شعور سوء المنقلب لما كل حواليك بيتقدموا وانت واقف

Question

انت عارف الشعور انك كنت من سنين بيتم النظر إليك على انك القدوة والكفاح وبسبب قرار اتخذته وأنت مبسوط ومغتر بنفسك
بعد القرار ده كل الانطباعات دي تنقلب أو بمعنى دقيق (سوء المنقلب) وقتها تحس ان كل الناس حولك بيتقدموا وبيطور وانت بتكرر نفس الشريط كل يوم
"في الواقع طريق مبهم
وفي الخيال طريق من وهم"
بتألف قصص داخل راسك انك أفضل واحد في كذا وكذا وجامد في كذا وكذا وانت مش عارف ما الهدف
ومش كده بس
لما تكون ايام وهتتخرج من كلية مش بتعلمك حاجة ومش همها غير الخنصرة
وتبدأ تجيلك أفكار زي
"ايه المشكلة لما اشتغل شغلانة اخد الراتب واصرفه على نفسي واعيش ملك  مش هتجوز لانها مش ناقصة تعقيد ووقفة حال وتكون عالة وابنك يطلب منك حاجة وانت عاجز"
[انا ما عنديش اي نية اني انهي كل حاجة]
بس بدأت اقتنع ان القبر احسن لي
.
صــلو ؏ الحبيب ❤️

Tofu_19483 🇪🇬 · Answer

بص كلنا عايشين في شقاء ف الدنيا دي،محدش عايش في نعيم تام كلنا عندنا مليون سبب يخلينا نموت نفسنا دلوقتي قبل بكره بس إيماننا بربنا ويقيننا التام بيه هو اللي بيمنعنا واحنا هنا عايشين في كبد مفيش راحه هنا،كل اللي بتعمله إننا بنجاهد نفسنا والدنيا والهوى ،الراحه اللي بجد ف الجنه ف لازم نصبر ونعافر لحد آخر نفس فينا، أنا مش بقولك كلام وخلاص أنا بكلمك وأنا أكتر واحده مريت بظروف تقسم جبال نصين

Tofu_19483 🇪🇬 · Answer

وأنا مريضة كانسر ومش بس مريضة كانسر أنا كمان حصلتلي ظروف غير مرضي هدتني اتكسرت كتير،بس الدنيا دار ابتلاءات واللي أحسن مننا اللي همه الأنبياء ربنا ابتلاهم ف احنا كمان لازم نتحمل وما علينا غير السعي بس،وأن ليس للإنسان إلا ما سعى وأن سعيه سوف يرى،ربنا شايف سعيك ف اسعى لحد آخر نفس فيك اعمل كل اللي تقدر عليه متبصش للأسباب ولا لأي حاجه،جاهد علشان تطور من نفسك وتحاول تغير أي حاجه اتغيرت فيك للأحسن

Tofu_19483 🇪🇬 · Answer

ف النهايه هدعيلك ربنا يصلح لك كل أحوالك ويريح بالك وقلبك ويرزقك من حيث لا تدري ولا تحتسب

Peanut_63074 🇪🇬 · Answer

انا عارف اللي انت بتتكلم فيه ده وخصوصا حوار انك تقعد تالف قصص في دماغك وانك اصلا غير مقتنع بنظام التعليم ولا مقتنع بفكرة الوظيفة اكيد عارف وعارف يعني ايه صلوا علي الحبيب اللي كتبتها في الاخر ديه

Peanut_63074 🇪🇬 · Answer

عليه افضل الصلاة والسلام

Peanut_63074 🇪🇬 · Answer

اما عن موضوع انك كنت قدوة ده فاكيد كان ليك فكر الناس بتحترمه اوي وبستغرب انك فهمه بس انت توهت جوا الفكر ده وهتطلع منه يارب يكون مقصدي كله صح

Kiwi_64450 🇪🇬 · Answer

ايه معنى صلوا على الحبيب؟

Peanut_63074 🇪🇬 · Answer

ان لا يخلو كلامك من الاسلام فده شي عظيم يعني مهما غلبك فكرك انت ليك مرجع عارف ان هو ده الحق علشان كده لما خلصت كلام عن مشكلتك طلبت الصلاة علي النبي عليه افضل الصلاة والسلام