تعبت من زوجتي النرجسية وحياتنا البائسة

Question

اكتر من ٢٠ سنه جواز مع زوجة نرجسية استحملت كتير اتهامات باطله و وصلت لدرجه وصفي باقذر الصفات و اتهامي بالعجز الجنسي ادام الناس مش هعرف اكلقها و لا اسيب البيت عشان اولادي كل اللي عرفت اعمله اني اقطع معاها اي اتصال نفسي او جسدي من اول السنه بجد تعبت و زهقت من الحياه دي

Pear_60850 🇪🇬 · Answer

مدام عندكم اطفال عجز جنسي ازاي دي يعني مفهتهاش بصراحه 
نصيحتي أبغض الحلال عن الله الطلاق 
هددها بيه ولو نشذت ارمي عليها طلقه عسى ولعلى تتعظ وتخاف

Peanut_59161 🇪🇬 · Answer

حولي تستحملي علشان عيالك

Croissant_60799 🇪🇬 · Answer

حضرتك اكيد عندك من سنين الخبره ال خلتك دلوقتي تبقي فهم أسلوبها وطريقتها واتبعت اسلوب اهوه هو ده الصح مع الناس النرجسيه متتعصبش ولا تبرر موقفك لأن هما بيحبوا الكلام ده وبيتغذوا عليه عادي تتعامل حضرتك بس منتناقشش ولا تبرر نفسك مدام مغلطتش ف حاجه ربنا يصلحلك الحال يارب ويعوضك خير ويرزقك راحه البال يارب

Banana_55334 🇪🇬 · Answer

بيقولك متجوز من زوجه نرجسيه يعني هو راجل 😂

Croissant_60799 🇪🇬 · Answer

عيش حياتك حضرتك لنفسك شويه واستمتع ده هيخليها كمان تفهم انك بقيت بتحب نفسك ومبقيتش بتتاثر بال هي بتعمله النوعيه دي بتحب تحس بالسيطره وأنها تقدر تكدرك بكلمه وتبسطك بكلمه وخف انك تدي حاجه او مشاعر بدون مقابل عيش لنفسك ولاولادك بس مدام انت بدأت باول خطوه

Onion_60912 🇪🇬 · Answer

جربت و منفعش و اولادي مش اطفال دول كبار ٢٠ و ١٤ سنه و قرفت من الحياه اللي انا عايشها

Onion_60912 🇪🇬 · Answer

مانا عامل كده بس الحياه بعد كل السنين دي بدون شريك صعبه انا قربت علي الخمسين سنه

Onion_60912 🇪🇬 · Answer

بعمل كده و اكتر بس زهقت دي مش حياه

Pear_60850 🇪🇬 · Answer

مفيش حل غير انو تصبر عليها علشان العيال والله لو مشيت حترتاح بس اولاد هم اللي حيدفعو التمن وغالي والله صدقني

Onion_60912 🇪🇬 · Answer

مضطر للاسف هم مالهومش ذنب بس الحياه بقت صعبه جدا و وحده قاتله

Croissant_60799 🇪🇬 · Answer

ربنا يخليلك اولادك يبقوا سند وظهر يارب ويصبروك علي ال حاصل يارب مقدر طبعا مفيش كلام اقدر اقوله ربنا يرزقك راحه البال يارب ويصلحلك الحال