تعبت من التسويق للاثات ومحدش بيشتري.. عايزة شغلة من البيت

Question

بقالي شهور بشتغل مسوقة لاثات في الفيس و مافيش حد بيشتري و بيطلعو عيني و ابعب بال100 صورة و اسالهم عن الأسعار اللي عيزينها و ابعت و مافيش فايدة محدش بيشتري. طيب انا بعمل كده ليه؟ علشان عايزة اساعد اهلي في مصروفي و علشان بحب اتعب و بحب احس بفرحة تعبي بس جالس احباط فوق احباطي في دراستي و بجد تعبت نت و وقت مهدور و نفسية في الأرض و كله على الفاضي.
لو حد يقدر يقترح عليا شغلة بجانب دراستي تكون من البيت و قبضها اسبوعي يكون عمل فيا خير بجد و ياريت حاجة تكون بسيطة و شكراً🌺

Onion_61988 🇪🇬 · Accepted Answer

كل اللي اقدر اقولك عليه اصبري ...عارف انه مش سهل و مش بزرار لكن لازم...بس بحييكي صراحه على جدعنتك و وقفتك جنب اهلك و تعبك بجد انتي ب ميت راجل و ربنا يرزقك ان شاء الله بشغل احسن من اللي انتي فيه

Banana_62063 🇪🇬 · Answer

دلوقتى عشان تحقق المعادله دى محتاج راس مال حتا لو مش كبير أو ممكن تتصرف فى راس مال يكون يستاهل  ألفكره إللى ممكن اقولك عليها .

Pumpkin_61887 🇪🇬 · Answer

طيب ممكن تقولي الفكرة

Apple_53375 🇪🇬 · Answer

ممكن اقولك علي حاجه انك تستخدمي شات جي بي تي في شغلك و هيفرق معاكي اوي و ممكن لو عايزه شغل تاني تستخدمي موقع لينكد ان تشوفي الشغل المناسب ليكي و خلي شات جي بي تي يعمل cv كويس

Orange_61947 🇪🇬 · Answer

فيه منصه اسمها مستقل شغلها كويس جدا اونلاين و ابحثي عنها و بيبقى الفلوس بالدولار ف لو عملت مثلا مشروعين تلاته ف الشهر هتدخلي مصاريفك وربنا يارب يكرمك لانك حد كويس ومحترم وبيقدر تعب أهله

Pumpkin_61887 🇪🇬 · Answer

ازاي اخلي شات جي بي تي يساعدني في شغلي؟ اديني مثال

Pumpkin_61887 🇪🇬 · Answer

تسلم يارب من كل شر ربنا يكرمني و يكرمك يارب العالمين 🌺

Pumpkin_61887 🇪🇬 · Answer

تسلم يارب ربنا يكرمني ويكرمك يارب🌺

Apple_53375 🇪🇬 · Answer

يعني احكي ايه هو شغلك و طبيعة شغلك و ازاي تحسني من نفسك و ازاي تتعملي مع الزباين و تكسبيهم بخطوات بسيطه توفر عليكي وقت و يساعد في البيع

Orange_61947 🇪🇬 · Answer

استخدمي معاها شات جي بي تي ف انك تكتبي العرض اللي هتقدميه و يساعدك ف عمل المشاريع وكده

Corn_68719 🇪🇬 · Answer

لو بتدرسي نصيحتي اتعلمي مهاره واشتغلي فريلانس دا افضل حل ليكي احد ما تخلصي دراسه.. تسويق سلع اسعارها غاليه مش سهل وبيحتاج مجهود كبير وكمان اعلانات عشان تتوجه للمهتمين بالشراء عشان الوقت ميضعش مع ناس مش مهتمه. لو بتحبي التسويق خدي كورسات تسويق الكتروني وهتلاقي برده شغل اونلاين 
انتي مش مقصره بس مجهودك ضايع
ربنا يوفقك