سلو نفسكم شوية واقرؤو😂 جماعة أنا داوقتي في كلية تمام من زمان وماما معاها حساب الانستا بتاعي على تليفونها وأنا مكنش عندي مانع كانت بتشوف حاجات عليه زي أي أخبار أوتنبيهات بتنزلها مدارس أخواتي على حسابات مدارسهم بس قبل ما أبدأ حياتي الجامعية مسكت كل أجهزة البيت وشلت حساباتي وغيرت رقم الباسوورد بتاع الانستا ماما لما اكتشفت ده لقيتها دخلت في هستيريا زعيق وتنادي على باباوتقوله شف بنتك بتعمل ايه الفكرة أنا وبابا واقفين مش فاهمين في ايه بس بابا قالي رجعي الحساب لتليفون مامتك وخلاص وبالفعل رجعته وأنا عموما كنت حاذفاه عشان أركز في الدراسة وكده بس ماما بدت تفتح الانستا بتاعي كتير أوي وأحيانا بتبعتلي ريلز على الواتساب أنا كنت بكبر دماغي لحد مرة واحدة صحبتي اللي كنت قاعدة معاها في السكن بتقولي ^هو انتي مش حاذفة الانستا أومال ازاي بتعمليلي لايك على استورياتي ^ أنا أخدت دقيقة عشان أستوعب لقيت ماما بتعمل لايكاك عل استوريات و مش بس كده تروح تكلم بنات عندي على أساس أنا اللي بكلمهم أو بتفتح رسايل أصحابي تعمل seen ومتردش ومتقوليش و بنات كتير كانوا يجوا يقولولي ااحنا متضايقين منك عشان انتي مش بتردي الموضوع خرج عن السيطرة جدا ووقت ما واجهتها وقلت هغير رقم السري لقيتها دخلت في هستيريا زعيق وشتايم وحاجه كده أوفر أوي فضلت مش معبرة اتصالاتها أسبوع بس كانت مش طبيعية ومش على بعضها لحد ما رجعتلها الحساب تاني وقالتلي مش هتفتح تاني لقيتها رجعت للي بتعملو ولسه مواجهاها امبارح لقيتها بتقولي ده أخوكي اللي بيمسك التليفون وبيفتح الرسايل (أخويا ١٠ سنين) ?أنا أعمل معاها ايه بقا عشان مبقتش طايقة اللي بتعمله من غير ما أفتح حساب تاني 😮‍💨

1

0