وحدة رغم كُتر الناس.. ليه بحس كدا؟

Question

انا من خمس/ ست سنين شعور الوحدة ملازمني
حاسّة اني وحيدة لابعد حدود
مع ان انا اجتماعية اوفر و اعرف ناس كتيرة جدًا وقريبة من ناس كتيرة و عندي ناس كتيرة في حياتي واهلي
ولكن انا دايمًا حاسّة بوحدة بالرغم من كُتر الناس في حياتي
بس شعوري بالوحدة دايمًا ملازمني

Coffee_28875 🇪🇬 · Accepted Answer

فيه مثل بيقول "صاحب الكل وحيد" انتي صاحبتهم كلهم بس مفيش حد تعرفي تقولي عليه صاحبك المقرب لان كلها غالبا علاقات سطحية يادوب خروجة على قعدة حلوة وخلاص.. بس مفيش مواقف جدعنة وكده

Corn_28608 🇪🇬 · Answer

قربى من ربنا

Chilli_28867 🇪🇬 · Answer

يعني تقدر تقول كده، بس الفكرة ان كان اقرب الناس ليا حرفيًا دايمًا بعملهم كل حاجه ودايمًا جنبهم واول ما وقعت !
ملقتهمش
تخيل انا لقيت الناس اللي زمايلي مش اكتر هما اللي كانوا بيحاولوا دايمًا يقفوا جنبي ودايمًا عاوزني بخير واقرب الناس ليا لا
بس من ساعتها وانا حرفيًا حاسة بالوحدة بالرغم ان ربنا عوضني بناس احسن و يتمنولي كل حاجه ومستعدين يعملولي ويقفوا جنبي
 ولكن انا لسه حاسه بالوحدة من ساعتها

Chilli_28867 🇪🇬 · Answer

اكيد بحاول اقرب من ربنا اكتر

Coffee_28875 🇪🇬 · Answer

احساس الوحدة اللي مازال موجود ده هو التروما ريسبونس.. غصب عنك مبقتش قادرة تثقي تاني من كتر مكانت الصدمة الأولى قوية ف عقلك بيحاول يحميكي لنك متثقيش تاني في حد ف بالتالي قلبك بقى وحيد لأن العقل متربس عليه الباب جوا لوحده عشان يحميه

Chilli_28867 🇪🇬 · Answer

ديه حقيقة فعلًا، ربنا يهونها من عنده