متجوزه من ٨ شهور وحماتي اتوفت من شهرين ومن حوالي ٥ ايام بتكلم انا واختي في الموبايل وبنتكلم عن رمضان والعزومات اللي مفروض بتتعمل فبقولها انا الحمد لله كنت المفروض اعزم حماتي بس هي ماتت قبل رمضان وريحتني يعني بهزر لاني عايشة في محافظة حماتي بعيد عن اهلى وبقولها هي الوحيدة اللي كنت اكيد لازم نعزمها اكتر من يوم وكلام بين الاخوات وهو كان قاعد يتفرج على التلفزيون وسمعني وانا في المطبخ و قالي ادعيلها بالرحمة ومتجبيش سبرتها ناني على لسانك تاني ومن يومها وهو زعلان مني ومتجاهلني تماما رغم اني حامل وتعبانه من الحمل ويعلم الله اني كنت بهزر مش اكتر وكلام بين الاخوات والله ومش عارفه اعمله ايه وارضيه ازاي بفكر اقوله نروح زيارة للمقابر يوم الجمعة عشان نزورها ونقرأ لها الفاتحه ولا اعمل ايه في حالتي ديه؟ خايفه افتح معاه الموضوع يزيد ويكبر اكتر من كده

39

0