داخل على ٣١ سنة ولسة متجوزتش.. مخاوف وتوتر

Question

داخل على ٣١ سنة ولسة متجوزتش. كل اصحابي اتجوزا وخلفوا طفل واتنين.
كلام العيلة مع كل زيارة اللي ببحسسني إن الموضوع بسيط، ماما تشوفلك عروسة واتجوزها انت رافض تتجوز ليه؟ طب ما انا بسعى (بكون نفسي ـ بجهز شقتي ـ بطور شخصيتي وبتعالج نفسياً من صدمات الطفولة عشان منقلهاش لزوجتي وأولادي)
أنا فعلاً خايف، خايف بعد ما صرفت تحويشة العمر على تجهيز شقة (مش بإسمي بإسم والدي) متجوزش واخويا يتجوز فيها ـ والدي حالته المادية متسمحش بتفوفير شقة تانية.
خايف إني كل ما بتأخر كل ما الفرص بتضيع.
خايف استسلم وأرضى بأي واحدة مش مناسبين لبعض عشان أخلص من ضغط المجتمع.
خايف اتجوز وابقى مش مبسوط ونظلم نفسنا ونظلم أطفال أبرياء معانا.

Cherry_40587 🇪🇬 · Accepted Answer

سيد كوفي .. انا متفهمة جدا وضعك وحقك تحس انك بسباق مع الزمن غير ضغط الاهل والمجتمع بس خليك واثق ان ربنا عم يهيأك وكاتبلك الافضل لكن بالوقت المناسب لهيك لاتستعجل على قسمتك .. فمرة قريت حاجة عجبتني جدا وهي واحد بيقول انك لو اعزب استمتع بالعزوبية والحرية ولو متزوج استمتع بالحب والمشاركة والاهتمام ولو معندكش صحاب استمتع بعزلتك ورفقتك مع ذاتك وهكذا خلينا نحاول نركز ونمتن على يلي عندنا مش على معندناش

Cherry_45168 🇪🇬 · Answer

لا انت صح وفكك من كلام اللي حواليك وكل حاجة مكتوبة ليها وقتها

Biscuit_37813 🇪🇬 · Answer

أنوي وتوكل وهتلاقي كل حاجه بتحصل لوحدها اخلص النية لله

Pineapple_45098 🇮🇶 · Answer

الي تشوفه صح اعمله

Mango_11422 🇪🇬 · Answer

تفكيرك سليم جدا بس الموضوع عامل زي اللي لسه ع الشط وبيتعلم السباحه نظري ممكن اول م ينط ف الميه ميعرفش يعوم 
احساسك انك مش جاهز لحاجه دا مش هيروح غير لما تجرب التجربه نفسها ممكن انت تختار واحده وتشوفها مناسبه معاك ولا لأ ف الفتره دي انت تكون بتكمل تطوير ف نفسك
وبعد م تتجوز ممكن يكون فيه فتره قبل م تخلف تدرس فيها طريقه كويسه للتربيه 
متعملش حساب للمجتمع ركز على نفسك و استخير ربنا و كمل سعي وقوي قلبك

Cherry_45133 🇪🇬 · Answer

اوعى تستعجل واوعى تاخد غير اللى يناسبك ويرضيك انت وبس اوعى تاخد خطوه تندم عليها بقيه عمرك او تجرب تدخل علاقه تفضل تحارب عشان تتخطى اذاها ... ربنا بيبعت الناس الصح ف الوقت المناسب

Cherry_40587 🇪🇬 · Answer

بحب اهنيك على وعيك الذاتي وادراكك باهمية العلاج النفسي وقرارك الحكيم انك بدك تكسر الحلقة عندك وتربي جيل جديد صحي وسليم نفسيا وصدقني ربنا رح يعطيك اكتر مما تتمنى انت حاليا متجهز  لنصيبك بالارض خلي السماء تجهزلك قسمتك وكمل برحلتك لتطوير ذاتك وماتسمعش كلام حد ولا تستجيب لضغط حد ما تخليش تعبك كله يروح عالفاضي بلحظة ضعف او ضغط اهلك وتتجوز وتطلع معقدة او مضطربة وانت تشيل الليلة

Cherry_40587 🇪🇬 · Answer

ولو عايز حلول عملية ممكن تنزل ابليكشنز تعارف لكن بنية للزواج عشان مناخدش اثم ومين عارف؟ يمكن تلاقيها عالنت مثلا او حاول تسجل بدورات كورسات يمكن تعجب بوحدة الفكرة هي انك تحط نفسك بمجتمع مفتوح فيه خيارات متاحة كتير ومش عيب لو لقيت وحدة عجبتك تروح وتقلها وتتقدم لها

Strawberry_45441 🇪🇬 · Answer

اولا مش بالعمر خالص او انك كبرت او لا الفكرة انك تشوف المناسب ليك ايه و اى تفكر فى ان لزام اتجوز بسرعة عشان حد لا محدش هيعيش مكانك ولا هيكون فى مشاكل إلى هتحصل لزام تفكر صح كويس و مناسبين لبعض ولا لا و تفكير زى بعض و متقابلين بعض

Coffee_27700 🇪🇬 · Answer

أشكرك 🙏🏻

Plum_45864 🇪🇬 · Answer

شكرا انك خايف من انك تظلم نفسك او تظلم شريكتك او تظلم اطفال مش هيكون ليهم ذنب 
والاصح شكرا لانسانيتك فى النقطة دي بالتحديد 
الجواز رزق زيه زي اي حاجة تانية فى الدنيا 
ايمانك بانه رزق هيخفف عنك ضغط اي حاجة تانية 
حقك تخاف برضو لانك انسان وانسان طبيعي  
بس لو فكرت للحظة انك حاولت والموضوع منفعش زي مانت كنت مخطط او حابب 
مظنش ان الشقة او المال هيعوضك باي حاجة

Plum_45864 🇪🇬 · Answer

انت حاول انك تسعى للجواز باي طريقة مناسبة ليك واتوكل على الله
انا متاكدة ان كل حاجة هتكون كويسة فى الوقت اللي ربنا محددة لينا 
وان ربنا هيطمنك قريب وهيمحي كل مخاوفك 
والاهم استمتع بالفترة الحالية دي استمتع بعزوبيتك وتناسى خوفك وكله هيكون كويس

Coconut_45846 🇪🇬 · Answer

انا عارفة ان الضغط بيبقى صعب وان كل اللي حواليك مستنين منك تاخد خطوة هي اساسا مش هتفيدهم في حاجة اللي عايزه اقوله وبجد مش مجاملة انت اساسا سنك مش كبير عادي جدا استمتع وكون نفسك ولما ييجي الوقت المناسب هتاخد الخطوة

Nutella_46180 🇪🇬 · Answer

أخطب وربنا هيسهلك امورك باذن الله

Coffee_40196 🇪🇬 · Answer

ربنا ييسر لك امورك