غدر

Durian_55877 🇪🇬

منذ ساعة واحدة

شعور رائع

موضوع:

اتخدعت ف حد قبل كدة؟

اتخدعت ف امي وابويا وبقية اهلي كلهم وبعدهم صحابي و الناس اللي كنت بحبهم ومش هتتخيلوا ازاي اتخدعت، هو كان موقف واحد فضحهم كلهم سبحان الله وكل واحد اتفضح بطريقة مختلفة ︎ ︎ الموضوع كان باين من زمان فشخ وانا اللي كنت غبية وكل شوية يغدروا بيا وانا اسامح او اقنع نفسي اني مجنونة ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎

Cheese_55135 🇪🇬

منذ 3 أيام

شعور منزعج

موضوع:

اتخدعت ف حد قبل كدة؟

انا لما ابويا توفى عمي جه قال قدام الناس كلها عليا اني بقيت ابنه التاني من كام شهر كانت فيه قضيه في المحكمة عمي كان رافع قضية بيطالب بيها بطردي انا وامي من الشقة الحمد لله القضية اتحكمت لصالحي بس دي اكبر خدعة اتخدعتها في حد والمشكلة انه من دمي

Watermelon_55165 🇪🇬 للأسف حال الدنيا كل ما يسوء و يصعب أكتر الناس اللي متتقيش الله ولا تعرف ربنا بيكونوا أسوء و عندهم استعداد ياكلوا مال أهلهم أول ناس ، متثقش في أي بشر غير والدتك ( طبعاً ممكن تلاقي ناس كويسين بس دول للأسف قِلة ) الله يعينك متضايق وأنا بقول حاجه زي دي بس ده الواقع و احنا في دنيا ف ده طبيعي ، معظم المشاكل اللي بين الناس هو البعد عن الدين و للأسف البعد بيزيد أكتر عند البعض إلا من رحم ربي ربنا يهدينا

عرض الكل 1 نصيحة

Watermelon_53937 🇪🇬

منذ 5 أيام

شعور ضائع

انا كنت خاطب واحده و كنت بحبها بي جنون تمام طلعت خاينه و وعرفت و انها خاينه و تكلم معاها و ورجعنا لي بعض وعدة فتره طويله جدا و الفرح خلاص اقرب تاني خانتني ولمن جيت و جهتها بي الحقيقه طلعت انا واحد بشك فيها و انو انا مش راجال و باقي الكلام المعروف اهل انا غلطان عشان من اول خيانه سمحتها؟؟؟؟؟

Biscuit_45198 🇪🇬

منذ 6 أيام

شعور محبط

موضوع:

هل في يوم اتعلقت بحد؟

Blueberry_34595 🇪🇬 مش هدافع عنها ولكن مادمت انت بعد المدة دي كلها كتبت البوست ده يبقا بتفكر مش لازم فيها بس بتفكر انت عملت ايه غلط وليه هي عملت كدة ف مش هقولك ادخل ريليشن بس اعطي نفسك فرصة تقرب من بنت تانية يمكن تحبها وتنسا الاذية وتبطل تسأل نفسك وتتعب عقلك على حد ميستاهلش

عرض الكل 2 نصيحة

عبّر عن شعورك بشكل مجهول

اتعرفت علي واحده والامور كانت ماشيه تمام فاهمين دماغ بعض والعلاقه كانت بتتطور يوم عن الاول.
 واحده واحده اعترفت انها بتحبني اعترفتلها انا كمان اني بحبها وكنا 24 ساعه بنتكلم ف الاول كانت حكيالي ان  في واحد جارهم كان متقدملها ومحصلش نصيب لسبب انه مش شبها والواد بيشرب ومكنوش متفاهمين والكلام ده كله وسابه بعض.
وف يوم من الايام راجع من الشغل كلمتها قالتلي رايحه عند ستي! ك العاده قولتلها خدي بالك من نفسك ومتعوقيش ولو في حاجه اتصلي بيا الكلام الي كلنا عارفينه.
 المهم مروح بيتي واتفجاء المفاجأة الي مكنتش متخيلها 
لقيتها راكبه توكتوك والي كان خطيبها راكب جمبها وحاطت ايده علي كتفها
طبعاً انا شوفت المنظر وانزهلت كنت بكدب عيني لاني مكنتش اتوقع منها حاجه زي كده خالص كنت بثق فيها لدرجة كبيره جداً 
لحسن حظي لقيت توكتوك معرفه قولتلو خليك ورا التوكتوك ده ودماغي عماله تودي وتجيب طول الفتره الي كنت ماشي وراهم فيها مش عارف اتحكم ف اعصابي 
المهم نزلو قعدو علي كافيه وضحك وهزار قمت مطلع فوني ومقرب الزووم ومصور اتصلت عليها مردتش فضلت اتصل لحد ماقامت من جمبه ردت عليا كلمتها عادي جدا ايه وصلتي ولا لسه 
قالتلي اه لسه واصله منش شويه طب مكنتيش بتردي ليه قالتلي كنت قاعده جمب ماما وتيتا معرفتش ارد عليك انت رجعت من الشغل ولا لسه قولتلها راجع اهو. فترة ما كنت بكلمها مصدوم م الي بيحصل طب انا فحلم؟ 
المهم روحت ومبقتش عارف اتصرف ازاي لحد ما قررت اني مردش عليها لمدة يومين تكون اعصابي هديت عشان مخربش الدنيا فوق دماغها اليوم الاول رنت عليا فوق ال 75 مره وتبعت واتس وانستا وانا ولا سائل فيها تاني يوم لقيت رقم غريب بيرن وكان عندي شك 50٪ انها هي رديت لقيتها واحده صاحبتها اذيك عامل ايه في ايه بينك وبين$$$$$
انا:مفيش حاجه 
اومال مبتردش عليها ليه قولتلها مكنتش فاضي قالتلي هصدقك مع اني واثقه ان في حاجه بينك وبينها قولتلها هيكون في ايه يعني قالتلي معرفش وفضلت بقي مش هتلاقي حد يحبك قد$$$$$ دي بتموت فيك وبتقعد تحكيلي عنك قولتلها انا كمان بحبها ومفيش حاجه بيني وبينها خلصت معاها المكالمه قمت داخل واتس ل $$$$$ فقامت متصله رديت لقيتها بتعيط حرام عليك الي انت بتعمله ده في ايه طب انت زعلان مني 
سيبتها تخلص قمت رادد عليها ببرود اعصاب وقايلها انتي مصدقه نفسك
قالتلي مصدقه نفسي ازاي قولتلها تعالي واتس روحت بعتلها الصور الي كانت قاعده فيها علي الكافيه قالتلي هفهمك قولتلها مش عايز افهم انتي مش كويسه وكنتي حباني لاجل فلوسي وسمعتها كلام قد كده قمت عاملها بلوك فون ووتس وانستا وفيس ومسبتش مجال لانها تخش تكلمني الكلام ده عدي عليه ٨شهور لحد الان بتتصل علي الحظر ومش مبطله وتعمل اميلات فيك وتخش تكلمني واعرف ان هي وابلكها خلتني رافض اخش اي علاقه جديده ومبقتش عارف اثق ف حد من بعد الي عملته معايا 
لما الضربه تيجي من اقرب الناس ليك بتبقي صعبه مهما كنت قريب وواثق من الشخص الي قدامك حرص منه.

Strawberry_54716 🇪🇬

منذ أسبوع واحد

شعور مكسور القلب

ليه الانسان بيخون اللي استحمله ووقف معاه وجه علي نفسو كتير ليه اسمحلو يتجوز عليا علشان يبقي مرتاح فيفضل يهملني مدي الحياه ليه يخرجهم ويسفرهم ويفسحهم واللي استحملت المر معاه لا اخرها اكلها وشربها ليه؟؟؟

Popcorn_52587 🇪🇬 الخيانة عمرها ما كانت مبررة، و *اللي بيخون مش لأنه مستريح، لكن لأنه اختار يتجاوز الاحترام والوفاء اللي المفروض يكون في العلاقة*. الشخص اللي يختار يهمل اللي استحمله وعاش معاه أصعب الظروف *مش بيقدّر القيمة الحقيقية للحب والدعم اللي كان متوفر ليه*. اللي حصل مش غلطتك، لكن *فرصة ليكي إنك تدركي إنك تستحقي علاقة فيها احترام واهتمام حقيقي، مش مجرد تضحية من طرف واحد*. 💙

عرض الكل 4 نصيحة

Mango_54663 🇪🇬

منذ أسبوع واحد

شعور منزعج

موضوع:

ندمت علي اي وهل عرفت /ي تتخطى؟

اه ندمت اني كنت بتعامل بنيه صافيه مع الراجل اللي كان جوزي وكنت بقف وبساعد ف مصاريف وافضل اشجع عشان يشتري الشقه دي والعربيه دي والمشروع ده وندمت اني اتحملت ضرب واهانات فيا وف اهلي ده غير الخيانه والكلام حتى مع الستات المتجوزين مكانش بيخلي …وف الاخر اتجوز عليا حسبي الله ونعم الوكيل فيه

Popcorn_52587 🇪🇬 الأفضل ليك إنك *تدركي انك مش غلطانة* في نيتك الصافية، لكن بعض الأشخاص ما بيقدروش العطاء والاحترام. الغضب طبيعي، لكن الأهم إنك *متسيبهوش يستهلكك*. ركز على نفسك، على مستقبلك، وعلى بناء حياة مليانة راحة وسلام بعيدًا عن أي أذى عشته. *أنتي قوية، وتستحقي الاحترام والسعادة*. 💙

عرض الكل 5 نصيحة

Coffee_53130 🇪🇬

منذ أسبوع واحد

شعور ضائع

Hazelnut_52786 🇪🇬 واجهي بالحقيقه . الحقيقه اختصار لاي مشوار . اختارى كلامك وبهدوء واجهي

عرض الكل 9 نصيحة

عبّر عن شعورك بشكل مجهول

بقالنا شهر ونص بنتكلم 
لاقيت نفسي معاه حبيت وجوده ف حياتى 
اهتمامه ... مشاركته ليا 
كل حاجه 
النهارده كان يوم حلو اوى قضيناه سوى 
صحيت بدرى نزلنا فطرنا ف مكان شيك رفض اننا نتصور وقالى انه مش حابب نتصور 
اخر اليوم لفينا بالعربيه اتكلمنا وضحكنا وهزرنا 
وبعدين حضنى وباسنى بعدت عنه وقولتله خلى كل حاجه لوقتها ... قولتله انى خايفه قالى ليه قولتله متمشيش ابدا من فضلك انا فعلا بحبك وعيط فضل يطيب خاطرى وقالى انه مستحيل يمشي لانه مبسوط وسعيد معايا 
وهو بيوصلنى خبط حد بالعربيه  
و نزلنى قالى روحى لانى لسه الموضوع هيطول 
مشيت وفضلت معاه ع الفون عشان متأخرش 
وانا بعدى الشارع بصيت عليه حسيت انها اخر مره اشوفه مش عارفه ليه وقلبى اتقبض من وقتها  
روحت البيت وانا بقيت حسه ان ف حاجه غلط 
دلوقتى هو نايم عشان هيسافر الصبح 
فتحت الفيس بوك لاقيت اكونت بنت طلعت اخته 
حبيت اشوف صورهم كعيله وسرحت ف البروفايل 
لاقيت صور جوازه من ٢٠٢٢ 
حسه انى مدبوحه وحسه كأن حد خبطنى ع دماغى 
بفتكر كل نظره منه ومش عارفه أصدق انها كدب 
مش عارفه اعمل ايه 
اقوله انى عرفت وامشي وابعد لانى مش حابه اخرب بيت حد ولو قربى منه الفتره اللى فاتت ربنا شايف انا كنت جد معاه ازاى ومكنتش اعرف انه متجوز 
ولا مردش عليه تانى 
وقلبى واجعنى وحسه بصدمه كده غريبه ومش عارفه اتكلم مع حد 
ومتلغبطه أقرب تعبير للى حساه انى مدبوحه 
كأنه مسك قلبى طبطب عليه وفجأه بعد ما بدأ ينبض تانى مسكه عصره بايده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_54455 🇱🇾

منذ أسبوع واحد

شعور مستنزف

أسوء شخص وافسده هوا الشخص يلي ايخرب علاقة اتنين صحاب ويبتز الطرف ويهينه عشان هوا غيران من الطرف التاني وعارف ان العلاقه دي نقطط ضعفه حسبت عليها مش مسامحه ابدا كانت علاقتنا حلوا عشان ايش بس؟!!! حسبي الله 💔

Hazelnut_52786 🇪🇬 حسبنا الله ونعم الوكيل

عرض الكل 2 نصيحة

Apple_52997 🇪🇬

منذ أسبوع واحد

شعور مكسور القلب

موضوع:

ايه الحاجة لو اختفت من حياتك او مكانتش حصلت كنت هتبقي احسن

انا حياتي بسيطة وعفوية وبتعلق جامد بدون حتي افعال من الشخصية الا قدامي معروف عني الجدعانة وعمري ما خيبت امل حد فيا ودورت كتير اوووي عن صاحبة تكون جدعه صحبت مرتين في عمري والحمدلله مكنش ليا نصيب فيهم الصديقة الاولي قعدت معايا فترة كبيرة اوووي والصديقه التانية فترة مش قليله ومع ذلك لسة ملقتش الا يليق

French Fries_54173 🇪🇬

منذ أسبوع واحد

شعور ضائع

موضوع:

اتخدعت ف حد قبل كدة؟

عبّر عن شعورك بشكل مجهول

في قريبي بس خت حقي أنا كنت مرتبط ببنت وكنت بحبها فا حصل موقف كان لازم يكلمه وفعلا اكلمه وي قلتلها تمسح الرقم وي متكلمش تاني خلاص  بعدها بدات احس ان الرقم متمسحش ولسه بيكلمو فا قلتلها اكتر من 5 مرات تمسحو وهي تأكد انها مسحتو وهو يأكد انها مش بتكلمو  بس طرقتها متغيره خروج من الشات  وحجات من دي فا عدت الايام وي عرفت وي اتاكت انهم بيكلمو ولا كمان متفقين علي يوم يتقبلو ويروح شقه  رحت طبعا مكلمها فشختها وهو كان قاعد قدامي وانا بكلمها ورحت فشختو هو كمان تحت قافل  راحت رنت تاني رحت فشخها تاني لحد قلتلها حاجه هو مقلهاش ليا  راحت طبعا أنكرت  وجابت كل الي جواها وقالت انو مش بيحبني وبيكلم عليا وبيشتم فيااا  وحبت تطلع نفسها المظلومه  كل الناس مش بتحب تبان وحشه. فا هوتها لحد ما حبالي اسكرينات بشتايم لان  وفضلت معاها لحد ما اتأكد انهم مش بيكلمو  لمده شهر رحت مخترع اي حوار. وي سبتها   بس الخيانه أنا مزعلتش منها هي أنا عادي ممكن اعدي خيانتها هي مش خطيبتي ولا مراتي فا عارف ان ومدرك ان حلات زاي دي ممكن تحصل  عادي مع ان دي حاجه وحشه اوووي منها وتزعل جامد  بس كانت تزعل اكتر من قريبي  الي من دمي الي وكلين مع بعض عيش وملح في بيتو وبيتي  الي بقول اخويااااا والمشكله ان مينفعش  تخسرو  لان هيقول خسرني علشان حريم   فا مقطعتوش ولا كلمته شفت شتيمي وي سكت. بس من ساعتها ولا بقلو علي سر ولا بكلم معاه في موضوع. ولا بقيت احبه بتعامل معاه انو اكرام الضيف واجب ده لو جه بس هو من ساعتها مبقاش يجي   بعد ما روح طلعني وحش في حجات تانيه هو أصلا من الصعيد. فا قعد يكرهم فيا. ويقلهم حجات محصلتش  خلاني اتصل بيهم وي افهمهم كل حاجه وطبعا ما حكتش الموضوع بتاع البت فهمتهم موضوع الي حور فيها التنيه. بالمعنى الأصح ان عاب في ضيفتي لي. مع ان كنت شيلو علي كفوف الراحه حته بعد ما عرفت خيانتو كبرت عقلي وقلت ضيف وي عملتو حلو بس خلاص مبقتش اكلمه زاي الاول ولا احكيلو حاجه ولا بعبره ولو حصل بنا قعده علي قد الكلام والسلام بدل ما كان بي الأحضان بقا بي الايد والسلام عليكم

Apple_54293 🇪🇬

منذ أسبوع واحد

شعور محبط

عبّر عن شعورك بشكل مجهول

انا كنت مخطوبه عن حب ٩ سنين والخطوبه٥ سنين
اخر سنه حصلت مشكله بينه وبين اهلي كبيره جدا من قبلها كان بيحصل بيني وبينه مشاكل اغلبها كان بسبب اني بهون عليه يسبني زعلانه وانه كان بيفضل اي حاجه عليا وعدم اهتمام وكدا وكل منبعد نرجع لان علاقته ب اهلي كانت كويسه ومستمره حتي لما بنبعد لانه اشتغل معاهم وكان بنهم شغل وطبعا كنت رافضه دا ودي كانت من ضمن اسباب المشاكل بينا لاني مكنتش حابه اسمع كلمه مش حلوه زي احنا اللي مشغلينه او الكلام دا وكمان ماما لما كانت بتحصل بيني وبينها مشكله كانت بتستخدمه هو ضدي وهو كان بيقف معاها ويسبني مقهوره لوحدي وبنرجع بردو لحد ما من سنه حصل بنهم مشكله كبيره فيها فلوس وصلت لدرجه ان ماما كتبته وصلات امانه واتحبس يوم بسببها انا وقفت جمبه جامد اووي وكنت عارفه انه مخدش منها فلوس مشفتش بعيني بس هما حطوها في برنامج سوا وفاجاه الفلوس اتسحبت ومش معروف مين اللي خدها وقفت جمبه ونسيت كل المشاكل اللي كانت بيني وبينه وقلبي كان بيتقطع عليه وقفت لماما لحد ما ماما اتهمتني بسرقه انا كمان مع اني مليش دخل وحرجت عليا مجبش سيرته لما اتاكدت اني مش متفقه معاه ع حاجه بس انا مسمعتش كلامها وفضلت احذره لما احس ان ماما هتعمل اي حاجه عشت سنه قي عذاب كنت لما بحس انها ممكن تجيبه او هو هيحصلو حاجه قلبي كان بيوجعني ومبقدرش اخد نقسي واكلمه احذره واقوله ونبي خلي بالك من نفسك لحد ما سافر وهناك عرف يعمل فلوس وكان قايلي انه هيجوزني من ناحيه بابا لان انا وبابا وماما منفصلين ونا كان اهم حاجه عندي يكون في امان اول ما بقي معاه فلوس ويدفع عشان يحل مشكلته اتحول وبقي يقولي عايزني تتبري عن اهلك نسيت اقول حاجه انه قبل ما يسافر كان اهله بيضغطو عليا اشهد في صفه واحبس امي بس انا خفت وسالت دار الافتاء قالو لو بعتو ليكي ورقه ان القاضي عايزك تشهدي روحي ودا محصلش المهم لما سافر اتحول وقالي عايزني تتبري عن اهلك وهما يعرفو انك متربيه عنهم ولا حتي تحضري جنازه حد فيهم ورجع بقي قال انتي شخصيتك مش عجباني انا عايز واحده تقول تعم وحاضر وانتي مش كدا وعايز واحده متشتغلش كل دا جديد اول ما سافر قاله وحل مشكلته مع امي ودفعلها الفلوس وهو وماما بقو كويسين المفروض بردو بيقولي نفس الكلام دا مش هغير حاجه انتي بردو هتتبري منهم 
بعدين جالي مكالمه من بنت كنت اعرفها تعرف اخوه قالتلي ف وسط الكلام انه كان هيخطب والكلام دا من بدري من قبل ما يسافر قالتها في وسط كلام متعرفش ان انا وهو اصلا بنكلم ولا كلم اهلي وقال ل امي انا عايزها بس من ناحيه بباها وماما وافقت 
سمعت الكلام مصدقتش لحد ما سمعته من حد تاني وعرفت اسم البنت ومنين اتاريها قربته وهو لما كان هنا كان بيكلمها من سنه وهيخطبها ونا معرفش وف نفس الوقت كان بيكلمني وبيقول انه بيحبني وكل الكلام دا ومفهم صحابه ان علاقته بيا انتهت وبس بياخد مني اخبار
انا اتصدمت واما واجهته كدب وحلف كدب ف الاول وف الاخر اعترف وان الخطوبه مكملمتش وانه لسه عايز مني التلت شروط دول وانه مبيحبنيش من زمان من ٢٠٢١ طب وكملت ليه معرفش غشان العشره طب مقولتش اديني اهو بقولك لو هجوزك هجوزك عقل بس ولو عملتي عشاني اللي قولتهولك مش عارفه اعمل ايه ومش عارفه ابعد واشيل من حياتي ٩ سنين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_54171 🇪🇬

منذ أسبوع واحد

شعور مكسور القلب

موضوع:

الفلاش باك الي بيجي فجأه

شوفت بالصدفة بوست ليه بيسأل عن حاجه يعملها في شقته، من وقتها وأنا مش قادره اخرج برا ذكرياتنا بفتكر كل حاجه اخترناها وازاي خططنا للبيت دا بكل حب، كل دا اخترناه! دلوقتي هو بيعمله عشان البنت اللي سابني عشانها 😆 الله يوجع قلبه أضعاف ما وجعني

Mushroom_54071 🇪🇬

منذ أسبوع واحد

شعور قلق

هيروح يخوني مع الأمس وأنا عارفه وهو مش عارف هيخوني بجد خيانه وعارفه معادها أنا قلبي مكسوره أنا ضحيت بحاجات كتير عشانه هو مش عارف أني عارفه لكن أنا معرفش اعمل اي حد يقف معايا أنا تعبت اوي ف علاقه كدا كنت احسن بنت تتحب حرفيا فيها لكن هو هيخوني ببسهوله

Hazelnut_52786 🇪🇬 ❌ اللي يستسهل خيانتك، عمره ما استحقك. اختاري كرامتك، وابدأي تهتمي بنفسك زي ما اهتميتي بيه❌ ❇️انسحبي بكرامتك قبل ما تكسري أكتر❇️ ❇️متواجهيش خيانته بكلام، واجهيها بقرار✅✅ 🔅احمي قلبك زي ما كنتي بتحميه، بس المرة دي من اللي وجّعك🔅 💢• مفيش أغلى من نفسك، ومفيش حب حقيقي بيجي بعد خيانة💢 اللي بيخونك وهو في حضنك عمره ما كان أمان، ومشاعرك غالية بزيادة على حد يقلل منها بالطريقة دي👍👍👍

عرض الكل 4 نصيحة

Pineapple_52559 🇪🇬

منذ أسبوعين

شعور مكسور القلب

جماعه لي الراجل مش بيملي عينه واحده لي لازم كده لييي !!! طيب لي لما يخون مش بيشوف انه ظلم لي الناس وحشه كده لي هو انتم عندكم مشاعر في مشاعر طيب عندكم انتم عادي كده عادي تكسروا البنت عادي كل ده عادي تعرف عليها بنات و عادي انتم ازاي كده ازاااي 💔

Strawberry_53553 🇪🇬

منذ أسبوعين

شعور مكسور القلب

موضوع:

اتخدعت ف حد قبل كدة؟

يووووه كتييييير وتعبت ومبقاش عندي حيل افقد الثقه في حد جديد وبقيت بتعب اللي بيتعاملوا معايا معنديش اي ثقه لان الغدر جالي من اللي حواليا القرايب يعني مبقتش حتي قادره اختار شريك حياتي من اللي مريت بيه ازاي اقدر اتجاوز اللي جرالي واحب واتحب

Cookies_53268 🇪🇬 ع فكره انتي حد جميل اوي وطيب حاولي متركزيش في الي حصل او تفكري فيه الي عدا عدا وفات ولا هينفع نغيره ولا نرجع نعدل فيه هو خلاص خلص نشوف الي جي ونشوف حياتنا ومستقبلنا ونحاول نبصلها من طريق تاني بس يكون طريق كويس وتشتغلي ع نفسك شوفي الحاجه الي بتحبيها واشتغلي عليها هتلاقي نفسك اتخطيتي الي انتي فيه. اما تيجي تختاري بعد كد اختاري الشخص الي بيحب الي انتي بتحبيه عشان هتلاقيه منبهر ومبسوط بكل شيء معاكي

عرض الكل 4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع