زعلان من نفسي اوي وزعلان علي نفسي ف نفس الوقت .. زعلان من نفسي لاني سايبها لنفسها او لشيطانها ( جنس - شهوه - بنات - اباحيات - علاقات حرام وغلط (علي النت بس ) - نظرتي للمقربين ليا من القرايب والمعارف البنات انهم جنس وشهوه وبس .. زعلان علي نفسي علشان انا غاوي وعاشق لمجال الكمبيوتر (سوفت وير ) -- حبيت ادخل اطور من نفسي واتعلم برمجه ودخلت في كورس وحضرت بظبط 4 محاضرات وللاسف لحد دلوقتي مش عارف احل اي مشكلة من الـ TASK المطلوبه مني .. اتكلمت مع المحاضر وبعت له الحل الغلط ومشكور ساعدني وعرفني الصح وقالي مش مطلوب منك تحل صح حل وريني مدي استيعابك وفهمك هيوصلك لحل اي وانا هحللك الصح .. بس الفكره ان هو حل معايا TASK وقالي كمل بقي علي كده وللاسف لما جيت اكمل برضوا الحل مطلعش صح .. بعت له وللاسف مردش عليا .. معايا ٦ اشخاص غيري وبسم الله ماشاء الله طول المحاضره قاعدين يجاوبو ويشاركوا وانا في عالم تاني خالص معنديش حاجه اقولها غير تمام اه فاهم.. ودي حقيقه انا فاهم بس مش عارف اطبق ولما بطبق بطبق غلط .. دخلت الكروس علشان اطور من نفسي علشان عارف ان الشغل ده هيفيدني هيريحني هيخليني اشتغل من اللاب توب ف البيت بعيد عن احتكاك الناس بيا وجها لوجه وهيكون بجانب شغلي ف اي شركه خاصه ولو بقي مصدر دخلي من شغل البرمجه ده يكفيني مصروفي وزياده عليه مستعد ابقي يومي كله لشغلي ده وبس من البيت بقي من قهوه او كافي او نادي مش فارقه بس المشكله اني جيت ف الاول اهو ومش عارف اكمل حاسس وشايف ان الموضوع معقد وصعب اوي .. مع ان لما بحط حاجه ف دماغي بعملها وافتكر زمان ايام الدراسه كنت بكره حاجه اسمها مادة الرياضه .. جيت في ثالثه اعدادي والدتي قالت لي لو قفلت الامتحان هجيب لك الموبايل الانت عايزه .. وفعلا دخلت الامتحان وقفلته 100/100 والدتي صعقت بالنتيجه مكانتش متوقعه وفعلا جابت لي الموبايل الطلبته نفس الكلام اليخص كورس البرمجه ينطبق علي كورس الانجليزي ... دخلت مع اكتر من ٣ اكادميات اتعلم .. فاهم اه فاهم طيب طبق مش عارف اطبق .. اسس وقواعد الانجليزي الكنا بناخدها في المدرسه عارفها وعندي المبادئ دي .. طيب في الكورس بقي لا مبعرفش اطبق ..وبرضوا ايام الدراسه كنت فاشل في الانجليزي يعني ممكن مثلا اجيب ٣ /٣٠ - ٥١/١٠٠ وحجات عبيطه كده ... بقعد مع نفسي وبقول طب ليه انا كده ما في ناس زيي واقل مني وبتعرف تتكلم انجليزي وبتعرف تشتغل برمجه اشمعنا انا .. لحد امتي هفضل في حتة انت موظف في قطاع خاص شغال عند حد تحت امره في وقت شغله ولو اتاخرت او غبت او غلط تتحاسب حتي الاذن بتتحاسب عليه وممكن يترفض .. طب امتي انا هطلع من الموال ده وابقي كويس اتعلم انجليزي كويس وابقي كويس جدا فيه اكمل برمجه وابقي كويس فيها زي ما انا كويس الحمد لله في الكمبيوتر (سوفت وير ) .. يعني كنت شغال في شركة تحت بير السلم كده بيبيع لابات مستعمله وكان شغال معايا ناس اكبر مني .. كان بيقابلهم مشاكل مكانوش بيعرفوا يحلوها .. ويقولولي خد حل المشكله واحلها .. طب ما انا بفهم وبعرف افكر وبعرف احل المشكله انا مش غبي اهو .. امال انا ليه غبي ومش بفكر ومش بعرف احل واطبق سواء في البرمجه او الانجليزي .. اخر حاجه بقي انا قلت استغل وقتي بدل ما انا فاضي وبضيعه في حرام .. جنس وشهوه والكلام ال قولته فوق ده اني اشغل نفسي بالكورس واشغل يومي بس برضوا للاسف باجي اخر اليوم لازم اعمل حاجه حتي لو مش كل يوم يس بيحصل اه اقل من الاول وممكن اقعد ٣ تو ٤ ايام معملش حاجه بس برجع اعمل وهكذا ... ده غير بقي اني حاسس ان بسبب ذنوب الخلوات دي انا مش موفق ف حاجه .. حد هيقولي ايوه ممكن .. ماشي انا معاك بس ماهو غصب عني وانا بحاول اعمل اي اكتر من كده يعني ..!! الموضوع تعبني نفسيا وجسديا وذهنيا والله ... الواحد بيصحي من نومه لا طايق ضهره ولا وسطه ومش بيفوق الا بشاور سخن حتي في عز الحر ده ... حد عنده حلول للكلام ده كله ولا اي لان اوقات كتير بحس ان مليش لزمه اعيش بقي طالما مش عارف ابقي فالح ف حاجه اروح اموت نفسي وارتاح وطالما انا عبئ علي اهلي واتولدت بظروف خاصه وعندي ٣٠ سنه ولسه لحد دلوقتي لا خطبت ولا اتجوزت وده بسبب ظروفي الخاصه وكمان مش شغال وبصرف من فلوس انا شايلها للجواز المفروض يبقي اي لزمتها العيشه بقي ..!!

0

4