أنا مغتربة وبدرس، ومعايا صحبتي متجوزة وجوزها هو اللي بيصرف عليها وهي هنا، وموصيني عليها شخصيًا وقاللي خلي بالك منها المفروض إنها ست متجوزة ومحترمة، لكن اكتشفت إنها على علاقة بولد من الكلية الولد ده مسيحي وبتكلمه كل يوم، والولد بيضحك عليها بالكلام الفاضي اللي بيقوله وبيخليها تعمل حاجات عيب، زي إنه يطلب منها تفتح الكام وكده وهي ماشية وراه كأنها مراهقة مش متجوزة! أنا مصدومة منها ومخنوقة، لأني كل مرة أنصحها تتعامل كأن مفيش حاجة وتقول "شكرًا على النصيحة" وخلاص. اللي زاد وطفّح الكيل إنها كمان بتصور وإحنا نايمين! ولقيت نفسي ظاهرة في الفيديو! ده قلة أدب وانعدام ضمير، لا احترام لخصوصية ولا لناس ساكنة معاها ولا لجوزها اللي بيأمنها على نفسه وهي بتخونه. بجد اتصدمت ومش عارفة أتعامل إزاي، أقطع علاقتي بيها ولا أكلم جوزها ولا أعمل إيه؟ حسبي الله ونعم الوكيل، الواحد بيخاف على الناس أكتر من نفسها 😞

2

17