بحس إني عبء على أهلي ومكسوفة آخد منهم فلوس

Question

هو طبيعي إني احس دايما إن عبء على اهلي أو أي حد اعرفه ودايما لما اعمل أي حاجة احسبها حتى لو ناس برتاح معاها يعني أنا دلوقتي لسه مشلتش نفسي انا لسه هخش أولى كلية وداخلة خاص كمان عشان مجموعي مش حلو ف أنا حاسة اني تقيلة عليهم وبقول امشي الدنيا وادخل أي حاجة بس في نفس الوقت أنا فعلا مفيش حاجة مجموعي جايبها يعني أنا اعرف ناس جايبين أعلى مني ودخلوا خاص أنا اعمل ايه بقا وحاسة اني مش عايزة أخد  فلوس من اهلي و دماغي هتنفجر من التفكير ومكسوفة منهم أوي وحاسة تعبت من الموضوع إني دايما احس كدا حتى أيام ثانوي كنت بحس كدا شعور إني تقيلة عليهم وعلى اللي قدامي حتى لو هو معمليش أي تصرفات تدل على دا ، الشعور عندي في أي حاجة في حياتي ودماغي وجعتني من التفكير وساعات بكون قاعدة أنا عادي وكل اللي حواليا عادي والدنيا تمام بس انا حاسة بشعور مزعلني في قلبي لو في حل حد يقولي

Chocolate_15131 🇪🇬 · Accepted Answer

انا حاسه اني بقرأ كلام نفسي 
عايزه اقولك انا زيك بالظبط نفس كل حاجه
وكنت بحس اني مليش لازمه بس فكرت لو مكانوش عايزين يدخلوكي حاجه كويسه كانو استخسروها فيكي ودخلوكي زي ما جبتي محدش ضربهم علي ايدهم وقالهم دخلوها .. فهما حابينك في مكان كويس  وانتي واجبك ترفعي راسهم في كليتك بالتقدير مش تقولي حاسه اني تقيله 
انا اهو رايحه ٣ وخاص برضو كل ما الشعور دا يجيلي بخليه دافع ليا اني اذاكر اكتر عشان افرحهم

Watermelon_68270 🇪🇬 · Answer

دى حاجة كويسه على فكرة

Strawberry_68328 🇪🇬 · Answer

مانا تعبت الموضوع ارهقتتي إني دايما افضل احس كدا فاهم/ة قصدي؟

Watermelon_68270 🇪🇬 · Answer

بلاش تفكرى ف اى حاجة اعملى الل. يخليك مبسوطه و خلاص

Lemon_65229 🇪🇬 · Answer

اقتلي تفكيرك بالشغل 
منها تتعرفي علي ناس جديده ومنها فلوس للكليه 
وهيفرق معاكي كتير اوي

Cherry_66547 🇪🇬 · Answer

الحل بسيط جداً

Strawberry_68328 🇪🇬 · Answer

عايزة اشتغل بس مش عارفة اشتغل وهدخل علوم صحية ف خايفة اشتغل أهمل الدراسة وبعدين هما قاعدين يقولولي مشتغلش بس وكلمة حق ف اهلي هما مش مقصرين معايا بس عارف/ة لما ساعات يحصل مواقف تتضايق كدا معرفش هما بيكونوا واخدين بالهم ولا لا بس بزعل

Strawberry_68328 🇪🇬 · Answer

ايه هو

Avocado_67993 🇪🇬 · Answer

اجتهدي ف الكليه و  حاولي توريهم انهم مدفعوش الفلوس دي ف الفاضي

Strawberry_68328 🇪🇬 · Answer

عملت كدا في ثانوي مش قصدي أربط الأحداث أو اتشائم مش شخصيتي دي بس ذاكرت كتير في ثانوي وفي الاخر جبت 62%

Strawberry_68328 🇪🇬 · Answer

حاضر فهمتك شكرا💗

Lemon_65229 🇪🇬 · Answer

خديها انهم مش واخدين بالهم عشان الشيطان مستني فرصه زي دي 
وكل اهل ليهم سلبيات وايجابيات 
حتي احنا عندنا ايجابيات وسلبيات فربنا يهدينا ويهديهم 
اشتغلي في الصيف واول ما تبداء الدراسه شوفي ايه نظام الدراسه وشوفي هتعرفي بين الدراسه والشغل ولا لا

Onion_68332 🇪🇬 · Answer

لو حابه المجال و هتتفوقي فيه خشي و هما هيقدرو كدا

Strawberry_68328 🇪🇬 · Answer

أنا مكنش عندي هدف عمتا كان هدفي اجيب مجموع عالي بس الحمدلله حصل اللي حصل بس لما شوفت الكلية مواد انا معنديش مشكلة معاها عادي بس ممكن تقول/ي معنديش ثقة زيادة في نفسي

Strawberry_68328 🇪🇬 · Answer

حاضر فهمتك شكرا 💗 هجرب ويارب تبقى المواد متكنش تقيلة

Cherry_66547 🇪🇬 · Answer

انك تنزلي شغل فى اي مكان حتى لو كانت صيدليه انزلي فيها تدريب ولو عاوزة عرفينى

Strawberry_68328 🇪🇬 · Answer

ماشي معنديش مشكلة اجرب قول/ي عادي

Cherry_66547 🇪🇬 · Answer

ممكن طلب فى البرنامج ده انا لو حبيت ابعت رسالة لحد مش عارف مع انى يلاقى رسائل فى الاشعارات

Strawberry_68328 🇪🇬 · Answer

تبعت رسالة برايفت قصدك يعني؟

Cherry_66547 🇪🇬 · Answer

لا انا اقصد حد منزل مشكله وحبيت ابعتله خاص ينفع فى البرنامج دة

Strawberry_66678 🇪🇬 · Answer

عندك دم يا بنتي بس ما باليد حيله

Avocado_67993 🇪🇬 · Answer

مش مهم النتيجه 
المهم انك تحاولي و توريهم انك بتحاولي 
و حاولي ترضيهم ع قد ما تقدري

Strawberry_68328 🇪🇬 · Answer

تقريبا لا بس ثانية هشوف وهقولك

Strawberry_68328 🇪🇬 · Answer

هو الشعور وحش أوي الصراحة أنا اوقات كتير بعيط بسببه بس عندك حق فعلا أنا هحاول اجي على نفسي واذاكر واجيب تقديرات حلوة وربنا يوفقك 💗

Strawberry_68328 🇪🇬 · Answer

تقريبا لا مينفعش أنا بحاول اخش اكونت أي حد عادي بس مش بيدخل ف اتوقع مينفعش هو اخرك كومنتس

Cherry_66547 🇪🇬 · Answer

تمام

Cherry_66547 🇪🇬 · Answer

الف شكر لحضرتك على تعبك معانا