دور السوبر هيرو ده مرهق ومتعب نفسيا

Donut_67161 🇪🇬

منذ 9 ساعات

شعور متعب

من كتر مانت بستحتمل حاجات فوق طاقتك طول الوقت الي حواليك هيعتبروه شئ طبيعي وفيها ايه يعني اما تستحمل الشئ الفلاني !! ميعرفوش ان ده كان من الاساس فوق طاقة تحملك والي بيستنكر هو نفسه مش هيقدر يتحمله دور السوبر هيرو ده مرهق ومتعب نفسياً لأقصى مدى وبيبرمجك انك متتعبش ولا تتأفف حتى ولو حصل الي حواليك هيستكتروا عليك شكوتك انت المفروض متشتكيش مش انت عاملي فيها سوبر هيرو !! ابلع بقى

أنا تعبان نفسياً ومحدش حاسس بيا

غالبا من كتر ما حسيت بالوجع في قلبي بقي عادي لما يتوجع افضل ساكت اصل انا كده كده موجوع مفيش جديد حتي مبقيتش عارف اعيط زي الاول عدت عليا فترة كنت بعيط فيها كل شوية كل يوم كل ساعة ويمكن كل دقيقة انا تعبان لوحدي في دنيا كلها فيها بيضحكوا علي بعض والناس تقولك انشف واسترجل اصل الدنيا هتبقي تمام بس انا مش شايف اي تمام انا كل اللي شايفه اني بحس بجزء من قلبي بيموت كل شويه موجوع لدرجة اني مش قادر اتكلم أو زهقت من كتر الكلام مش عايز نصايح حاسس اني هسمع نفس النصائح بتاعت كل مره انا تعبت بجد انا نفسي اروح في حته تانيه محدش يعرفني فيها احسن ما انا حاسس ب اني وسط ناس كتير بس كلهم بيتجهلوني محدش حاسس بيا ولا فاهم اللي جوايا كله عايز يعيش وخلاص وده حقهم بس انا كمان نفسي اعيش ومن الوجع دموعي نزلت مع الكلام اللي بكتبهلكم دلؤقتي هو صحيح الانتحار حرام بس مش حرام أن الواحد يفضل تعبان بالشكل ده لمدة عدت السنه وشهر انا بقيت تايه انا حتي مش فاهم انا كاتب ايه انا دخلت كتبت اللي جوايا وانا مش مرتب اي حاجه ولا فاهم اي حاجه حتي مش عارف اكمل كتابة تاني وعايز امسح كل ده ...عرض المزيد

0 الدعم

3 نصيحة