وليت نهدر مع روحي قاع الوقت عايشة فعالم وحدي عالم كلشي فيه كيما انا نبغي علابالي بلي هذا خيال بصح عييت العالم تاعي فالنهار و العالم تاعي فليل ما لويتش نعيش اللحظة بسبة العالم تاعي و الشخصيات لي فيه كل واحد باغي حية عياوني المشكل علابالي بلي راني غي نتخيل بصح ما طقتش صايي انا عييت خلاوني نكره دارنا و الناس لي فحياتي خلاوني نحوس كلشي يكون perfect و انا علابالي بلي مكان حتى حية غادي تكون كيما هوما باغيينها انا و هوما ماشي كيف كيف عياوني والله مانيش عارفة شا ندير حتى بنادم ما علاباله بلي راني نعيشه يتحكمو فيا و فقراراتي على حسابهم علابالي بلي كون نخرج و ندير كاش حية غادي يخلوني بصح غي نرجع وحدي يهبلوني مانيش باغية نقعد وحدي خطش غادي يهبلوني والله سيريو كرهت منهم و المشكل مانيش طايقة ننساهم علابالي بلي مكانش منهم

4

0