليا بعدين اكتشفت انو خطب او قرأ فاتحه من غير قصدو انا عرفت هو مقاليش حاجه وكل ما اقولو انا زعلانه منك عشان طريقتك دى يقولى هفهمك وهصالحك وبعد كدا يتهرب منى .. انا دلوقتى عايزة اعرف انهو احسن اواجهو باللى عرفتو واتخانق معاه واقولو انى هسيب الشغل واسيبو ولا الأحسن اتعامل كأن مفيش حاجه حصلت واحسسو انو ولا حاجه بالنسبالى ؟ !!
بليز ردو عليا ضرورى

Watermelon_13629 🇪🇬 · Accepted Answer

اولا المفروض من اول ما عرفتي كنتي قطعتي كلام و غيرتي طريقه المعامله 
ولا طبعا متسيبيش الشغل انت بس تتعاملي كأنه ولا حاجه اصلا و طلعي الموضوع من دماغك متديهوش اهميه

Durian_15775 🇪🇬 · Answer

اكرفيله ياحببتي وابعدي عنه واتكلمي معاه على قد الشغل وبس
اللي يعلق واحده بيه وميوضحش مشاعره ليها ويروح يخطب من غير ما يقولنا يبقي وسخ

Coconut_16549 🇪🇬 · Answer

انتِ غلطتِ من الأول إنك سمحتي لعلاقة عمل تكون شخصية ويكون في تقارب في التعامل بينكم، البداية دي دايمًا بتقلب بغم، بلاش تعاتبيه ولا تكلميه أصلًا لإن بمجرد ما عرفتي إنه مرتبط دا في حد ذاته ينهي أي علاقة بينك وبينه، لإن العلاقة فقدت المصداقية هتصدقيه ف أي حاجة بعدين إزاي؟ اتعاملي في حدود الشغل وبس، وعرفيه معنى التجاهل.

Cherry_11415 🇪🇬 · Answer

انا لسا عارفة من يومين اخر مرة شوفتو وفضلت ساكته وهو اتهرب منى عشان ميبررش ومن ساعتها انا مكلمتوش فهشوفو بكرة تانى فكونت عايزة اقولو انى هسيب الشغل ولو حاول يعمل عبيط ويستفسر كنت هقولو ف وشو كل حاجه وهمشى .. بس انا عايزة اعمل الصح هل أمشى واحسسو بغلطو ولا اكمل ف الشغل واتجاهلو بس حاسه انى هتوجع