بقالي يومين دخلت في ال loop المعتادة بتاعة انا زهقانة .. ورايا حاجات كتير .. مش بعمل حاجة منها .. بسيب كل حاجة و بتفرج على مسلسل اتفرجت عليه قبل كدا و بلعب لعبة مخلصة كل ال levels فيها قبل كدا .. على مدى سنين عمري بدهل في الحفرة دي كتير اوي و بطلع منها بس مش بخسر كتير الحمد لله بس ال cumulative effect كان ان تقدمي بطيء جدا في شغلي من ساعة التخرج .. و الموضوع مضايقني .. الناس مش موجودة اوي حواليا ..لان معظمهم مشغول في حاله و مش بلوم حد على دا .. زائد انه بشخصيتي دي مكنتش دايما جنبهم في اي وقت صعب عشان حد يبقى موجود جنبي .. بس مش بعتب على حد في دا ولا مستنية حاجة المهم انه لما بقول لحد كدا دايما بيحسسني انه دا negative thinking و انه انا المفروض ابص لنص الكوباية المليان بس الفكرة انه انا شايفة الكباية عمالة تفضى و مش قادرة اغض الطرف عن دا و القى متفاءلة و عادي .. حد عنده نصيحة ممكن يساعدني بيها بعيد عن مضادات الاكتئاب

4

2