أحلام

Apple_22069 🇪🇬

منذ 10 ساعات

شعور غير مكتمل

دلوقتي انا بحاول اتعلم تركي حبا في اللغة وكمان عايزة اسافر في المستقبل لتركيا يمكن ربنا يقدر واستقر فيها يعني هي احلام بس دلوقتي انا بتعلم علي دولينجو وحاسة انس مش بتعلم صح او بتعلم كويس حد عنده طريقة تانية افضل

Cheese_78444 🇪🇬

منذ 17 ساعة

شعور مكسور القلب

بعد محاولات ٣ سنين مع اكتر واحدة حبيتها في حياتي كل حاجة باظت بعد كل السعي والمحاولة الي حاولتها، بعد كل ليلة نمت بحلم بيها فيها وبتمني اكون معاها بعد ماقدمتلها كل حب الدنيا ف الاخر مشيت….مشيت وسابتني بتعذب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ازيكم عاملين ايه انا الصراحه مش كويسة بقالي ٦شهور كنت فاكره اني كويسة واتخطيت بس طلعت لأ ، هحكيلكم
انا كنت اتعرفت علي واحد صدفه عن طريق صحابي حب يتعرف عليا وكده وبعد ما اتعرفنا قالي انه عايز رقم ماما عشان يكلمها ويتقدملي وبالفعل مامته كلمت ماما ونزلنا اتقابلنا احنا منعرفش ازاي في فتره قليلة اوي اتعلقنا ببعض و حبينا بعض مع انها ايام قليلة بس كنا بنتكلم كتير وحرفيا حكالي حياته وحكيتله حياتي وقربنا جدا من بعض و حلمنا سوا وهو  كان فعلا جد مش بيتسلي لحد ما عدى تلت ايام بتوع الأستخارة وكنا مرتاحين احنا الاتنين تماما ولحد هنا كله كان تمام وجميل لحد ما قرر يجيلي هو واهله البيت 
بابا كان هو المشكله مكانش داخل دماغه لسبب تافه " معلومه انا بابا سبب مشاكلي كلها في حياتي افتكرت المره دي هيقف جمبي بس للأسف دمر حياتي " ليه؟ لأن بابا بيحب الماديات وكل ده عشان عرف انه من المنوفيه ف خد بالمظاهر انه بخيل مع ان والله خالص وهما كلهم حالهم كويس جدا بس اللي يقهر ان انا مبيهمنيش الحاجات دي نهائي، المهم جم يتكلموا في الاتفاقات وقالوا النص بالنص بابا قعد يعترض و يخلق اي حاجه تخلي الموضوع يبوظ المهم هو كان مفهمنا ان شقته 65 متر وكنا موافقين جه بابا سخر منه فالحته دي راح زعل واتقهر مع ان قال انه كان موافق وطالما انا راضيه خلاص المهم القعدة كانت بشعه وانا كنت قاعده فنص هدومي ومشيوا من بعدها تاني يوم قالوا كل شيء قسمه ونصيب و هو اتقهر اوي 
وانا من يومها خدت صدمه اوي كبيرة تخيلوا انا كنت خلاص ما بين اللي بحبه وبيحبني خطوه ونتخطب ونتجوز وفجأه راح مني وسابني وقالي قولي شكرا لوالدك و عند الله تجتمع الخصوم و الرسالة دي كسرتلي قلبي حاولت معاع انا وماما بس للأسف قال انه قفل الموضوع تماما
وان والدها مش هيريحني وده لأن كلام بابا كان متناقض معاه يقول الحاجه وعكسها وانا مش عارفه اقول الوم مين؟
حاولت اتخطي بس بعد ست شهور بدأت احلم انه بيرجعلي و بنتجوز والحلم متكرر معايا بس للأسف خلاص كل حاجه انتهت و هو سافر السعودية واشتغل هناك وبقى من اهل المدينة المنورة وانا فرحتله اوي هو يستاهل كل خير بس شايفه من بعيد حياتنا كانت هتبقى حلوة كان هياخدني معاه لما نتجوز دلوقتي خلاص رتب حياته وانا حياتي من ساعتها صعبه ومكسورة وقلبي مكسور
بدعي ربنا من كل قلبي انساه لو هو مش نصيبي خلاص ومحلمش الاحلام دي تاني
بس هو كان عامللي بلوك وبعدها شاله وبيشوف الاستوريز بتاعتي وانا بشوفها برضه ومعرفش ده معناه ايه بس انا مش قادره مراقبوش و كنت حاولت بس كنت برجع اراقبه وحقيقي انا حتى من بعده لسه مكسورة ومش عارفه اتخطي حاسه قلبي مقفول حتى لو جه حد تاني قلبي لسه عنده وبيتمني انه مكانش يمشي
ممكن حد يفيدني اعمل ايه لان انا حقيقي مكسورة من جوايا حتى لو بضحك واخرج واعيش بس حاجه جوايا حزينه اوي ومش بعمل اي حاجه في حياتي و حياتي اصلا بسبب ابويا كلها خناق وصوت عالي وانا تعبت حقيقي 
اسفه اني طولت بس حقيقي مخنوقه اوي 
💔💔💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ يومين

شعور خجول

انا بحب يوم الخميس ده جدا بيبقا خلاص أخيرا الاسبوع خلص وبكرا الجمعة يعني اجازة بس هل ده معناه إني مش هاعمل حاجة لا خالص ورايا كوم مذاكرة لأن الاسبوع الجاي شوامل يعني محتاجة اراجع كويس واذاكر كويس فحقيقي تبا للثانوية العامة لكن الحلو في الموضوع إن أنا لسه بحماسي ونشاطي واتمني ربنا يكرمني ويحققلي مراد

Avocado_26405 🇪🇬

منذ يومين

شعور مرهق

عبّر عن شعورك بشكل مجهول

" انتى وحدانية " اتقالتلى من زمان اوى وطنشتها عشان فعلا مش مهتمة بس الفترة دى بتيجى فى بالى كتير  .. الكل  شايفنى بحب اقعد لوحدى ودى حقيقة بس مش دايما بجد اوقات فى أشخاص برتاح معاهم وبحب اقعد معاهم كتير بس المشكلة أنه بجد القاعدة مع الناس طول الوقت بتستنزفنى ومش وراهم غير الهم أو يتكلموا على بعض أو قصص حب مقرفة وحتى لو مش كده فمشكلتى الأكبر أن محدش بيفهمنى من وانا صغيرة وبدأت احس أن فىّ مشكلة  وبحس انى مش مرتاحة وغير كده انا شخص معتمد على نفسه يعنى لو مفيش حد اقعد معاه بقعد مع نفسى .. الفترة دى بالذات مش بنزل غير درس واحد ( أنا ثانوية عامة) والباقى اونلاين  فحتى مثلا أصحابى وزمايلى مش بقابلهم ومعتش بتكلم مع حد فزادت عندى حاليا احلام اليقظة.. هى كده كده عندى من زمان بس من كتر ما انا لوحدى الوقتى بقيت بعيش فى الوهم ده طول الوقت مع أشخاص وهميين ومش عارفه اوقف ومش عارفه اعمل اى .. لما تكون المشكلة معايا هحاول الاقى حل لكن لو المشكلة مع انى الاقى حد يبقى ازاى الاقى حد يفهمنى بجد ؟ او على الأقل ازاى أخرج من الحالة دى أو أحلام اليقظة  .. عشان أنا بجد مش دايما بحب اكون لوحدى بس انا ملقتش غير نفسى بعد ربنا . أنا كمان كان نفسى يكون جنبى حد .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_58332 🇪🇬

منذ 3 أيام

شعور متعب

انا مشكلتي اني بحلم كتير واوي كمان بفكر ان كل حاجه جميله عاوزاها تحصلي اتخرج من كليه بحبها واشتغل في شغل برضو بحبو و اعمل حياه جميله مع حد برضه بحبو كلو بيقول انا بنت موهومه مش عايشه في الواقع يمكن معاهم حق فعلا بس الي بيخوفني فعلا ان مفيش حاجه من دي تحصل حاسه اني ممكن معرفش اكمل حياتي اصلا انا ممكن

Biscuit_77327 🇪🇬 دي حاجه جميله انك تحلمي كتير كده مش وحشه بس لازم تعرفي أن لو فيه حاجه من دي محصلتش أن ربنا اللي عايز كده انك تؤمني بقدر ربنا

عرض الكل 5 نصيحة

Popcorn_63907 🇪🇬

منذ 4 أيام

شعور مهتم

عبّر عن شعورك بشكل مجهول

انا عمري ما كنت مصدق في فكره الاعمال والسحر بس في حاجه غريبه بتحصل مش قادر افسرها هي اللي خلت الموضع يجي علي بالي وافكر فيه لاني متزكر ان والدي كان بيقول ان هو او احنا ما عمولنا عمل انا من النوع اللي مبيحلمش خالص وهو نايم بقالي عادلي الموضوع دا اكثر من 15 سنه كثلا ومتاقلم كنا عايشين في بيت زمان وعزلنا بسبب ما وعزلنا اكثر من مره بعده بس لازم سانويا حلم يتكرر معايا اكثر من مره في السنه وبيبقي نفس ة لحلم تقريبا اني منغير مقدمات ببقي واقف قدام باب يتنا للقديم وديمن بيبقي في شعور بالقلق وانا واقف قصاده بس بدخل دايما بحلم بیه مهجور مش ساكنه حد ولما بدخل وقرب من اوضتي القديمه بسمع صوت مش مفهوم بس غریب ومرعب واحيانا بشوف شخص او شيء متجسد دايما بيصيبني الفزع والخوف اول ما بشوفه وحاة ل اهر وفي اللحظه دي الدنيا بتبقي ابطا كاني بجري علي ترامبولين

مش دايما ببقي لوحدي في الحلم انهارده خدت معايا حد وا وانا في الحلم مدرك اني بحلم وبيتهيائلي بس كملت الحلم علي امل ان الشيء دا ما يطلعش بس ابتدا الحلم كالمعتاد ودخلنا سوا وبوريها الشقه وا اول ما بصيت علي اوضتي ابتدينا نسمع الصوت وشوفت الكيان ده وحولت اهرب بس معرفتش واللي كانت معايا قلتلها تجري مشفتهاش اه بتخرج بس عارف انها خرجت

مش فاهم دا ايه ومش عايز اربطه بحاجه زي الدجل لاننا كمسيحين مش بنؤمن بل كلام ده اةي موجود اه بس مش بنشغل دماغنا بيه بس مش فاهم الغريبه في التكرار انا سايب البيت دا بقالي زمن بس لازم الحلم دا يتكرر سانويا حد عنده تفسير يبقي ياريت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_47467 🇸🇦

منذ 4 أيام

شعور مرتبك

في احد قالي ان الأحلام شي مر فيه الإنسان واللي اعرفه الرؤية تكون بأوقات معينة بس رجع لي نفس فكرة كابوس أمس ان احد يلحقني وانا لازم اهرب نفس الكابوس بس بشكل مختلف ودايم شكل اللي تلحقني يفجع قمت من النوم مفزوعة يعني ونومتي كانت العصر، حاولت اني ما انام العصر بس تغلب النوم علي، نومة العصر سيئة، ياريت ا

Marshmallow_69067 🇪🇬

منذ 6 أيام

شعور خجول

عبّر عن شعورك بشكل مجهول

الخيال ف حد ذاته مش غاية ع اد م هو وسيلة لإستمرارية الحياة بشوية أمل.. 
شعورك انك من برا شبههم بس روحك مختلفة وكأنها موصوله بعالم خفي محدش يعرف عنه حاجة ..  مشكلة الخيال  انه مع الوقت بيفصلك  عن الواقع فلما تحاول تانى  تندمج مع البشر ومع واقعية الحياة بتخاف تفقد الامل الى بنيته في أحلامك فبترجع تسحب نفسك واحدة واحدة لحد م بتختفي و بتتحول لطيف.. شبح مختارش انه يهرب الا لحماية نفسه وان احلامه متبقاش مرتبطة بوجود شخص دخيل من برا العالم الخاص به اختيار غلط ممكن يدمر أحلامه وتوازنه  النفسي وحياته كلها فبيختار انه ميتعودش وميتعلقش بوجود حد اى حد.. ف نفس الوقت الأمل جواه بيخليه يصدق ان فيه حد مختلف مش شبههم هيجي ينقذه من خوفه ويعرفه علي الحياة بشكل جديد مش عالم مثالى ولكن على الاقل الشخص دا هيبنله بيت اربع حيطان من الحماية والأمان والتقبل والتفهم والطرف الخيالى هيملى البيت ورد وشمس وألوان لطيفة ف كل مكان ..
إبتسمت ؟؟   دا كمان كان مجرد خيال  أمل لطيف تأثيرة زى ضى شمس دافى لمس وشك  ترك اثر ف نفسك لكن مش بيدوم..
مشكلة الاحلام هى انك بتعتقد  بتصدق ان  اشخاصك الخياليين دى ارواح من عالم تانى حاسة بيك وبتدور عليك بتقابلها ف احلامك ولكن الحقيقة ان الشخص الى ساكن خيالك  ما هو الا جزء من روحك هو انت ف صورة مختلفة بتلبيلك إحتياجاتك الى انت بس عارفها  بتحبك بالطريقة الى بتتمناها يمكن دى مش أكتر طريقة صحية ولكنها اكتر طريقة آمنة..
إنسان حقيقي؟؟ تتعلق بيه فيتحكم في نفستيك ويفصلك عن احلامك اكيد مش كل الناس وحشة بس المعظم عايز يخطف منك نورك ويمشي ..  العلاقات الإنسانية الواعية بتتبنى ع التقبل ان حد يكون عايزك زى م انت بكل نواقصك وعيوبك وكل الكركبة الى جواك يبقى شايفها انها جنة ويكون عنده فضول طول الوقت فضول مبينتهيش انه يكتشفك اكتر ويكتشف كل شئ خفي جواك تفضل لغز مستمتع انه دخل  جواه ويبقى حاسس انه محظوظ ان هو الشخص الوحيد الى فتحتله بوابة أحلامك عشان يشاركك فيها شخص مجاش صدفة هو كان قدر وقدرتك ع الخيال كان الطريق الى اتشكلت فيه شخصيتك الى هو كان بيتمناها زى م هى وطلعت الأحلام حقيقة و إيمانك بوجوده مطلعش مجرد وهم طلعت الحقيقة اجمل من الخيال.. إبتسمت تانى؟؟ كل دا مش حقيقى برضو  إحنا بشر و دى صفات ملائكية مش هتلاقيها ع الارض إلا لو إتحبيت بطريقة محدش لسه إكتشفها وغالبا الى بيتحبوا بالشكل دا مش بيقولوا.. انا إتعلمت استمتع بالحلم ع هيئته وانه يعنى ليا كتير بس ف النهاية هو حلم.. الذكريات والأحلام بيتحولوا مع الوقت لشئ واحد ف ذاكرتك تقبل واقعية الحياة وان منتهى الامل فيها انها مش دايمة وتقبل ضعفك الى بيحتاج اوقات كتير انك تضلم مخك وتفصل عن روتين الحياة وتغمض عنيك وتسمع صوت بيهمس بإسمك من عالم تانى كان مستنيك.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ أسبوع واحد

شعور متعب

عامة بحسد اي حد مش ثانوية عامة ده أولا ثانيا بقا ياجدعان عاوزه اعيط بقالي ساعتين في أحلام يقظة وكل إللي في بالي السوند بتاع * الأول علي علمي علوم* بتاع مني الشاذلي اللي هو يا مساء الضحك أصلا أنا لسه جايبة في شامل الفيزياء 20من 30 اللي هو قمة الاحيه فا مش عارفة اضحك والا ابكي 😭😭? ولا شامل الكيمياء

Coffee_56002 🇪🇬

منذ أسبوع واحد

شعور ضاق ذرعًا

بتمني اني اصحي ف يوم الاقي كل حاجه اتغيرت القيني بقيت اهدي الاقي دماغي هديت ومبقاش جواها الدوشه ايل بتموت الاقي قلبي بطل تعب الاقي أحلامي بتتحقق وابقي بسعي ف الطريق الصح اتمني انها تيجي زي مانا عايز ولو مره اتمني احس اني عايش وان حواليا ناس بتدعمني اتمني كل حاجه تتغير لاني بقيت اتمني الموت ف كل لحظه

Strawberry_77589 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

ليا صديقه قريبه مني اوووي بحبها وبتحبني وعمرنا مكان جزانا شعور وحش لبعض .....مريت بأزمات وصدمات وكنت بتصنع القوه وبكمل ف شغلي وحياتي وبصحك واهزر لحد ما اتعرضت لصدمه جابتني الأرض سبت شغلي وسبت دراستي وسبت كل حاجه ومش عايزة اعمل حاجه وعازله نفسي عن كل الناس ....المفروض كنت اقدم ف الكليه اللي نفسي فيها وبعد مشوار دراسي أليم مرينا بيه انا وهي وبالفعل نجحنا ووصلنا ده سوا وبفضل ربنا بس انا مريت بحاجات كتير وحشه وصلتني للي انا فيه احلامي اتهدت وطموحي انهدم وانا موت حقيقي هي قدمت لأنها مستسلمتش .....انا رميت كل حلم ورايا ومبقتش بعمل حاجه ف حياتي غير اني قاعده ف اوضتي علطول مباكلش غير لما ادوخ ويدوبك لقمتين بالعدد وكنت بتعبد بس حتي العباده مبقتش قادره اعملها وبقيت انام اينعم نومي كلو كوابيس وبصحي من كل كابوس وكابوس اعيط ....هي مش قادره تتقبل ده وهايزاني اكمل واقدم ف جامعه ومش فاهمه اي حاجه للعلم فهمتها وهي عارفه اني نفسيتي مدمره بس هي عيزاني اكمل وانا مش قادره قولتلها لما تتقبليني بوضعي الجديد كلميني قالتلي لا أن لما تغيري تفكيرك ابقي كلميني صالحتهت لاني بحبها ومش عايزة علاقتنا تبوظ بس هي مش حابه كدا وعايزاني مستسلمش وعايزاني اقدم ف الكليه علشان مندمش بعدين .....انا مش عارفه اعمل اي معاها علشان مخسرهاش وف نفس الوقت حقيقي مش قادره ول عايزة اعمل حاجه انا مش عايزة اخرج من اوضتي اعمل اي ممكن تفيدوني واسفه طولت ف الكلام 🌝

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_75619 🇪🇬

منذ أسبوع واحد

شعور مستنزف

رغم أني قبل ما انام بقول اذكار النوم وبقرأ سوره الملك وايه الكرسي والمعوزتين سعات كتير بحلم بكوابيس وحشه اي السبب ومنها كوابيس بتكون عفاريت وحجات تخوف يمكن الحاجه الوحيده الإيجابية اني لما بشوف حجات زي كده في الحلم بكون فاكره حجات من القرآن ومره قرأت سوره الفلق

Almond_56393 🇪🇬

منذ أسبوعين

شعور لا مبالٍ

الفطرة طول عمرها كانت إن الإنسان بمجرد ما يكبر ويبلغ بيتجوز وبيلاقي شريك حياته اللي روحه بتسكن إليه.. حتى ع أيام النبي عليه الصلاة والسلام كان الجواز بسيط وسهل وفي بدايات العمر ودا كان بيساعد الإنسان المسلم ف حياته وبيعينه ع الشيطان وبيخليه يتفرغ للعلوم الشرعية او للشغل او لأي حاجة في الحياة.. ال

Coffee_56002 🇪🇬

منذ أسبوعين

شعور متعب

عبّر عن شعورك بشكل مجهول

بقالي فتره كبيره بسال نفسي سؤالين اتنين ملهمش تالت هو انا مين وعايز اوصل ل اي الفكره اني مش لاقي رد للسوالين دول انا فعلا معرفش انا مين هو انا الشخص الغلبان الطيب ايل بيحب كل الناس ونفسه يبقي نسخه من الناس الطيبه ايل حواليه الشخص ايل جواه طفل نفسه يعيش حياته نفسه يرجع زي زمان مش شايل هم حاجه مكنتش شايل هم حاجه غير أن لعبو تبوظ أو تتكسر ولا انا الشخص ايل أهدافه اكبر منه وعنده احلام كتير نفسه يحققها بس تقريبا الأحلام دي بتتبخر زي الدخان مع اي حاجه بتحصل وحشه ويرجع تاني لنفس الأحلام دي ويشتغل ع نفسه فتره بس لما مش بيلاقي نتيجه أو دعم من حد بيقف مكانه وميبقاش عارف يعمل اي انا عمري ماكنت وحش عمري ما فكرت اني ممكن اعمل حاجه وحشه من ايل عملتها ف حياتي عمري ما فكرت اني اشرب سجاير أو اذي حد او غيرهم كتير انا عندي حلم أو احلام ونفسي احققها بس والله ما باليد حيله مبقتش عارف ولا قادر جوايا خوف كبير مش بيسيبني ف حالي خوف من كل حاجه عندي اكتئاب بقالي سنتين او اكتر نفسي اتعالج منه بس خايف خايف أبين ضعفي لحد مظهر ثبات من برا لكن من جوايا انا مهدود مهزوم خايف قلقان فاشل مليش لزمه معنديش أهدافه معنديش مشاعر انا تعبان فشخ بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_77915 🇪🇬

اعجبت ب شخص ومش عارفة اتخلص من التفكير فيه

مساء الخير السلام عليكم ... أنا بنت عندي ٢٠ سنة أنا للأسف أعجبت ب شخص جدا هو مؤدب و محترم لأبعد الحدود مفيش بينا أي كلام ولا أي حاجة خالص و حاسه إني منجذبة ليه أوي و دايما تفكيري معاه حاولت أتخلص من الشعور دا مش عارفه كل مرة عن اللي قبلها بيزيد و صل ساعات لدرجة إني بشتهيه ج.نسيا غصب عني حاولت مش قادرة ...عرض المزيد

0 الدعم

36 نصيحة

Strawberry_77936 🇸🇦

عاوزة اموت من غير ما أكون كافرة

ايه الحل اللي ممكن اخده يموتني غير الانتحار انا عاوزة اموت بس من غير مااكون كافرة ولا قتلت نفسي.. انا معنديش استعداد اقابل ربنا من دلوقتي انا مذنبة وربنا مش يقبلني رس احن عليا من كل اللي حواليا دول ...عرض المزيد

2 الدعم

27 نصيحة

Cherry_55189 🇪🇬

طول عمري بحاول اكون كويسه ومش شايفين

طول عمري بحاول اكون كويسه زي ما اهلي عايزين خصوصا امي واخويا بحاول اكون دائما جايبه الدرجه النهائيه بحاول اكون شكلي حلو وجسمي حلو بحاول اعمل اي حاجه في شغل البيت بحاول ابقى ناضجه ومينفعش اهزر خالص بحاول ميبقاش ليا صحاب كتير متشغلنيش عنهم وبعد كل ده دايما شايفني مش مقدره النعمه ومش بعمل حاجه غير اني انام وأمسك التليفون ودايما مستوايا وحش وجسمي وحش وشعري وحش وحتى صحابي الاتنين الوحيدين بس مثلا لو قالولي على درس مع مدرس كويس ولا حاجه ولا قالولي على حاجه اجيبها انتي دائما ماشيه وراهم وفي الاخر هما احسن منك قولولي ازاي اكون مثاليه زي ماهما عايزين ...عرض المزيد

3 الدعم

24 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع