أنا صوتي حلو في بعض الناس بتسمعه بتندمج لدرجه هما بيصفوها بإنها النشوه الموسيقيه بعرف انت عاوز توصل لإيه والنغمه اللي انت عايزها عامله ازاي وبجيبهالك طول عمري بغني اغاني لمغنيين عادي لغيت من فتره تبت وبدأت اقرأ قرآن ولاقيت تفاعل رهييب من كل اللي سمعني لدرجه اني وانا بسمع بقا في ناس تجيلي الجامع تسمعني بس أنا مش شايف أن صوتي يستحق ده كله هو حلو فعلا بس مش للدرجه اللي هو وصلها من الناس بقيت أأذن كل الاذانات مكي ومدني والاذانات اللي طالعه ترند زي اذان يوم القيامه والاندونيسي وكل دول والجامع اللي كنت بروح فيه أنا وخمسه سته للصلاه بقوا اكتر من ٢٥ واحد فكل صلاه فيوم كنت رايح أأذن عادي زي عاداتي بعد ما كنت قعدت اكتر من ٥ شهور مؤذن ثابت للعشاء وكل الناس عارفه كدا لقيت راجل كبير يعرفني شافني قالي متعنا يا فلان يلا قولتله من عيني بس يجي معاد الاذان وهعمل الي اقدر عليه جا قبل الاذان بثواني واحد أنا اعرفه طويل واسمر راجل أربعيني كدا دخل إذن فقولت مفيش مشكله لو نفسه يأذن يأذن عادي بس المشكله هنا لما رن عليا أحد الأصدقاء وقالي أنه تعبان جدا وعايزني اعدي عليه ضروري يبني طب استني اصلي لا طب دقيقتين اصلي فردي لا قومت رايحله واكتشفت فالاخر أنه بيحور عليا وكان عايزني معاه مشوار روحت صليت فجامع تاني تاني يوم اسمع من الشيخ اللي بيديني أن كل اللي فالجامع زعلوا مني واني مكنش ينفع اسيب الجامع عشان مأذنتش طبعا مش هفسر لكل اللي فالجامع من أهل المكان ليه انا مشيت فسرت للشيخ وقعدت احاول لكن مفيش طبعا اتحرجت اروح بعدها كذا مره وبسبب اني انا اللي كنت ماسك فتح الجامع وغلقه العشا كان ساعات الاذان بيتأذن متأخر ولما روحت ارجع تاني حصل معايا موقف وحش اوي قعدت جمب الراجل الكبير اللي اسمه عم خيري بالمناسبة واتبسط لما شافني لقيت الراجل الطويل الاسمر جا تاني وقام يأذن وهو شايفني قام عازم علي عم خيري يقوم يأذن وعمل نفسه مش شايفني عم خيري قام مشاور عليا وقام قائله دهو اللي بيأذن مش احنا قام باصصلي من تحت لتحت بصه مقرفه وقام قايلي عايز تأذن يبني قولتله لا لو انت ناوي ادخل بطيب خاطر عشان انت مبخليش حد عاوز يأذن واسيبه دلوقتي أنا فضلت افتح الجامع قبله ٥ شهور وهو مكنتش بشوفه هناك اصلا وحاليا الجامع فعهدته اوقات كتيره مبيفتحهوش وبيلحقوا الاذان والناس بتخلص وانا ثقتي فنفسي قلت بسبب عدم تعرضي الميكروفون اللي كنت خلاص اتعودت عليه نسيت ازاي اخد راحتي قدامه ومش عارف اعمل ايه وفي جامع جمبنا متأكد اني لو سمعتهم صوتي هيدخلوني مش ثقه بس بيتي جمب الجامع علطول وهيكون حاجه كويسه عشان ساعات كتير الامام مبيحضرش واديني فالدوامه دي من شهرين ومش عارف اعمل ايه وصوتي بقا ينشذ قدام الناس من التوتر عشان مبتعرضش للناس زي ايام ما كنت مبأذن اعمل ايه 🙂

11

3