انا كنت مخطوبة بقالي 10 شهور كنت أنا صاحبة بنت خالته و قالت لمامته عليا و اتقدمو على الأساس ده احنا الاتنين دكاترة اسنان بس هو كان جامعة خاصة و هو ظابط احتياط و عنده 28 سنة وانا عندي 23 كان بداية الخطوبة مكانش متحمس وكان بيفكر في عيادته و كدا حتى مكانش بيسألني على فستاني لونه ايه عشان يطقم البدلة معايا ولا حاجة بالمناسبة هما ناس ساكنين في مدينة و مبسوطين جدا يوم الخطوبة نسى يجيبلي البوكيه واخته قالتلي مفكرتهوش ليه و رجع قاللي كنت بجهزه بقالي كام يوم بس مخلصش و معلش و جابهولي في الاخر كانت بداية الخطوبة مقبلش الادد بتاعي ولا فولو الانستا معلقهم ولما قولتله قاللي أنه في الجيش مفيش نت و مليش في السوشيال و لما قبل الفولو بتاعي كانوا الفولوورز نقصو و لما واجهته قاللي كنت بشيل ناس ملهاش لازمة عندي طالما كنت فاتح بالمرة و كانوا أمه واخته دايما يكلموني ابعتيله انتي رني عليه انتي هو بيحب البنت الدلوعة عافيه بيكي و طبعا محدش بينصحه بأي حاجة شوية بشوية حسيت الاعجاب بدأ يزيد من عنده كان دايما عاوز يقرب مني و يمسك أيدي كنت معظم الوقت يبعده و أقوله حرام وأما نتجوز هعملك اللي انت عاوزه يا حبيبي عشان ربنا يباركلنا و كل مرحلة ليها متعتها عدت الشهور وأهله كانوا مسافرين كان بيجيلي و يجبلي هدايا وانا كنت جبتله هدية في عيد ميلاده كنت حساه مش مبهور مع انها حاجات ماركة ورجع قال لا ده جميلة و بدا بستخدمها بدأ يجبلي ورد و بدأت مكالماتنا تبقى كتيرة مكانش بينيمني زعلانة بس مشكلته مع الخلاف كان لازم يجيب عليا غلط حتى لو غلطان وانتي وانتي وانتي وأمه تكلمني تقولي معلش اصل هو تقيل و كنت في مرة شفت عنده ع التيك توك و الانستا بنات و لما واجهته قاللي مش واخد بالي و بضيف اي حد بيبعتلي و شالهم لما اتخانقت معاه وقالي مش فارقينلي والله انا مبفتحش سوشيال و لو عاوزة تاخدي الاكونت خديه طبعا وثقت فيه و قولتله لا كنت اوقات اشوفه مشغول بليل و يقولي ده واحد صاحبي و كان فيه في شقته اوضة لونها مش عاجبني ف قولتله بالراحة و بكل هدوء بعد ما سألني إذا كنت حابة اغير حاجة قولتله نغير لونها للون الشقة عادي و هتبقى تحفة هو وافق بعدها بيوم أمته واخته كلموني أنه مش هينفع نغير اللون عشان العفش هيتبهدل وبعدها كلمته قاللي انا لقيتهم مش موافقين ف ريحت دماغي و لما جينا نختار القاعة كانوا هما عاوزين قاعة معينة وانا اختارت واحدة تانية وحجزناها بعد مناهدة حتى الميكب ارتيست اللي اختارتها قالو لااا مش حلوة خااالص بعدها روحنا نشوف الفستان كان هو في الجيش أمه واخته جم معانا في كانوا عاوزين يختاروا حاجات معينة وانا قيست اللي عاوزه بس سمعتهم ورا بيتكلموا يقولوا شوفو بطنها في الفستان عاملة ازاي و لما روحنا قاللي لو انتي عاوزة حاجة قوليلي وانا احجزلك المهم معجبنيش الفساتين اوي قاللي على أن صاحبه هروح مكان بيفصل فساتين و هيشتريهولي و اخوه كان عامل كدا على الرغم أن أخته وأمه مرضوش يقولي أنهم كانوا شاريينه لسلفتي و قاللي هنروح المكان ده بياخد وقت يحي 3 ساعات مشوار و قاللي هنروح مع والدتك و بس قولت تمام جيت اطلع أقابله لقيت أمه واخته معاه اضايقت و سلمت عليهم بس مكنتش عاطياله وش هو محدش باله و قعد يسألني مالك هما بقى ازاي تعملي كدا وازاي و المفروض يكون واحشك وانتي غلطانة ف وشه احمر و اتعصب بس متكلمش روحنا نختار رجعهم ورا و قال سيبوها تختار و جيت اقيس كنت باخد رأي ماما و هما كانوا شايفين عادي و لما روحنا برن عليه مردش و بعدها رن كإن شيطان راكبه و انتي ازاي تعملي كدا على الرغم اني مروحة معاه و كنت هزرت و فكيت الدنيا و كان بيضحك و زعلت من طريقته تاني يوم صالحيني و حكالي أن مامتهوقالتله ده مبتحبناش و مش عاوزانا و متمتعا بتزق اختك و المفروض اختك تغيرلها في البروفا جوا و قاللي احترام اهلي هيفرق و لو سمحتي كلمي مامتي كلمت مامته و الدنيا عدت وكان اوقات يطلب مني صور بس مكنتش بوافق ابدا ابدا الطلب ده كان قبل الفرح بشهرين .. بدأ يكلمني مكالماته الليلية الغريبة دي كنت بسمعه و بسكت لحد ما في مرة وقفته و قولتله انت مش خايف عليا بكلامك ده و الحاجات دي مش في أوانها بعدها جدي والد مامتي اتوفى وانا كنت في امتحانات و كنت في السكن وقتها ف كانوا بيرنو على مامتي ماما كتر خيرها من الصدمة مكانتش فاضية تمسك الموبايل حتى جدتي هي قاعدة بيها عندها كسر بالحوض و هو كلمني عشان يعرف مكان العزاء فين عشان أهله يعزو لانه في الجيش ف أمه قالتله ده حماتك مبتردش عليا ف اتعصب عليا و سألني و مقدروش الظروف قولتله على مكان العزاء قاللي ما مامتك مبتردش و هشوف الموضوع ده قولتله العزا لسة فاضل عليه ساعتين هتروحوا امتى انت مبتكبرنيش ليه حتى كتب كتاب اخويا انتو محضرتوش بحجة أن العربية عطلانة قاللي انا مبكبركييش؟؟ على العموم هشوف الموضوع ده انا حاطط مامتي ع الانتظار هكمل كلام معاها و شاف رسائل الواتس بتاعتي مردش عليها فضل تلت ايام ميكلمنيش ف اخويا كلمه قاله كنت بكلم اختي و قالتلي انكو مبتتكلموش بقالكو تلت ايام ازاي متعرفش عنها حاجة و ينفع كدا بيكلمه بهدوء و بعقلانية قاله هي بتتقمص بسرعة و حاولت اتأقلم معرفتش و ليها مني عتاب كبير .. القمص كان على أني اكتشفت أنه بيشرب سجاير و مقاليش و أنه مبيصليش وان عنده بنات و أنه فاضي و بيبقى اكتيڤ ع السوشيال لما ارن عليه و مبيردش و بعدها لغى اني اشوفه اكتيڤ .. تاني يوم بعد مكالمة اخويا كلمني قاللي مش هينفع نكمل مع بعض بالاسلوب ده واقعدي مع نفسك و شوفي هتعملي ايه قولتله ده كلامك ؟ قاللي ايوا قولتله تمام كلامك مع بابا و بعدها بتلت ساعات كلم بابا يقوله هي متنفعنيش ك زوجة و اخلاقها وحشة و المية عمرها ما ترجع لمجاريها وانا عاوز دهبي و هعرف اخده ازاي بابا بهدله و بعدها قاله انتو معمول في شقتك مطبخ بتمن الدهب طب هاتاي فلوس المطبخ من هنا لهنا هو عاوزنا نفكه و نخسر و ياخد دهبه بعدها لما اخوالي كلمو والده في الاول مكانش يعرف بعدها كان قاعد جمب مراته و هي بتقوله قول و قول و البنت اخلاقها وحشة مع أن بباه قال نرجع بابا موافقش ف اخوالي مسحوا بكرامتهم الارض لقيناه تاني يوم يعمل فينا محضر عشان الدهب بعد كل الحوارات دي المطبخ اتفك و اخد دهبه وانا عملت بلوكات و هو عمل بلوك لبابا انا في صدمة من الشخص اللي شوفته ده و باعني ايه النصيحة و ايه اللي مش شايفاه؟

6

0