السلام عليكم رساله لكل واحد عنده هموم و منزل التطبيق عشان يحكيها. كلنا عندنا مشاكل و كلنا عندنا ضغوطات في حياتنا بس متخافش! ربنا عارف و حاسس و شايف الي بتعملو و حاسس بي كل تفصيله فيك قال الله-تعالي- (و نحن أقرب اليه من حبل الوريد) و ربنا بردو قال ( لقد خلقنا الإنسان في كبد) فمتزعلش لو حياتك فيها مشاكل و ضغوطات ربنا هيعضوك بالاحسن و لو عوضك مش في الدنيا هيبقي عوضك في الاخره:) حاول ديما تكون قريب من ربنا و بتصلي و بتدعي و تكون بتراعي ربنا في شغلك و حياتك عشان ربنا يكرمك و يرزقك من اوسع ابوابه اه في حاجه كمان عايز اقولها! في ناس دايما فاكره ان الرزق بالفلوس بس! و ده غلط الرزق عمره ما كان فلوس بس ممكن يكون في صحه او في عقلك او في ان ربنا يرزقك ب اولاد او حجات كتيره اوي ممكن متاخدش بالك منها بس غيرك مش بيبقي معاه نفس الحاجه الي معاك. ف دايما قول الحمد لله علي ابسط الاشياء لو حمدت ربنا علي كل حاجه هترضي و هتحس انك مرتاح. ربنا خالق كل واحد فينا عنده 24 قيراط و كل واحد بيكون مختلف عن التاني ف متزعلش و تقول هو اشمعني فلان عنده ده ونا معنديش او اشمعني فلان معاه فلوس و عيشته مرتاحه وانا لا، ده كده حرام و كده انك بتعترض علس قضاء ربنا و الي ربنا مقسمهولك. الحياه مجرد فانيه متخليش التلاتين او الاربعين السنه الي هتعيشهم يكون مليان بالمعاصي و الذنوب و افتكر ديما أن الله سبحانه و -تعالي- قال ( ان الله لا يضيع اجر من أحسن عملا) ف طول مانت ماشي جمب الحيط و بتتقي ربنا في شغلك و مش بتاذي حد و علي طول في حالك ف صدقني ربنا هيكرمك و يرزقك حتي لو كنت بسيط طيب هيجي واحد دلوقتي و يقولي طب ما انا بعمل كل ده و عندي ابتلاءات و حاسس ان الدنيا مقفله في وشي اكتر، متخافش دي حاجه حلوه لان (ان الله اذا احب عبدا ابتلاه)و ديما ربنا بيحط عباده الصالحين في ابتلاء كنوع من الاختبار عشان يشوفهم هما فعلا يستحقو الجنه ولا لا و يارب اكون اني افدتكو في حاجه و اتمني تكتبولي رايكم في الكومنت و شكرا :) السلام عليكم و رحمه الله و بركاته

4

30