صاحبتي بتؤذيني بكلامها وعارفه ازاي أتصرف

Q: صحبتي الاقرب بقت بتخبي عني وعايزه ابعد من غير حساسيه

ازيكوا يجماعه صحبتي اقرب واحده ليا كنا حرفيا مش بنقفل مع بعض غير علي النوم وكل أسراري معاها اكنها اختي واكتر وهي برضو المهم دخلت بينا واحده تالته وبقوا صحاب اوي الاتنين وبقيت بتحكيلها وبقيت بتخبي عني حاجات كتير علي عكس اني مازلت لسه بحكلها يومي بالتفاصيل بس بحس انها مش مهتمه زي الاول زي ما بتبقي مهمته وهيا بتسمعها ده غير أن التانيه كذا مره احس انها بتحاول توقع ما بينا وهي بتتكلم معايا بقيت احس اني حطاها في مكانه هي ماتستاهلاش فكرت ابعد عنها بس معرفش لاني اخدت عليا ويعتبر بقيت جزء من يومي وده غير أن هما معايا في نفس الشغل بس الموضوع بجد بقي مسببلي اذي نفسي وعايزه ابعد ومش عارفه هل ده عادي وانا اللي اوفر ولا ايه قولولي طريقه ابعد بيها من غير ما يكون في حساسيه ما بينا لأننا في شغل واحد

Q: صاحبتي متملكة ومش عارفة أتصرف معاها!

في واحده صاحبتي انا وهي صحاب بقالنا سنين بس هي شخصيتها متملكه اوي وغيورة يعني اللي انتِ صاحبتي أنا وبس و حصل مشاكل بيني انا وواحده صاحبتي تانيه بسببها وكده جت لما البنت دي بعدت عني بقت كويسه وكده وانا واختها صحاب فاا لقيت اختها بتقولي انها مابقتش قادره تستحمل طريقتها وكده وانا قعدت احسن من صورتها قدام اختها واقولها هي تعبانه ومتأثرة من م*وت والدكوا وكده المهم انها لما عرفت اني كلمت اختها عملت حوار من لا حوار وانا قعدت اتأسف كتير مع ان ده مش طبعي وعذرتها بردو المهم جت هي عملت حركه هي عارفه اني بكرها وجت قالتلي آسفه لما زعقت وكده وكانت بتقولها كأنها واجب ولما قولتلها اعمل بيها ايه قلبت الترابيزة وقالتلي اني لما بقولها اسفه من اول مره بتعدي الحوار واتقمصت وكده المهم ان من كام يوم قبل ما ابدأ إمتحانات كنت مضغوطه وكده معرفش ايه اللي حصل لا اتخانقنا ولا اي حاجة كل اللي حصل انها بتقولي انتِ مش شايفه طريقتك قولتها لا قالتلي بجد لسه هتتناقش قولتها اني ماشيه حالياً انا بجد مابقتش قادرة استحمل ووالدي بيقولي ماتبعديش عنها وفي نفس الوقت والدتي بتقولي استني شويه وشوفي انتِ عايزة تعملي ايه عشان العصبيه ماتبوظش الدنيا

Question

واحده صاحبتي ديما طريقتها معايا مؤذيه إذا كان بكلام بهزار عليا ب اي حاجه، فضلت ابررلها كتير لحد ما بجد قولت خلاص كفايه كدا انا هبعد شويه بس لو احتاجت حاجه انا هفضل معاها هتكلم و اشوفها و هسال عليها، بس هبعد شويه عشان سلامي انا النفسي راحت امبارح بتقولي هو انتي زعلانه مني في حاجه؟  قولتلهالا بس بحسك غشيمه معايا في الكلام و مش طيقاني في اخدت خطوه و لورا في الاخر طلعتني انا الي غلطانه و انو ازاي انا مقولتلهاش و انو مش بمزاجي ابعد و اقرب، كل دا و بتقوله بطريقه وحشه مش بتتفاهم معايا مثلا لا دي بتكلمني بقرف و بتتخانق بتقولي "لا بصي انا عملت الي عليا من ناحيتك و مش ههري كتير في الحوار دا، و علي فكره لازم اقفل دلوقتي يلا سلام" يمكن عشان انتوا مش سامعين فاكرين انو طريقتها عادي بس بجد كانت طريقه وحشه اوي حسستني انو انا الي غلطانه و انا الصاحبه الوسخه في الحوار اعمل ايه انا مش قادره افضل لصالح فيها و انا الي مدايقه و يوم ما بحاول اتعامل عادي بتعاملني بطريقه بارده و اسلوبها الي هو "ايوه انتي عايزه ايه يعني" و بتعمل اي حاجه غير انها تتكلم معايا، طب مش عايزه تحاول تصلح اي حاجه طيب دا انا يوم ما هي برضو زعلتني روحت قولتلها خلاص يا ستي حقك عليا و جبتلها حاجه حلوه