زهقت من المجتمع الذكوري والنظرات المشبوهة!

Question

انا زهقت بجد من المجتمع الذكوري القذر دة انهاردة كنت لابسة (off shoulder ) و كنت رافعاه يعني جزء صغير من كتفي هو اللي باين و كان ب كم طويل و مش مبين بطني و قولت اعدي على السوبرماكت الاول اول ما دخلت لقيت واحد هندي بيبصلي نظرات مش تمام و هو اصلا صاحب المحل فا روحت اجيب حاجة من الرف لقيته جه يوقف ورايا على اساس انه بيجيب حاجة من الرف بردو مع انه معملش حاجة اول ما جه روحت بعدت و روحت احاسب و لقيته بيبص بردو نظرات مش تمام و بيبص على صد*ي و طلعت و من دي مواقف كتير و انا زهقت بجد حتى لما بلبس عادي بلاقي بردو الولاد بيعملو حجات شبه دي زي النظرات دي كتير (جسمي مش ملفت ابدا و دايما بلبس واسع ) ياريت لو كل واحد اتلم و عرف ربنا شوية

Pineapple_40372 🇹🇳 · Accepted Answer

هذا ماله دخل بالمجتمع الذكوري، ده إنسان مش محترم وبس، مرة من المرات زعقي عليه ولا زعقي قولي اللي الشخص يتحرش فيك ومعادش يقربلك أو يتبولد عليك، إذا وقفتيه عند حده مرة ماعاد يقربلك

Toast_48711 🇪🇬 · Answer

لبسك ملهوش علاقه بالموضوع بس خليكي واضحه لو حد بص لك كلميه عفوا بتبص علي ايه زعقي له خدي خطوه و بالمناسبه أنا منتقبه و بيحصل معايا مواقف اوحش بكتير اوي اوي ف لو عايزه تصلحي لبسك يبقي علشان ربنا و ممكن ده يقلل من نسبه المواقف دي بس ملهوش علاقه ده نقص وقله دين من الشخص اللي قدامك و متسكتيش

Broccoli_47609 🇪🇬 · Answer

ونعم النصايح 🤔
ما شاء الله

Banana_49975 🇦🇪 · Answer

المشكلة مش في لبسك ولا انك حلوه ولا المجتمع الذكوري ، ده طبع الهنود 🤷