موضوع:

اكتر موقف خلاك مترجعش تثق فى حد

انا انسانة عاملة زي الكتاب المفتوح، ما عندي اسرار اخبيها، بس الاشخاص الوحيدين اللي ممكن اخبي عنهم هم اقاربي، قبل فترة التقيت باحدى قريباتي بعد غياب ٧ سنين تقريباً، و ما بعرف شو اللي ضربني على راسي و خلاني احكيلها عن حبي الاول، حكيتلها انه دكتور و عنده عيادة و جنسية امريكية، و شخص منيح بس انا ما كملت معه لأني ما بدي شي حرام، و بحاول اني اتقرب من ربي اكتر، كنت وقتها بدولتها كزيارة مع بابا و اخي، و ما طولت لأنه طول فترة وجودي هونيك اللي هي حرفياً يومين بس، كنت مش مرتاحة و قلبي عم ينغزني، رجعت بلدي و بابا و اخي كانوا لسا هونيك، انا طبعاً بدرس طب بمصر و هي حلمها تروح مصر تدرس بس اهلها ما بيسمحولها، المهم انه حرفياً ثاني يوم من وصولي اكتشفت انها حاكية لبابا كل شي و مزودة بهارات من عندها، انه انا و الاكس كنا بنطلع و نسهر مروح حفلات و نشرب و غيرها، و انه لازم ما يرجعني مصر عشان ما ارجع اعمل كل هالاشيا، بابا طبعاً ما صدقها الحمدلله و ماما سافرت عندهم بعدها بكم يوم و مسكتها شرشحتها، بس بفضلها عطتني درس اني حرفياً ما اثق بأي حدا هاصةً لو كان يقربلي، هي حكت كل هاد من غيرتها و حسدها بس حسبي الله و نعم الوكيل و كفى.

12

2