زهقت

Marshmallow_73514 🇪🇬

منذ ساعة واحدة

شعور خجول

Mango_50327 🇮🇹

منذ 23 ساعة

شعور محبط

موضوع:

إيه أكتر حاجة مفتقدها في حياتك ؟؟

مفتقدة إني أشارك حد يومي زهقت من الوحدة أنا مفتقدة حاجات كتير مفتقدة حد أشاركه يومي حد يفهمني يعرف إن جوايا صوت مكتوم نفسه يطلع نفسي في حد يشوف اللي جوايا مش اللي باين من برا حد يشوف حاجة مميزة فيا أنا من كتر ما بكتب حاسة إني في صمت مفتقدة حد يسمعني ويفهمني من غير انتقادات عارفين أنا ساعات بحس إني ف

Mango_50327 🇮🇹

منذ يوم واحد

شعور مرتبك

هكرر نفس الكلمه الي مش بحبها أنا زهقت من وحده رغم أني حوليا ناس كتير بس بارضو لوحدي رغم عرفت ناس كتيير اووي بس بحس أنهم فتره مؤقته يعني ليها وقت وخلاص بكتب كتير و بقول كتير و بشتكي اكتر بقول الصيف لما بيجي بيدخل معاه البهجه بس اكتشفت ان الصيف ده مختلف معرفش يمكن علشان الوحده ذادت شويه معرفش تعرفو بخ

Avocado_73320 🇪🇬

منذ 4 أيام

شعور متعب

انا زهقت والله من الحياه ممكن نصيحه علشان ارجع احس بطعم الدنيا انا عندي اكتأب حاولت الانتحار يامه وبعت عن ربنا واهلي بيكرهوني و معنديش صحاب ولا اي حد يهتم بيا ضيعت مستقبلي كان حلمي اخش مدرسه معينه ومدخلتش ودلوقتي مش عرفه اذاكر ونفسي اخش جامعه معينه خايفه مجبش مجموعها

Avocado_71160 🇪🇬

منذ 4 أيام

شعور شاعر بالملل

زهقت من السهر اللي ملوش لزمة ونفسي اظبط نومي بس برجع وابوظه تاني وحاسس اني معملتش اي حاجة مزاكرة ودراسة وكورسات الموضوع ممل ومرهق نفسيا وخصوصا لو ناس نفس مجالك انت شايفهم اعلى منك بكتير بس الفرق انهم بدأوا بدري

Almond_55898 🇪🇬

منذ أسبوع واحد

شعور شاعر بالملل

انا ما بخرجش خاااالص م البيت من اول ما دخلت الكليه بقالي سنتين ما خرجت ولا يوم حرفيا وحاليا انا اخدت الاجازه يوم ٢٥/٦ ولحد الان ماخرجتش من باب البيت بجد لدرجه اني فكرت ف الجروبات بتاعت الفيس دي اللي بيتجمعو ويخرجو منها بس خوفت بصراحه يطلع حد مش كويس او يحصل اي حاجه ف بجد مش عارفه انا زهقت من البيت

Popcorn_71781 🇪🇬

منذ أسبوع واحد

شعور متوتر

موضوع:

عرفت تظبط حياتك بعد الصعاب الي مريت فيها ولا لسه بتعاني؟

شويه وبعدت عن ناس كتيره اوي كانو صحابي اوي وبجد بس كان ليهم في جو الولاد والحوارات وانا حاولت معاهم كتير بس بعدت عنهم بقالي سنه بظبط حالي بس بجد مش عارفه الاقي صحاب في كتير بس في المصلحه بجد وانا كل يوم بعيط علي الحوار ده وزهقت

Strawberry_71786 🇪🇬 هتلاقي صحاب وهيحبوكي كمان بس اوعي تفكري ترجعي تكون مع صحابك القدام تاني ولو فكرتي هتعرفي انك ارتاحتي في بعدك عنهم

عرض الكل 8 نصيحة

Tofu_68808 🇪🇬

منذ أسبوع واحد

شعور مرتبك

عبّر عن شعورك بشكل مجهول

انا بجد اتخنقت وقسم بالله وزهقت من الموضوع ده الوقتي انا الاخت الكبيرة في اخواتي عندي اخ عنده ٧ سنين الوقتي انا مدركة بالتعليم اكتر من امي وابويا لاني كنت اخرته سنة يعني المفروض يدخل أولي ابتدائي وسبب التأخير مكنش متاسس كويس ولا هيقدر يستحمل الضغط 
الوقتي الحمدلله بقا كويس بس المشكلة في امي وابويا الوقتي لا مدركين بمسؤولية أن الولد لازم يذاكر ونعوده من صغره أن يذاكر علي الاقل ساعة أو ساعتين بحيث يعرف لو ذاكر هيكون شاطر لا هما مش مدركين بده خالص حتي لو مش ذكرت ليه يقولوا يعني انتي مش عارفه تذاكري معاه ساعة واحدة بس 
الوقتي انا شغالة دروس في بيت يعني مدرسة ولما يكون اخويا عنده درس وابويا ياخده معاه الشغل واعيد مرة واتنين مش ينفع لازم تقعد الولد مش عندي وقت بليل وبكون تعبانة من الدروس وحتي لو خلصت ابنك اصلا مش بيكون عايز يذاكر عايز بس يلعب في الشارع ويروح يشتري ويجري هنا 
اللي معصبني بجد اللي هو يجي  يوم الدرس اللي كام ساعة ونقعد نكتب في الواجب ده طبعا قبل ما اشتغل الوقتي مش هيكون عندي اصلا وقت 
الولد كده هيتدمر ومدلعينه بطريقة بتعصني منها مش بيضربوا ولا عارفين حتي يزعقوا ليه ولد روح ذاكر لا روح الدرس انا اتخنقت بجد من الموضوع ده 
ولو اصلا سبت الولد والله هيكون فاشل درسيا لأن انا الوحيدة اللي بذاكر ليه في البيت 
ولا هيكون نافع في حاجه زهقت كلام حتي بدأت اتعصبت واتكلم معاهم 
ده حتي لما أقوله تعالي نذاكر يعيطت ويصرخ لما اعصابي في وجودهم بس لو مش موجودين بسمع الكلام بس انا تعبت
ده حتي الدروس عشان مش بيعمل الواجب بعتذر للمدرسه بتاعته  واكذب كان كذبة وحاسة والله انها عارفه اني بكدب فزهقت بجد لدرجة معتدتش حابة اذاكر وبقيت اكره اليوم اللي يكون عنده واجب أو مذاكرة ومع أنه بيعمل كده امي وابويا مش بيتكلم اصلا لما زهقتتتتت
اطنش واريح دماغي من الموضوع او اخاد موقف معاهم 
او اعمل ايه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_65230 🇪🇬

منذ أسبوعين

شعور متعب

بقالي فترة مخنوق مش عندي حد اتكلم معاه كل يوم لوحدي وبقالي سنين علي الوضع ده لحد ما زهقت من حياتي نفسيتي تعبت و حياتي باظت مليش صحاب ولا حد عايز يكون جمبي يمكن عشان انا مش بنت ف محدش بيهتم بيا لو كنت انا بنت كنت هلاقي الف شخص يبعتلي رسايل و يسال عليا في اليوم لكن ده مش موجود للاسف انا بجد بقيت شايف

Biscuit_70362 🇪🇬

منذ أسبوعين

شعور مكسور القلب

موضوع:

وقت حسيت فيه ان قيمتك قليله

ايوه علطول لمه بقعد مع عماتي بيفضلو يشككو في كلامي حتي لو جاحه هم اصلا ميعرفوهاا وعلطول بيحسسوني ان انا كدابه واني شخص مش كويس انا حقيقي زهقت منهم ومش ببقا عيزاهم يعرفو حاجه عني خالص بس هم بيزعقولي لاني مش بروحلهم كتير ولو روحت مش بتكلم هم اللي علطول بيهجموني في الكلام عن اي حاجه يعني في بمره انا

Biscuit_70362 🇪🇬

منذ أسبوعين

شعور مستنزف

الحياه وحشه اوي بجد ياتري ايه اللي هيحصل فيا ياتري هكون كويسه بس ازاي هكون كويسه مفيش اي سبب اصلا ليه بجد كل جاحه عيزنها مش بتحصل خالص وبتكون بعد كده مستحيله اصلا انا اتخنقت بجد ومش عرفه اعمل مش عيزه اكون عيشه مع حد عيزه اكون لوحدي انا مش عيزه حد يعاتبي علي حاجه انا جيت علي نفسي علشان تحصل لكن

Olive_69842 🇪🇬

منذ أسبوعين

شعور شاعر بالملل

انا لسه صغيره بقعد في البيت دايما بحكم اني بنت بس زهقت اوي تعبانه من كل حاجه وعندي اكتئاب بسبب الفراغ الي انا فيه قرأت كتاب بس خلص وكنت بحب التلوين مبقاتش بحبه ومعنديش اي حاجه اعملها غير اني امسك الموبايل وماما عامله للموبايل معاد وكنت بروح تمرين بس ظروفي الماديه في البيت قلت بقيت اتفرج علي تليفون ا

Ice Cream_63106 🇪🇬 ممكن تملي يومك زي مثلا اعملي تمارين من البيت بدل الجيم اقرأي ورد قرآن لمده ربع ساعه يوميا حاولي تتعودي على أذكار الصباح والمساء لو عندك وقت اسمعي بودكاست تنمية مش شرط دينية لا حياتية او نفسية اتعلمي لغات عندك تطبيق طليق رائع لسه عندك وقت اشتري كتاب اقرأي فيه و فيه كتب تلوين بتكون حلوه اوي لازم تحطي خطه لنفسك كل يوم اشغل نفسك بالطاعات قبل أن تشغلك المعاصي حاول تستغلي عمرك بدري عشان تسبقي الكل

عرض الكل 8 نصيحة

Strawberry_50711 🇪🇬

منذ أسبوعين

شعور متعب

موضوع:

تجربة غيرتك 180 درجة

انا نفسي يكون عندي صحاب بجد وميبعدوش بعد وقت ما يزهقو كل ما يكونو معندهمش حد يكلموني لكن لو عندهم صحاب يبعدو انا كنت بحبهم بس خلاص زهقت منهم بقيت بخاف اصحب حد ويبعد بقي عندي فوبيا بجد تعبت اوووي

Cheese_56445 🇪🇬 حقيقي انا كمان

عرض الكل 5 نصيحة

Avocado_67318 🇪🇬

منذ 3 أسابيع

شعور ضاق ذرعًا

جوزى بيعقبنى بالصمت العقابى طول الوقت على الصغيره والكبيرة وانا زهقت وتعبت وبقيت افكر فى الطلاق لانى زهقت بس مش عايزة الكلمة تطلع منى اعمل اية واحنا حاليا فى صمت عقابى ومش عارفة اوجهله رسالة ازاى بانى زهقت

Coffee_67326 🇪🇬 النصيحة الوحيدة الامينة هي انك لازم الاول تتأكدى من السبب عشان القرار يكون سليم قدام ربناو ضميرك وابنك وتبقي عملتي اللي عليكي

عرض الكل 33 نصيحة

Mango_50327 🇮🇹

منذ 4 أسابيع

شعور آسف

انتو عارفين لما تتخنقو من كل حاجه اه أنا كده زهقت من كل حاجه خلقي بدأ يديق و المشكله ان مفيش حد حاسس أنا تعبت خلاص مش عايزه اسمع كلمت معلش و لا أي اعزار كل ما بحاول ارجع زاي الأول و me ne spato il mondo لازم ألاقي حاجه تعصبني أو تخاليني ارجع ل نقتت الصفر يعني زاي النهارده كلو الحمدلله نجح ف الثانوية

Biscuit_71749 🇪🇬

ليه مدمن على الشعور اللي فات ومش قادر تبدأ من جديد؟

" ليه بنعيش جوه اللي فات؟" تبص للمحادثات القديمة، تسمع الأغنية اللي كنتوا بتحبوها، تقلب في الصور اللي فيها ضحكتكم، تضحك... وتعيط بعدها. بتفتكر التفاصيل كأنها لسه حصلة امبارح، رغم إن اللي بينك وبينها دلوقتي مش أكتر من مسافة ومسح على الواتساب. ليه؟ لأنك مش مدمن على الشخص... أنت مدمن على الشعور اللي كنت بتحسه وهو موجود. هو ده بيحصل ليه؟ لأن قلبك صدّق إن اللحظات دي كانت الأمان الحقيقي لأن عقلك بيربط الذكرى بالحنين، والحنين بالألم، والألم بالحب لأن في جواك فراغ، والذكريات بتسدّ الفراغ ده حتى لو بالحزن لكن الحقيقة؟ الماضي مكان للمرور، مش للسكن. إدمان الذكريات !!! بتفضل واقف مكانك، مش قادر تبدأ من جديد تقارن كل اللي بيحصل بحاجات زمان حتى الناس الجداد مش بتديهم فرصة لأنك لسه مربوط بحد مشي بتبقى عايش نص حياة... لأن النص التاني محبوس في الذاكره وفي الآخر... بتكتشف إنك بتستهلك روحك في حاجة انتهت. الشخص اللي في دماغك دلوقتي هو نسخة محسّنة منه... لكن الواقع؟ هو مش نفس اللي في بالك. الذكريات بتجمّل، بتلمّع، بتكذب أحيانًا... مفيش إنسان يستاهل تعلقك بالحزن كده. اقطع المصادر اللي بتشعل الذكرى احذف الصور، اقفل الشات، ماتسمعش الأغاني اللي بترجعك للوجع. دي مش قسوة، دي عناية ذاتية. كل مرة تشوف حاجة من دي، بتعيد الجرح تاني.بس ارجع للي ما بيتغيرش أبدًا: ربنا ربنا قال: "ألا بذكر الله تطمئن القلوب" مش بالموسيقى، ولا الصور، ولا الحنين... الطمأنينة الحقيقة مش في حضن الذكرى فيه آيات لما تقراها تحس إنها نازلة مخصوص لك، منها: "ما أصاب من مصيبة إلا بإذن الله، ومن يؤمن بالله يهد قلبه" و "إن مع العسر يسرا" "وعسى أن تكرهوا شيئًا وهو خير لكم" الذكرى مش غلط... لكن اللي بيقلب فيها طول الوقت بيضيع عمره، وبيأذي قلبه، وبيبعد عن اللي بيحبه أكتر من أي حد... حرر قلبك... مش علشان تنسى، لكن علشان تقدر تعيش، وتحب، وتعبد، وتتوب، وما تفضلش رهينة لحاجة راحت. #لـيل𝐋𝐚𝐲𝐥✨♥️ ...عرض المزيد

0 الدعم

0 نصيحة

Almond_56393 🇪🇬

تجربتي المرعبة مع الجن في بيت جدي

أنا عمري ما كنت مؤمن بحكايات الجن، كنت بضحك على أي حد يحكيها… لحد الليلة اللي غيرت كل حاجة. كنت سايب البلد وراجع أقعد في بيت جدي القديم، البيت كان فاضي بقاله سنين. من أول ما دخلته وأنا حاسس إنه مش طبيعي، كأن في حد بيراقبني. بالليل سمعت خطوات فوق السطح، طلعت لقيته فاضي. وأنا نازل لقيت الباب اللي ورايا بيتقفل لوحده. فضلت ساكت ومكمل، لحد ما جيت أنام. الساعة ٣ الفجر صحيت على صوت حد بينادي اسمي من الأوضة اللي قصادي. الأوضة دي مقفولة بالمفتاح من سنين ومحدش بيدخلها. قمت مرعوب، وقفت عند الباب أسمع، الصوت كان أوضح: "إفتح… إفتح". ولما قربت، لقيت المفتاح بيتلف لوحده في الكالون. قلبي كان هيقف… رجعت لورا وببص عالباب وهو بيتفتح بالراحة، والظلمة جوا عاملة زي بير ملوش آخر. حاولت أتحرك أو أصرخ بس جسمي اتشل. وفجأة شُفت عينين حمرا من جوه الأوضة، ووش باين شوية وبيرجع يستخبى تاني. سمعت نفس الصوت، بس المرة دي كان ورا ودني مش جوا الأوضة: "إنت اللي دخلت… إنت اللي فضلت لوحدك هنا… دلوقتي لازم تسمعنا". النور قطع، والدنيا غرقِت في سكون غريب، لا صوت كلاب ولا صراصير ولا أي حاجة… بس تنفسي وصوت خطوات حد بيلف حواليا في الضلمة. آخر حاجة فاكرها إني وقعت على الأرض، ولما صحيت لقيت نفسي مرمي برة البيت عند باب الشارع، والمفتاح في جيبي. ومن يومها، عمري ما قربت من البيت تاني. ...عرض المزيد

2 الدعم

5 نصيحة

Cookies_69047 🇪🇬

خايف إدمان التخيلات يأثر عليا بعد الجواز

من غير ما حد يقل ادبه من فضلكم ، انا جالى فترة فى حياتى كنت بعمل علاقات شات و كل ما ابطل ارجع تانى و الموضوع كان بيتطور كل شوية و يزيد فى التخيل لحد ما اتعرفت على واحدة كانت طالبة انى عاوزانى اعمل جوزها و حد تانى اللى يبقى معاها و انا جربت من باب التجربة و لما خلصنا ندمت و كنت برجع اللى فى بطنى من كتر الندم بعدها بفترة رجعت تانى و كنت عاوز نفس الموضوع و ابتديت اعملها كذا مرة ، انا خايف دا يأثر عليا بعد الجواز مع العلم انى لا جبت سيرة اهلى ولا بطيق ان حد يتكلم عنهم الموضوع خاص بانى جربت كدا على الزوجة و ادمنت التخيل دا على الزوجة ، ياريت تفيدونى ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع