Marshmallow_40590 🇮🇶
منذ 6 أشهر
.
شعور ضاق ذرعًا
السلام عليكم بنت صديقتي صار لها كثير تعرفنا فالمتوسط لأننا نقلنا فنفس الفترة و كذا و زادت صداقتنا لما وصلنا اخر مرحلة قبل لا ندخل الجامعة و كنا نساند بعض و كذا .صادف و رحنا نفس الجامعة بنفس التخصص والبنت ذي بتعمل حركات غريبة ساعات تصفق واحنا فمكان عام ولا تفرقع فاصابعها علشان تقلي بكلمك بدل ما تنادي باسمي و ضحكتها بتعلى مرات وأنا بنبهها و قلت ماشي لساتها فالبداية بعدين صرنا مرحلة ثانية و هي لا بتدرس و لا بتحضر و تجي تطلب من عندي كل شي ليه ما سجلتيني حضور والله أنا بسجلك ليه ما حطيتيني فتقريرك ليه ما تردي علي فكل التطبيقات و تقول كلام مستفز كثير و ساعات يتكون كويسة و ساعات يتكون مزعجة كثير ولما نركب فالسيارة تقول والله ما ابغى اجلس هنا ابغى اجلس مكانك و بتتزعل على حاجات تافهة قدام الناس يعني والله ليه ما تمسكيلي عصيري والله ليه ما درستيني ذي الفقرة ( كنا فاختبارات مد و راجعنا أنا والبنات ذي الفقرة و بنلحق نلم الباقي و هي ما كانت مركزة) و ابغاكي تدرسيني ذا الشي فالطريق ولما اجي ادرسها ألقاها تطالع من الشباك و ما مركزة معي و لا هي الي تخليني ادرس لنفسي ولا هي الي بتركز و صايرة اتضايق كثير منها نفسيا و معنويا و جسديا .لما نتخانق البنات يقعدوا يقولو رضيها هي صاحبتك و كذا طيب أنا ما عملت شي غلط ليه أنا الي بعتذر؟ يقولو والله بتحبك على الاقل لو بتحبني تحترم شوي ذي مو معاملة كويسة .ايش اسوي معها ؟ جربت أعيش يومي بعيد عنها ألقاها ترن علي الين تلقاني و تضل تزعجني لاني ما كنت عندها و تضيق علي يومي
7
2
