حاسس إني مقصر ومش عارف أطور نفسي في الكلية

Question

انا داخل علي ٢١ سنه كمان ٣ شهور انا في رابعه كليه حاسس اني معملتش حاجه في حياتي مع اني منظم وقتي ما بين مذاكره وجيم وصلاه يومي مفهوش غير الحاجات دي حتي الخروج كل فين وفين حاسس اني مش بعمل لي عليا حاسس اني في حاجه ناقصه وانا مقصر فيها كنت عايز اشتغل عشان اطور من نفسي في حتة اني اعرف سوق العمل ماشي ازاي وكده لاكن اهلي رافضين وبصراحه مش مخلييني محتاج حاجه بس انا حاسس اني عبئ عليهم ازاي اتخلص من الشعور ده لانه بيخليني احس بالقلق والخوف من المستقبل وهل فعلا انا مقصر ولا في حاجه محتاج اني اعملها زياده؟

Jackfruit_36220 🇪🇬 · Accepted Answer

اشتغل ياصاحبي واعتمد علي نفسك وطالما بتعمل اللي عليك اوعا تحس انك مقصر

Sugar_29587 🇪🇬 · Answer

عادي عارفهم انك عاوز تشتعل عشان تعتمد على نفسك

Cherry_29409 🇪🇬 · Answer

لا انت مش مقصر ف حاجة

Mango_37486 🇪🇬 · Answer

يعني انت باصص للموضوع من زاويه تانيه كل مرحله وليها متطلباتها وانت دلوقتي فمرحله انك تبقي بتذاكر ومجتهد ف دراستك وتحط لنفسك خطط لبعد التخرج وتعمل سيرش عن كل الفرص الاحسن والافضل لمجالك وتجهز نفسك وبعد متتخرج هتخش فمرحله تانيه ف متحاولش تحط ع نفسك تفكير سلبي انك مقصر لان كل واحد فينا عنده طاقه كفايا انك بتحاول

Kiwi_37211 🇪🇬 · Answer

لا انت مش مقصر قي حاجه بس اي راجل في العموم لازم يحس بالمسؤوليه

Mushroom_37399 🇪🇬 · Answer

بصراحه انا شيفاك مش مقصر فى حاجه لان اهم حاجه المزاكره والصلى بس برضو انت كبير ولازم تعتمد على نفسك حتى لو اهلك مش مقصرين معاك بس برضو الشغل هيخليك تعتمد على نفسك اكتر

Olive_37479 🇪🇬 · Answer

أنا فاهم مشاعرك تمامًا، وكلنا بنمر بمرحلة الشك دي. لو بتنظم وقتك بين المذاكرة والجيم والصلاة، فده إنجاز كبير. لو حاسس إنك محتاج حاجة زيادة، فكر في تطوير مهاراتك عن طريق كورسات أونلاين أو التطوع في حاجة تحبها. وكن مطمئن إن كل واحد بيمر بمشاعر القلق دي، الأهم إنك تلاقي الطريق اللي يناسبك.

Olive_37479 🇪🇬 · Answer

وكلنا بنمر بمرحلة الشك دي. لو حاسس إنك محتاج شغل لتطوير نفسك، حاول تدور على فرص أونلاين. في مجالات كتير تقدر تشتغل فيها من البيت، زي الفريلانسينج أو التعلم الذاتي. كلم أهلك بوضوح عن رغبتك في كسب خبرة وشوية استقلالية، وأكد لهم إن ده مش عبء، لكن خطوة مهمة لمستقبلك.