شايف الدين عبث ومش عارف أرجع حتى لو أعمى

Question

من عمر ١٨ سنة تقريبا وانا بدأت أشكك في ديني تدريجياً وأشوف فيديوهات ومناظرات وتساؤلات لحد ماوصلت ل ٢٧
تقريبا بقيت شايف كل شئ في الدين عبث وغير منطقي.. قرآن بأحاديث بحج بصلاة بكله.. مبقتش أصلي ركعه ولا بحس بأي روحانيات.. مش مبسوط بحالي كدا وحاسس بالتوهان.. ولو خيروني أرجع أعمى زي الأول وأكون زي القطيع هختار أبقى زيهم.. مش حابب كوني مختلف ووحيد ومقدرش أتكلم مع حد في حاجة زي كده.. بس غصب عني عقلي مش متقبل الفكرة والله.. بدعي ربنا يهديني بس للآسف بردو مش قادر..

Grape_57936 🇪🇬 · Accepted Answer

هقولك حاجه هل انت بتشوف عقلك أو بتشوف الفكرة لما بتفكر اكيد لا ربنا موجود شايف وحاسس بيك أمرك انك تعبده كل سجادة ودعاء بيسمعك يتقبل منك حاول ترجع تصلي اهزم شيطانك ادعي كتير في اخر الثلث الاخير من الليل

Strawberry_58130 🇪🇬 · Answer

ممكن تشوف مقاطع الشيوخ الهادين اوي الي بيتكلموا في البودكاست عن جمال وروعة الإسلام من غير صوت عالي ومن غير زعيق ولا حد يقولك انت كافر  اتفرج عليهم وقرب واحدة واحدة

Jackfruit_58154 🇪🇬 · Answer

لو عندك فيسبوك في قنا لحد اسمه معاذ عليان لما بحب اضحك شويه بخش اشوفه واعرف ان دينك دا الصح وحرفيا العبث ما اكثره برا دينا والتحريف فيه لكن لو عندك حاجه محدد ممكن تبحث عن اجابه ليها وان شاء الله هتلاقي وانا ممكن تسالني لو مش لقيت اجابه

Kiwi_58137 🇪🇬 · Answer

يعني انا لو  بحثت ومش لقيت إجابة اسألك انت هلاقيها عندك؟ 😂

Jackfruit_58154 🇪🇬 · Answer

انا رجل مسلم واكيد عارف ديني والحمد الله هتلاقي الرد

Pineapple_57987 🇪🇬 · Answer

،التفكر والتدبر في الدين والقرآن حاجه حلوه طبعا وواجبه (أفلا يتدبرون القران ام على قلوب اقفالها ) ف لو حاسس ب شك او حاجه ممكن تقعد مع شيخ وتسأله اي سؤال محيرك وهيجاوبك (فاسألوا أهل الذكر إن كنتم لا تعلمون) وان شاء الله ربنا هيهديك

Apple_57506 🇪🇬 · Answer

كل الشكوك الدينية و شكوك الإلحاد تم الرد عليها من المشايخ و علماء الدين و مفيش حرج إنك تسأل و تفهم لكن منك لنفسك أو بعض الفيديوهات أسأت فهمها لأ صدقني أنت أخويا وأنا خايف عليك زي نفسي .. لازم تلحق نفسك و تسأل لإن كل حاجة خلقها ربنا بحكمة و كل الكون ده بما فيه و الدين مش عبث أبدا .. و طالما بتدعي ربنا بالهدايةو عايز الحقيقة  يبقى ربنا هينور طريقك من تاني و توصل بس أنت اجتهد شوية و متكونش عنيد

Apple_57506 🇪🇬 · Answer

و في النهاية ربنا قال (و إن تتولوا يستبدل قوماً غيركم ثم لا يكونوا أمثالكم ) و قال تعالى ( إن تكفروا فإن الله غني عنكم ولا يرضى لعباده الكفر وإن تشكروا يرضه لكم )  .. في الوقت اللي ناس ضالة بتقرأ القرءان و يأثر فيهم و يهتدوا أنت ماشي ليه في الإتجاه المعاكس لمجرد إنك مش عايز تمشي مع الجماعة ( اللي بتقول عليهم قطيع )

Apple_57506 🇪🇬 · Answer

الله يهديك الله يهديك الله يهديك الله يهديك و هفضل أدعيلك الله ينور بصيرتك و يهديك

Grape_57936 🇪🇬 · Answer

متكسفش روح لشيخ واسأل اي حاجه تيجي في دماغك متقلقش كلنا كان عندنا اساله زيك اتجوبت بس متسبش نفسك لا اللحق نفسك واسال

Carrot_55880 🇪🇬 · Answer

ليه في حاجات منطقية جدا لو قارنتها بالاديان التانية او حتى قارنتها منطقيا في عقلك هتلاقي ان اه صح ممكن حاحات فعلا منسية من الواقع اللي بنعيشوه بس مش عبث وبتضيف جمال للموجودات وربنا يهدينا كلنا

Carrot_55880 🇪🇬 · Answer

انا كنت زيك في فترة من تلات سنين بس العكس بدل ما اروح عكس اقتنعت جدا بالدين بصراحة و خصوصا لما فهمت وشوفت الانتقادات اللي كان بينزلها ناس زي وود و غيره كله كلام هبد وكان بيدي ميزة للدين بجد لو خدته واحدة واحدة ممكن حاجات متدخلش دماغك بس بنسبة ٩٠ في المية هتلاقي الدين الاسلامي منطقي جدا

Carrot_55880 🇪🇬 · Answer

وطبعا لازم تقتنع الاول بشكل منطقي ان في دين وفي ربنا وان مناهج ال biochemistry و ال microbiology المعقدة اللي بناخدوها دي عن البكتيريا وطبيعية الجسم الحيوية المعقدة اكيد مكانتش ناتج هبد عشوائي من الظواهر الكونية لان العشوائية ليها حدود لو افترضنا انها جلت مرة مش هتيجي التانية والتالتة وهكذا لمئات التفصيلات اللي في جسمك بس او اكتر كمان ف حاول بجد تفكر وتتفكر وهتوصل ان شاء الله ❤️

Watermelon_58036 🇪🇬 · Answer

نتاا بتدعي ربناا يهديك 
بس نتاا مأخدتشش خطوه واحده صح 
من راي نك تتعلم تاخد خطوهه تجاه ربناا 
وتبلكك كل اللي عرفتتهه اللي نا واثقه منوو كلو ضلال 
لانك تايههه ومش عارف حاجهه فعلا بس بتدعيي
نتاا لو عارف ربنا فعلاا 
كان نزل في قلبك يقين ورحمههه 
دور في المكان الصح مع الناس الصح