محتاج اسمع رأيكو في الموضوع ده وخصوصاً الشباب. طبعاً كلنا عاىفين ان بيبقا في هزار بين الشباب اللي بيشتمو فيه بالأهل وبالأم وكده وده منتشر جداً وانا من زمان مبقبلش الهزار ده وبرده لما بختار صحاب واندمج معاهم بيبقو برده مبيقبلوش الهزار ده ابدا. لكن من حوالي سنتين كده بقا عندي شلة صحاب تانية بس دول بقا بيهزرو بالهزار ده بينهم وبين بعض بس انا مبديش وش اوي ف الموضوع ده ف عشان كده محدش بيهزره معايا ماعدا واحد بس...ده بالنسباله الموضوع عادي و بيعمله بزيادة اوي لدرجة انه بيطلع منه كده تلقائي على طول...ف اوقات بيفلت منه برده ويهزر معايا بالكلام ده بس انا مببقاش عايز احرج حد خصوصا إني ببقا مش عايز حد يعمل حاجة تقفلني منه ف بكتفس ب اني اقوله اهدى وكده وخلاص لكن برده بعد فترة يقوم الكلام طالع منه تلقائي ويهزر بيه وكده ف انا مش عارف احط حد للموضوع بشكل واضح ومباشر وبقيت ببعد عن الشلة لما هو يكون موجود مع ان كنت عايز اننا نبقا صحاب وقرسبين كبنا من بعض بس هو ده بالذات وجوده بيضايقني شوية عشان عارف انه بنسبة كبيرة هيهزر بالكلام ده ف انا اضايق وهكذا ف بتجنب بقا اعد معاهم وانزل معاهم وكده وبقيت احس ان كده ثقتي ف نفسي قليلة طالما مش عارف اتعامل مع الموضوع واواجه محتار بصراحة. آسف للتطويل واتمنى أكون وصلت الموضوع بشكل كويس.

4

3