ضعيفه وكله بيكرهني.. نفسي حياتي تتغير للأحسن

Question

شخصيتي متغيرتش كنت ضعيفه ومازلت ضعيفه كله بيكرهني نفسي حياتي تتغير للاحسن وابطل اشغل نفسي بالناس بس اكيد هتغير للاحسن لما الاقي حد اكتفي بيه وقتها هتغير دى اسوء حاجه فيا ان دايما بكتفي بالناس مش بنفسي

Mango_29955 🇪🇬 · Accepted Answer

احب اقولك انك لو دايما مكتفي بالناس ف الناس هتقلل في ثقتك اكتر ودا مش حل الحل انك تزود ثقتك في نفسك عشان نفسك بس

Avocado_61871 🇪🇬 · Answer

بحس بالوحده

Carrot_61847 🇪🇬 · Answer

الكلام ده محفوظ ومهضوم والكل بيقولو بس ولا حد قال ازاي

Tomato_54793 🇪🇬 · Answer

اكبر غلط 
"هتغير لما الاقي حد اكتفي بيه" انتي مستسلمة لطريقة تفكيرك الغلط على انها جزء من طبيعتك، لا دي مش جزء من طبيعتك ودي حاجة محتاجة تغيير قبل اي حاجة والتغيير معتمد عليكي انتي مش على الناس

Avocado_61871 🇪🇬 · Answer

بس انا متاكده اني هتغير

Avocado_61871 🇪🇬 · Answer

طيب اتعامل مع الناس الي بحبها ومش مداياني اهميه ازاي

Tomato_54793 🇪🇬 · Answer

اول حاجة الناس مش مدياكي اهمية ده ممكن يكون وهم داخلي نابع من انك نفسك مش مدياكي اهمية، تاني حاجة انتي لو مكتفيةبذاتك مش هتفكري انك تبصي لحد مش مديكي اهمية لانك مدركة اهمية نفسك ومدركة ان لو حد مش مهتم بيكي ف خلاص فيه مليون حد عادي، النقطة المشتركة ان انتي محتاجة تتعلمي تكتفي بنفسك الاول ودي حاجة مش هقول انها سهلة ولكنها ضرورية قبل اي حاجة لانها هي النضارة اللي بتشوفي بيها نفسك والناس

Tomato_54793 🇪🇬 · Answer

لو معرفتيش تصلحي النقطة دي بنفسك، اخصائي نفسي هيساعدك جدا في علاج المشكلة دي

Avocado_61871 🇪🇬 · Answer

اكتر حاجه بتخليني ابعد عن الشخص هو مزاجي لاكن نقطه ضعفي ان حد يعمل معايا خناقه ويسيبني بفضل اخرف ف كلام وبعد ما اصالحوا بقول كلام يخليه يلعن نفسو

Tomato_54793 🇪🇬 · Answer

مش فاهم اخر جملة وايه علاقتها بالمشكلة، هل يعني تقصدي ان مشكلتك بتظهر لما حد يبعد عنك ولا لما يتخانق؟ وضحي الكلام

Avocado_61871 🇪🇬 · Answer

ايوا لما بعمل خناقه بقول كلام بيخليني ضعيفه

Tomato_54793 🇪🇬 · Answer

كلامك مش واضح، يعني ايه؟