ضايعة عندي 27 سنة ومحققتش أي حاجة في حياتي

Question

انا اول مرة اعمل حاجة زي كدة او اكتب حاجة حاسة بيها مش عارفة ممكن اقول ايه بس انا حاسة اني ضايعة عندي ٢٧ سنة وحاسة اني محققتش اي حاجة في حياتي حياتي فاضية مفيهاش ناس ولا مغامرات ولا اي حاجة ولا اي حاجة حد عنده اقتراحات اعمل ايه علشان احس اني عايشة

Almond_35181 🇪🇬 · Accepted Answer

انزلي چيم 
خدي كورسات ف مجال تخصصك 
اخرجي في رحلات كتير بتبقي ررحله اليوم الواحد 
روحي اماكن جديده القاهره مليانه اماكن لو فضلتي كل يوم تروحي مكان لمده سنه مس هتخلص 
متنتظريش كل دا من حد انتي ب ايدك تعملي دا لوحدك و تبسطي نفسك 
اقري كتب وروايات بحرها واسع و بتشغل الوقت 
ولو مش بتشتغلي حاولي تشوفي شغل لأن دا هيساعدك جدا

Avocado_49352 🇪🇬 · Answer

اشتغلي

Tofu_19479 🇪🇬 · Answer

أول حاجه تركني السن على جنب،متفكريش ف عمرك كام فكري ف إنك هتعيشي مره واحده بس ف يا تعيشيها صح يا مش هتعيشي،الحياه مش كلها حلو ولا كلها وحش بس لازم دائمًا نحاول نقوم على رجلينا من تاني،اعملي حاجات جديده او مجنونه حتى لو لوحدك،اقرأي كتب ،خرجي نفسك وفسحي نفسك حتى لو مفيش ناس متحطيش سعادتك على شماعة وجود ناس ف حياتك أو لا ،لازم تفرحي نفسك بنفسك وتطلعي مع نفسك وتفرحيها،تعملي أي حاجه جديده ،غامري مع تفسك

Tofu_19479 🇪🇬 · Answer

والأهم إنك لازم تعودي نفسك ازاي تبقي لوحدك لأن مش دائمًا هتلاقي ناس جنبنا،فيه ناس ف خير وبركه وونس طريق لينا،مفيش ناس ف احنا كمان قادرين نفرح نفسنا ونبسطها ومنستناش وجود حد علشان يفرحنا

Apple_50450 🇪🇬 · Answer

كلمني اؤلك حل

Pistachio_38987 🇪🇬 · Answer

29 سنه ونفس الشعور ونفس الاحساس ، احنا جيل التسعينات شكله كله كده ، لو حابه ممكن نفكر سوا ايه اللى ممكن يتعمل